თიკო ნატროშვილი მეორე ბიჭის დედა გახდა

ჟურნალისტი და მოდელი თიკო ნატროშვილი მეორედ გახდა დედა. მან 30 აპრილს ჩაჩავას კლინიკაში იმშობიარა და პატარა კახი შეეძინა. კახი 3 კილო და 200 გრამი დაიბადა. მშობიარობამ კარგად ჩაიარა. თიკომ როგორც პირველ, ისე მეორე შემთხვევაში ფიზოლოგიურად იმშობიარა. 

მას პირველიც ბიჭი ჰყავს, მათე. როგორც თიკომ გვითხრა, მის მეუღლეს, გაგა ხაბულიანს ძალიან უნდოდა, პირველი შვილისთვის კახი დაერქმია, მაგრამ ბოლოს ერთობლივად სხვა სახელი, მათე შეურჩიეს და გადაწყდა, რომ კახის მეორე შვილს დაარქმევდნენ.

მათე ახლა 2 წლისა და 6 თვისაა. რაც შეეძლება კახის, დედა და პატარა თავს კარგად გრძნობენ. მშობიარობიდან მეორე დღეს, 1-ელ მაისს თიკო იმდენად კარგ ხასიათზე იყო, რომ ''ფეისბუქზე'' შემოსასვლელადაც კი მოიცალა, სადაც სტატუსი დადო პატარა კახის დაბადების შესახებ, რასაც მაშინვე მოჰყვა მილოცვები მისი მეგობრების მხრიდან. ჩვენც ვუერთდებით ამ მილოცვას და თიკოს ოჯახთან ერთად დიდ ბედნიერებას ვუსურვებთ!..