იგორ ტიტოვი: ჯანოს საქართველოზე უარი რომ ეთქვა, მეტს ითამაშებდა

მოსკოვის "სპარტაკის" ექიმმა მიხაილ ვარტაპეტოვმა გუნდის ქართველი ფეხბურთელის, ჯანო ანანიძის ტრავმის შემდგომი რეაბილიტაციის კურსზე ისაუბრა.

"ჯანო ფიზმომზადების მწვრთნელთან მუშაობს. 18 აპრილს ვარჯიშზე თამაში იყო, თუმცა მწვრთნელებმა გადაწყვიტეს, რომ ის დატვირთვებისთვის მზად არაა.

მე ვიტყოდი, რომ ის ნელ-ნელა შეძლებს დატვირთვებს გაუძლოს, მაგრამ ჯერ ადრეა".

გარდა ამისა, ჯანოს შესახებ ისაუბრა "სპარტაკის" ყოფილმა ფეხბურთელმა იგორ ტიტოვმა, რომელმაც გამოთქვა ვარაუდი, თუ რატომ არ ეძლევა მოსკოვურ კლუბში ქართველ ფეხბურთელს მეტი სათამაშო დრო.

"ანანიძის პრობლემა ისაა, რომ უცხოელია. მას რუსული პასპორტის გაკეთებას ერთ დღეში სთავაზობდნენ, მაგრამ ჯანო უმალ საქართველოს ნაკრებში გამოიძახეს.

ასე რომ არ მომხდარიყო, ლიმიტს თავს აარიდებდა და ხშირად ითამაშებდა", - თქვა ტიტოვმა.

 bobsoccer.ru-სა და sovsport.ru-ს მიხედვით