ქეთა თოფურიას სცენური იმიჯი და მისი ჩაცმულობის საიდუმლო – მკერდზე მიკრული "სკოტჩი" + ფოტო
ბევრ ვარსკვლავს უცნაური და ექსტრავაგანტური, ხშირად კი ვულგარული სასცენო ჩაცმულობა ახასიათებს. ეს ზოგჯერ კარგად გათვლილი პიარია (იმისათვის, რომ საზოგადოება აალაპარაკოს), ზოგჯერ – ვარსკვლავის იმიჯი, ხან კი – უბრალოდ, სტილისტის შეცდომა.
რუსეთში მოღვაწე ჩვენი თანამემამულის, ქეთა თოფურიას ჩაცმულობაც არაერთხელ გამხდარა რუსული მედიის განსჯისა თუ შექების საგანი. მომღერალი ხან კოსმოსური გოგოს იმიჯით, ხან დახეული კოლგოტით, ხან კი ნახევრად გადაპარსული თმით ევლინება საზოგადოებას.
თუმცა რაც უნდა ექსტრაორდინარულად ეცვას ქეთას, მის სასცენო სამოსში თითქმის ყოველთვის ხაზგასმულია მომღერლის, ალბათ, უკვე "სავიზიტო ბარათად" ქცეული მკერდი. თითქმის ყველა ინტერვიუში ქეთას ეკითხებიან, ბუნებრივი აქვს თუ არა სხეულის ეს ნაწილი.
მომღერალი კატეგორიულად უარყოფს, რომ მკერდი მას გაკეთებული აქვს. თუმცა, ერთს კი არ მალავს, რომ მისი ჩაცმულობის საიდუმლო "სკოტჩშია", რომელიც მას მკერდზე აქვს მიკრული. ეს მან ხუმრობით თუ გულახდილად MTV-ის ჟურნალისტს განუცხადა ერთ-ერთ ინტერვიუში.
