თტრმე ყავა მკერდს აპატარავებს

ქალები, რომლებიც რეგულარულად სვამენ დღეში სამ ფინჯან ყავას, მათი მკერდი დროთა განმავლობაში დაპატარავებას დაიწყებს.

შვედმა მეცნიერებმა უცნაური კვლევა ჩაატარეს, რომელშიც მონაწილეობა დაახლოებით 300-მდე ქალმა მიიღო. ექსპერიმენტის მონაწილენი ყოველდღე სვამდნენ ყავას, ხოლო მეცნიერები ყოველდღე ზომავდნენ მათი მკერდის ზომას.

მეცნიერები ირწმუნებიან, რომ კანონზომიერებას მიაგნეს: რაც უფრო მეტ ყავას სვამენ ქალები, მით უფრო პატარავდება მათი ბიუსტი. ეს კანონზომიერება მხოლოდ იმ ქალებს ეხებათ, რომლებიც დღეში სამ ფინჯან, ან უფრო მეტ ყავას სვამენ.

იმ ქალთა მკერდის მოცულობა, რომლებიც დიდი ოდენობით ყავას იღებდნენ, 17 %-ით შემცირდა. აღსანიშნავია, რომ ყავის ეფექტი ყველაზე მეტად იმ ქალებზე აისახა, რომლებსაც დიდი მკერდი აქვთ. მეცნიერთა აზრით, მათ შემთხვევაში, ყავას შეიძლება დადებითი ეფექტი - მკერდის კიბოს რისკის შემცირება მოჰყვეს.

ცნობილია, რომ დიდი ბიუსტის მქონე ქალებში მკერდის კიბოს განვითარების ალბათობა უფრო მაღალია.

გარდა ამისა, მეცნიერები ვარაუდობენ, რომ ყავა გავლენას ახდენს ქალის ორგანიზმში მამაკაცური ჰორმონების დონეზე, რაც ასევე დაკავშირებულია სარძევე ჯირკვლის სიმსივნის რისკის ზრდასთან.

 lady.ru-ს მიხედვით.