გვინეტ პელტროუს რეცეპტი: ცოლქმრული ჩხუბი ორალური სექსით ჩააცხრეთ

ამერიკელი მსახიობი გვინეტ პელტროუ ახლახან ყველაზე ლამაზ ქალად აღიარეს. უცნობია, რა ნომინაციაში გახდება გვინეტი ლიდერი, როცა საზოგადოება ოჯახის სიმყარის მისეულ საიდუმლოს შეიტყობს.

მსახიობი თვლის, რომ როცა ქალი თავის საყვარელ მამაკაცზეა გაბრაზებული, ამ დროს ჩხუბის მაგივრად, საუკეთესო საშუალება ქმართან ორალური სექსია.

ქორწინებაში მშვიდობისა და ურთიერთშეთანხმების პელტროუსეული რეცეპტი საჯაროდ მისმა მეგობარმა, ტელეწამყვანმა ჩელსი ჰენდლერმა პირდაპირ ეთერში გაამხილა.

"ერთხელ მე და გვინეტი ვახშამზე ვიმყოფებოდით. იქ მყოფმა ერთმა ქალბატონმა რჩევა ითხოვა, გვინეტი კი საუკეთესო მრჩეველია, - ყვება ჰენდლერი. - ჩვენმა ნაცნობმა დაიჩივლა: "ქმარს ვეჩხუბე. მინდოდა, მთელი ძალით მეკივლა და მეწივლა მისთვის", რაზეც გვინეტმა უპასუხა: "რისი სურვილიც უნდა გაგიჩნდეს, გააკეთე პირიქით – უბრალოდ, მიდი მასთან, მოეფერე და ორალური სექსით დაკავდით..."

როცა ტელეწამყვანი ამ ისტორიას ყვებოდა, პელტროუ გაწითლდა და სახე ხელებით დაიფარა. "იქნებ დედაჩემი უყურებს ახლა ამ შოუს?" – თქვა მსახიობმა.

თავის დროზე მსახიობმა გაამხილა, რომ ერთ-ერთი მთავარი ფაქტორი, რის გამოც მისი და კრის მარტინის ურთიერთობა ურყევია, ის არის, რომ კომპრომისებზე წასვლა შეუძლია.

ასევე, გვინეტ პელტროუს აზრით, ცოლქმრული ღალატის გამო ადამიანების მკაცრად განსჯაც არ შეიძლება.

მასალის წყარო: Contact Music