2013 წელს მარკ ცუკერბერგის ხელფასი 1 დოლარი იქნება

Facebook-ის დამფუძნებელმა მარკ ცუკერბერგმა ერთი წლის განმავლობაში ხელფასსა და პრემიებზე უარი თქვა. ხელფასის ნაცვლად მარკი სიმბოლურ ერთ დოლარს მიიღებს.

ეს აქცია ცუკერბერგს საშუალებას მისცემს, საკუთარ კომპანიაში სტაბილური ფინანსური მდგომარეობა შეინარჩუნოს, თუმცა მისი მტკიცებით, ამის აუცილებლობა არ არსებობს:

"ჩვენ დილით არ ვიღვიძებთ მთავარი მიზნით - ვიშოვოთ ფული",  - განაცხადა მარკმა.

შემოსავლებთან დაკავშირებით სოციალურ ქსელს ყველაფერი რიგზე აქვს, ისევე, როგორც მის დირექტორს, რომელიც მიუხედავად უხელფასო წლისა, მაინც ერთ-ერთ ყველაზე მდიდარ ადამიანად რჩება. აღსანიშნავია, რომ შარშან მარკ ცუკერბერგის ქონება 2 მლრდ დოლარით გაიზარდა.

მისი ამჟამინდელი ხელფასი, 2 მლნ დოლარი შემდეგნაირად გადანაწილდება - 1.2 მლნ დოლარი კომპანიის ზედნადები ხარჯებისთვის დაიხარჯება, ხოლო 700 000 საშტატო ხელფასებზე გადანაწილდება.

აღსანიშნავია, რომ კომპანიის სასარგებლოდ 1 დოლარიან ხელფასზე მარკ ცუკერბერგამდე სხვა მსხვილი კომპანიების მმართველებიც მუშაობდნენ. მათ შორის არიან Apple-ს დამაარსებელი სტივ ჯობსი და Google-ის დამფუძნებლები ლარი პეიკი და სეგრეი ბრინი.

 spletnik.ru-ს მიხედვით.