შავი შოკოლადი კანის დაბერებას აჩერებს

შოკოლადს ტრადიციულად მიაწერენ ჯადოსნურ, მისტიკურ და სამკურნალო თვისებებს.ზოგ ქვეყანაში მას საჭმელების "ღმერთსაც" კი უწოდებდნენ.შოკოლადი პოეტების შთაგონების წყაროდ იქცა ჯერ კიდევ საუკუნეების წინ. მასზე პორტუგალიელი პოეტი წერდა: - "შეხედეთ, სამყაროში არსად არ არის ისეთი მეტაფიზიკა, როგორც შოკოლადს აქვს".ინგლისური შოკოლადის ფაბრიკამ, რომელიც 1842 წელს შეიქმნა, პირველად მსოფლიოში შოკოლადის ფილა გამოუშვა.

დღეს კი ინგლისელი სპეციალისტების კვლევის შედეგად დადგინდა, რომ კანის დაბერების პროცესს ყველაზე მეტად შავი შოკოლადი აფერხებს.ჩატარებულმა ცდების შედეგებმა მათ მისცა საშუალება, თამამად ესაუბრათ ამ საკითხზე და ფართო საზოგადოებისთვის გაეცნოთ შავი(მწარე) შოკოლადის დადებითი თვისებები.ბრიტანელი მეცნიერების დასკვნის საფუძველზე გაირკვა, რომ მწარე შოკოლადი კოლაგენური ბოჭკოების რღვევას აფერხებს და ხელს უწყობს კანში ნივთიერებათა ცვლას, კერძოდ აუმჯობესებს ცვლის
პროცესს.გარდა ამისა დადგენილია აგრეთვე ისიც, რომ შავი შოკოლადი მელანომის (კანის კიბოს) განვითარების პროცესსაც ამცირებს.

შავი (მწარე) შოკოლადის სამკურნალო თვისებების საიდუმლო ფლავონოიდებში არის დიდი რაოდენობით.სწორედ აღნიშნული კომპონენტია ყველაზე მნიშვნელოვანი, რომელიც გარდა შოკოლადისა, უხვადაა ყურძენში, შავ ღვინოში და სხვადასხვა პროდუქტებში.ეს ინგრედიენტები ძალიან სასარგებლოა გულისა და სისხლძარღვთა შევიწროებისთვის, რომლებიც ინსულტისა და ინფარქტის რისკებს მნიშნელოვნად ამცირებს.

ცნობილია, რომ შოკოლადი უძილობისა და და ქრონიკული დაღლილობის წინააღმდეგ ბრძოლის საუკეთესო საშუალებაა, იგი აუმჯობესებს მეხსიერებას, ხელს უშლის თრომბის წარმოქმნას, ფლობს ანთების საწინააღმდეგო თვისებებს და ორგანიზმის საერთო ტონუსს ამაღლებს.

საერთოდ ცნობილი ფაქტია, რაც უფრო ბევრი კაკაოა შოკოლადში, ის უფრო მწარე და სასიამოვნო არომატისაა.

და ბოლოს მაინც, მიუხედავად შოკოლადის სასარგებლო თვისებებისა, მიუხედავად კანის დაბერების წინააღმდეგ ბრძოლის საუკეთესო იარაღისა და მიუხედავად სასიამოვნო არომატისა, სპეციალისტები შავი შოკოლადის შეზღუდული რაოდენობით მიღებას გვირჩევენ.