პოპულარული ქართველი ორსულები
ბოლო რამდენიმე თვეა რამდენიმე პოპულარულმა ქართველმა ორსულობის შესახებ გვამცნო. ეს სტატიაც სწორედ მათ, პოპულარულ ქართველ ორსულებს ეძღვნება.
ნინი ბადურაშვილი სულ ცოტა ხნის წინ გათხოვდა რუსეთში მოღვაწე ქართველ ბიზნესმენზე, ირაკლი კუტალაძეზე. მისმა გათხოვებამ დიდი მითქმა-მოთქმა გამოიწვია, მაგრამ მომღერლის ბედნიერებისთვის ჭორებს ხელი არ შეუშლია. ნინი ორსულადაა, მალე გოგონა ეყოლება. ის ზაფხულში, საქართველოში იმშობიარებს.
უკვე რამდენიმე წელია, რაც პოპულარული ქართველი მსახიობი ნანკა კალატოზიშვილი კალათბურთელ ირაკლი კედიასთან ერთად ცხოვრობს. წყვილი ოფიციალურად დაოჯახებული არის და ამის საჭიროებასაც ვერ ხედავს. ნანკა მალე ბიჭის დედა გახდება. სავარაუდოდ პატარას დანიელს ან ლუკას დაარქმევენ. 
ორსულად არის და დღე-დღეზე იმშობიარებს ყოფილი ეკონომიკისა და მდგრადი განვითარების მინისტრი ვერა ქობალია. ბავშვის მამა ბიზნესმენი და ინჟინერი დავით კურცხალიაა. წყვილს მალე ქალიშვილი ეყოლება.
ორსულად არის ცნობილი მომღერალი სოფო ხალვაში.სოფო უკვე 6 წელია მეუღლესთან, მიშა ძოძუაშვილთან ცხოვრობს. წყვილს ერთი ქალიშვილი, 5 წლის ქეთო ჰყავს. მეორე ქალიშვილი სოფოს ივლისის შუა რიცხვებში ეყოლება, რომელსაც უფროსი დის მიერ არჩეულ სახელს, მარიამს დაარქმევს. წყარო
ორსულად არის ქართველი ჟურნალისტი ლიკა ევგენიძე. ის მეორე შვილს ელოდება, უკვე თითქმის 6 თვის ორსულია და მალე ვაჟის დედა გახდება. ლიკას პირველი ქალიშვილი ჰყავს, ანა-სოფია, რომელიც მამის მსგავსად ამერიკის მოქალაქეა. პატარასათვის სახელი ჯერ არ შეურჩევიათ, მაგრამ უნდათ საერთაშორისო სახელი შეარჩიონ, რომელიც ყველა ენაზე მარტივი წარმოსათქმელი იქნება.
ორსულად არის ნინი ბადურაშვილის და ანასტასია თოფურიძე. ეკა კახიანი მალე ორგზის ბებია გახდება. ანასტასია მოდელია და ისიც სულ ცოტა ხნის წინ გათხოვდა.
ორსულად არის მსახიობი სალომე ფაღავაც, რომელმაც ცოტა ხნის წინ იქორწინა და ლამაზი ქორწილიც გადაიხადა. 
გავრცელებული ჭორების თანახმად ორსულად არის რუსეთში მოღვაწე ქართველი მომღერალი ქეთა თოფურია. ის სულ ცოტა ხნის წინ გათხოვდა ებრაელ ბიზნესმენ ლევ გეიხმანზე. ქეთას ორსულობა ჯერ არ დაუდასტურებია.
