სახის ყინულოვნი მასაჟი

ყველაფერს აჯობებს მასაჟი პირდაპირ აბაზანის შემდეგ გაიკეთოთ, თუმცა ასეთივე წარმატებით შეიძლება შხაპის ან ცხელი კომპრესის შემდეგაც.

აიღეთ მომცრო ზომის პირსახოცი, ჩადეთ ცხელ წყალში, გაწურეთ და გასწორებული სწრაფად დაიდეთ სახეზე ისე, რომ დაფაროთ შუბლი, ლოყები და კისერი. გეჭიროთ ეს კომპრესი, სანამ პირსახოცი არ გაგრილდება. ამის შემდეგ მოიხსენით პირსახოცი, აიღეთ ყინულის კუბიკი და წრიული მოძრაობით გაიკეთეთ მასაჟი სახეზე (ყინულს ერთ ადგილას ნუ დააკავებთ, რომ კანი ზედმეტად არ გაცივდეს). 

მოძრაობები რბილად უნდა გააკეთოთ, რომ ყინული სრიალებდეს კანზე. ამასთანავე, კანი თავისუფალი ხელით ფაქიზად დაიჭირეთ. მასაჟის ერთ სეანსზე ყინულის 2—3 ნატეხი გეყოფათ.

ყინულის მასაჟის შემდეგ კომპრესის განმეორება შეიძლება, რომლის შემდეგაც გრილი წყლით ჩამოიბანთ სახეს და, გაიმშრალებთ და მკვებავს წაისვამთ. განსაკუთრებით კარგია მასაჟი, თუკი ყინულს მისთვის ბალახეული, ხილის ან ბოსტნეულის ნახარშისგან აკეთებენ. თანაც კოსმეტიკური ყინულის წყალი სუფთა და ხარისხიანი უნდა იყოს – უბრალოდ სასმელი ან მინერალური.

სალბის ყინული
1 ჩ.კ. სალბის ფოთლებსა და ყვავილებს დახასხათ 500 გრ. ადუღებული წყალი. მჭიდროდ დავახუროთ და დავდგათ 40 წუთით. გავწუროთ. გავყინოთ. 

ეთერზეთების ვიტამინებისა და სატრიმლავი ნივთიერებების შემცველობის გამო, ამ ნაყენის ყინული აუმჯობესებს სისხლის მიმოქცევას, ნივთიერებათა ცვლას და კვებავს. განსაკუთრებით სასარგებლოა ცხიმიანი კანისთვის და ჭარბი ოფლიანობისთვის.

პიტნის ყინული
1 ჭიქა პიტნა ერთი ჭიქა ადუღებული წყლით დავფაროთ, გავაჩეროთ თავდახურულ ჭურჭელში 40 წუთი, გავწუროთ და გავყინოთ. პიტნის ყინული კანიზ ტონიზირების, წვრილი გამონაყრის, გაფართოებული სადინარებისა და ნაოჭების მტერია.

ბაბუაწვერას ყინული
ნახევრადგაშლილი ბაბუაწვერა და მისი ახალგაზრდა ფოთლები (500 გრ.) წვენსაწურში გავატაროთ.დავუმატოთ 1 ს.კ. ზეითუნის ზეთი. ავურიოთ, გავყინოთ. ასეთი ყინული ეფექტურად ამცირებს ნაოჭებს. განსაკუთრებით კარგია ჭკნობისკენ მიდრეკილი კანისთვის.

მარწყვიანი ყინული
200 გრ. მაწვნის წვენი გავყინოთ. მარწყვის ყინული კარგი დეზინფექციის წყაროა, ავიწროვებს ფორებს, ქარის მიმართ მდგრადობას ამაღლებს, ასწორებს ნაოჭებს. წარმატებით გამოიყენება ატმის, საზამთროს, ნესვის ყინული.

კრაზანა ბალახის ყინული
2 ს.კ. კრაზანა ბალახის ყვავილი და ფოთლები. დავასხათ ადუღებული წყალი. ერთი დღე-ღამე გავაჩეროთ შუშის თავდახურულ ჭურჭელში, გავყინოთ. ასეთი ყინული ავიწროვებს ფორებს და ებრძვის გამონაყარს.

ციტრუსის ყინული
ერთი ფორთოხლის და ერთი მანდარინის კანი გავრეცხოთ. დავასხათ 0,5 ლიტრი მდუღარე წყალი. დღე-ღამის განმავლოვაში შუშის თავდახურულ ჭურჭელში გავაჩეროთ. გავწუროთ და გავყინოთ. 

ციტრუსის ყინული კანის დაღლილობას ხსნის, სიახლეს უბრუნებს, სიმკვრივეს და მკვებავი თვისებები აქვს. იმავე მიზნისთ შეოძლება ფორთოხლის, მანდარინისა და გრეიფრუტის წვენის გამოყენებაც, თუკი მას გავაზავებთ წყალში პროპორციით 1:2.

ს. გულიაშვილი