21წლის პოლ რეიმონდის მემკვიდრე ელისაბედ მეორეზე მდიდარია

ინგლისელი პორნომაგნატის, პოლ რეიმონდის 21 წლის მემკვიდრემ დიდი ბრიტანეთის ყველაზე მდიდარი ადამიანების რეიტინგში ელისაბედ მეორეს გაუსწრო.

გართობის მოყვარული ინდია როუზი და მისი 27 წლის და, ფონი, გაზეთ The Sunday Times-ის შეფასებით, 500 მლნ დოლარიან ქონებას ინაწილებენ, რაც 13 მილიონით მეტია ბრიტანეთის დედოფლის ქონებაზე.

ინდია როუზ ჯეიმსი გადაცვლილი ბაბუის, პოლ რეიმონდის გზას გაჰყვა. ამჟამად იგი ჟურნალ Fault-ის რედაქტორად მუშაობს. თავად გოგონა საკუთარი სამუშაოთი აღფრთოვანებული არაა. "სკოლაში ჩაბარება მინდა, დავიღალე ასეთი ცხოვრებით",- წუწუნებს თავაშვებული ცხოვრების მოყვარული ინდია Twitter-ში.

მისი და ფონი კი შედარებით თავშეკავებულ ცხოვრებას ეწევა - იგი უძრავი ქონების სააგენტო Soho Estates-ის დირექტორია და ქველმოქმედებითაა დაკავებული. დებმა ქონება მეკვიდრეობით 2008 წელს მიიღეს, როდესაც 82 წლის ასაკში მათი ბაბუა გარდაიცვალა.

მილიარდერმა ბიზნესი 1958 წელს დაიწყო, როდესაც ღამის სტრიპტიზ-კლუბი Raymond Revuebar-ი გახსნა, შემდეგ მან ისეთი ეროტიული ჟურნალების გამოშვება დაიწყო როგორებიცაა- Razzle, Men Only, Mayfair.

90-იან წლებში მან ბიზნესი ქალიშვილს, ინდიასა და ფონის დედას, დების გადასცა. მაგრამ მალე იგი ნარკოტიკების გადამეტებული დოზით გარდაიცვალა.

ასე რომ, ბაბუის წყალობით ფონი და ინდია როუზ ჯეიმსი გამოცემა The Sunday Times-ის დიდი ბრიტანეთის ყველაზე მდიდარი ადამიანების რეიტინგში 265-ე ადგილზე აღმოჩნდნენ და ელისაბედ მეორეს გაუსწრეს, რომელიც 268-ე ადგილს იკავებს.

რეიტინგს რუსი ალიშერ უსმანოვი ლიდერობს, რომელიც ლონდონის საფეხბურთო კლუბ "არსენალის" უმსხვილესი აქციონერია. მისი ქონება 13,3 მლრდ ფუნტადაა შეფასებული.

The Sunday Times-ის მიხედვით.