ლამაზი ქართული ოჯახი - კახი კალაძე და ანუკი არეშიძე +ფოტო

საფეხბურთო გუნდ "მილანის" ფორვარდის, საქართველოს ეროვნული ნაკრების წევრის და ამჟამად საქართველოს ენერგეტიკის მინისტრის კახი კალაძის ახალგაზრდა მეუღლე ანუკი არეშიძე ჯერ კიდევ სრულიად ახალგაზრდაა და უკვე ორი შვილის დედაა.

19 წლის იყო, გათხოვებამდე საზოგადოების ყურადღების ცენტრში რომ მოექცა, როცა მან სამოდელო კარიერაში შედგა ფეხი და საკმაოდ წარმატებულადაც გამოუვიდა პირველი ნაბიჯები.

დღევანდელი ქართული საზოგადოების ულამაზეს წყვილად ცნობილი ცოლ - ქმარი კახი კალაძე და ანუკი არეშიძე მართალია, აბსოლუტურად განსხვავებული სფეროდან საზოგადოებისათვის ცნობადი სახეები არიან, მაგრამ მათი დახვეწილი გემოვნების, ჩაცმის სტილის, ფიზიკური აღნაგობის და წარმატებული კარიერის შედეგია, რომ ამ ოჯახური წყვილის მიმართ ყურადღება არ ცხრება.

როგორც საზოგადოებისთვისაა ცნობილი, ანუკიმ სამოდელო მოღვაწეობას თავი დაანება გათხოვების შემდეგ და ახლა იგი ყველასთვის კარგად ცნობილ ბიჭოლა ცეცხლაძესთან ერთად დიზაინერობს.რუსული პრესისთვის მიცემულ ინტერვიუში ანუკი ამბობს, რომ უნდა გახდეს ელეგანტური ქალი და მისი დიზაინი ყველასთვის უნდა იყოს მომხიბვლელი -"მე არ მინდა შევქმნა ისეთი სამოსი, რომელზეც ხალხი იტყვის, რომ ეს ცუდია"- აცხადებს დიზაინერი.თუ კი კალაძე მეუღლეს აქტიურად ეხმარებოდა ყველა ჩვენებაზე, ამჟამად ამას ვეღარ ახერხებს მოუცლელობის გამო, თუმცა აცხადებს, რომ - "ანუკი არის არა მარტო ჩემი მეუღლე, მას უფლება აქვს და შეუძლია იყოს ცნობილი ქალბატონი თავის საქმიანობაში".

მაგრამ ისიც კარგადაა ცნობილი, რომ ეს ულამაზესი წყვილი მიუხედავად მოუცლელობისა მილანის მოდის კვირეულებს არასოდეს არ აცდენენ და მათ ხშირად ხედავენ როგორც "არმანის", ასევე 'გუჩის", "რობერტო კავალის" და სხვათა ჩვენებებზე.

უკრაინულ მოდის კვირეულზეც წარმატებული აღმოჩნდა ანუკი ბიჭოლას ჩვენება.
და ბოლოს, ეს მართლაც მომხიბვლელი და ულამაზესი წყვილი ორი ვაჟის მშობლები არიან.მათ შორის უფროსს კახი კალაძის გარდაცვლილი ძმის - ლევანის სახელი ჰქვია, ხოლო მეორე პატარას ბაბუის სახელი - კახაბერი.იმავე რუსულ გაზეთში წერენ, რომ ანუკის სურვილი აქვს კიდევ ორი შვილი გააჩინოს. მართლაც, უნდა იმრავლოს და მოშენდეს ასეთი გენისა და ჯიშის ქართველები და ჩვენ კი ისღა დაგვრჩენია, წარმატებები ვუსურვოთ ამ უმშვენიერეს წყვილს.წყარო