ერთი რეალური სიყვარულის რეალური ისტორია ♥
4 355 ნახვა
რამდენიმე დღის წინ ჩემ უცხოელ მეგობრებთან
ერთად კახეთში ვიმყოფებოდი, გზად შევიარეთ სოფელ ხაშმში, სადაც ცოტა ხნით
შევჩერდით და ერთი საინტერესო მოხუცი გავიცანით. თავიდანვე ყურადღება
მიიქცია მოხუცის სიდარბაისლემ...
ეს მოხუცი, 84 წლის ხაშმელი ნოშრევან ქოქრაშვილია. ბატონი ნოშრევანი 17
წელი ხაშმის საბჭოს თავმჯდომარე იყო, სოფლის მრავალგზის დეპუტატი, 18 წელი
კი ხაშმის სკოლის დირექტორი გახლდათ. სწორედ იმ სკოლის, სადაც თავისი
საყვარელი გურული მეუღლე (გვარად ჩხაიძე) ერთ-ერთ საგანს ასწავლიდა
გარდაცვალებამდე. დღეს ნოშრევან ბაბუას ერთი პატარა მაღაზია აქვს, რომლითაც
სოფელს ამარაგებს, უფრო სწორად თავს ირთობს. სკოლის დირექტორობა მას
შემდეგ მიატოვა, რაც მეუღლე გარდაეცვალა და მიზეზი რომ ვკითხეთ გვიპასუხა:
ბაბუ მე იმ საქმეს ვეღარ გავაკეთებდი რასაც ერთად მე და ჩემი მეუღლე
ვაკეთებდითო, მე იმ შენობაში ვეღარ ვძლებდი მეუღლის გარეშეო. ნოშრევან ბაბუ
იმ სკოლაში ვეღარ შედიოდა...
დღესაც ბატონ ნოშრევანს ყველა “მასწავლებელოთი'' მიმართავს, დღემდე ახსოვთ და უყვართ იგი.
მეც შემიყვარდა იგი და ყოველთვის მემახსოვრება მისი ტრაგიკული, მაგრამ რეალური სიყვარულის ისტორია.
დღეს “სიყვარულის დღეა'', გამახსენდა ეს ისტორია, ფოტოც ვიპოვე და ...
