რატომ ართმევენ მშობლები შვილებს ბავშვობას?!

ძალიან ბევრ მშობელს მცირეწლოვან ასაკში მიყავს გოგონები სამოდელო სააგენტოებში - 'მოდელად', რომლებიც შემდგომ თავისი პატარა ასაკის მიუხედავად ძალიან ბევრს აღწევენ ამ სფეროში და ხდებიან წამყვანი მოდელები. ისინი ბავშვობიდანვე ცხოვრობენ ზრდასრული ადამიანის ცხოვრებით, მათ უკეთებენ მაკიაჟს, აცმევენ ძვირადღირებულ ტანსაცმელს და უკეთებენ ძვირფას სამკაულებს. ყოველივე ამას შეიძლება მოყვეს ბავშვის ფსიქოლოგიის შეცვლა, დამახინჯება. კერძოდ, ადრეულ ასაკში დიეტები, ან თუნდაც 10 წლის ბავშვისთვის ბოტოქსი, რომლის გაკეთება მხოლოდ დედის სურვილის საფუძველზე არის შესაძლებელი. ამას ემატება მაკიაჟი - ანუ ნაადრევად გაფუჭებული, დაზიანებული სახის კანი.
ფსიქოლოგები ყოველივე ამასთან დაკავშირებით შემდეგ კომენტარს აკეთებენ: 'ეს არის მშობლის შეცდომა, რომელიც თავისი პატარა გოგონას გაზრდას აჩქარებს.'

აღსანიშნავია ისიც, რომ გოგონა გარდატეხის ასაკში მრავალ ცვლილებას განიცდის გარეგნობის მხრივ, ამიტომ ამ ასაკში მის მიმართ ინტერესი კლებულობს, რამაც შესაძლოა დაწყვიტოს გული და დააკოპლექსოს. არსებობს ძალიან ბევრი მაგალითი, ან თუნდაც ბევრი არგუმენტი ამ ფაქტებთან დაკავშირებით, აზრები კი იქნება განსხვავებული. საინტერესოა, რა დამოკიდებულება გაქვთ თქვენ ახალგაზრდა მოდელებთან მიმართებაში.