პარაცეტამოლი წყენისა და დარდისგან განგკურნავთ

თუ გტანჯავთ ამ ქვეყნის ამაოებაზე ფიქრი და საკუთარ ცხოვრებას უაზრობად თვლით, ან ვინმეზე ხართ ნაწყენი და მისი პატიება არ შეგიძლიათ, უბრალოდ, დალიეთ ერთი აბი პარაცეტამოლი. მაშინვე შვებას იგრძნობთ, - ამტკიცებენ ბრიტანული კოლუმბიის უნივერსიტეტის თანამშრომლები.

120 სტუდენტისგან შემდგარი ექსპერიმენტის ჩატარებისას სპეციალისტები მივიდნენ დასკვნამდე, რომ ცნობილი ტკივილგამაყუჩებელი პრეპარატი, სახელწოდებით პარაცეტამოლი, ეფექტურია წყენისა და ეგზისტენციალური შიშების (ცხოვრების უაზრობისა და სიკვდილის შიშისგან გამოწვეული დარდის) სამკურნალოდ.

ექსპერიმენტში მონაწილე სტუდენტები რეგულარულად იღებდნენ Tylenol-ს (პარაცეტამოლის ამერიკული ვერსია). შედეგად ისინი გახდნენ მშვიდები და ბევრად გაწონასწორებულ გადაწყვეტილებებს იღებდნენ.

"პარაცეტამოლის გამოყენებისას გაივლის დაზიანებული ქსოვილებისგან გამოწვეული ტკივილი და წყენა, ეგზისტენციალური დარდის ჩათვლით. ტკივილის სახეობის მიუხედავად, პრეპარატი იმ სიგნალის მიწოდებას აფერხებს, რომელიც ტვინს ატყობინებს, რომ ორგანიზმში რაღაც ისე არ არის", - ამბობს კვლევის ავტორი დენიელ რენდლესი.

მაგრამ ამასთან, მეცნიერები შეაშფოთა ექსპერიმენტების შედეგებმა: "ჩვენ დაგვაფიქრა კვლევის შედეგებმა. აღმოჩნდა, რომ პრეპარატს, რომელიც თავის ტკივილის შესაჩერებლად გამოიყენებოდა, შეუძლია ადამიანები ემოციურ სიმუნჯემდე მიიყვანოს".