როჯერ ფედერერი პირველობას იმტკიცებს

ამ მიღწევის შემდეგ სადიდსლემო ტიტულების 17 გზის მფლობელმა როჯერმა, 21-ე მასტერსის ტურნირი მოიგო და ამ მაჩვენებლითაც ესპანელ რაფა ნადალს დაეწია.

2006 წლიდან მოყოლებული ფედერერმა პირველად მოახერხა ერთი სეზონის განმავლობაში “მასტერზ1000”-ის 3 ტურნირის მოგება (წლეულს შვეიცარიელმა ინდიან-უელსსა და მადრიდშიც იმარჯვა), ფინალში ნოვაკ ჯოკოვიჩის ძლევის შემდეგ კი ჟურნალისტებს შემდეგი განუცხადა:

“ბრწყინვალე საასპარეზო კვირა ჩავატარე. ცინცინატიში ადრეც გამიმარჯვია, მაგრამ ასე კარგად აქ არასდროს გამოვსულვარ – ტურნირი სეტისწაუგებლად მოვიგე. ნოვაკთან პირველი პარტიის 6:0 მოგება ცოტათი მოულოდნელიც კი იყო, თუმცა, ფსიქოლოგიურად და ფიზიკურად კარგ ფორმაში ვარ და საბოლოო წარმატების იმედი ნამდვილად მქონდა. თავს შესანიშნავად ვგრძნობ, 18 წლის ბიჭივით ენერგიულად ვარ. ასე მგონია, რომ ასაკი არ მემატება და ჩოგბურთის თამაშსაც სამუდამოდ შევძლებ. ასეთ კარგ ფორმაში დიდი ხანია არ ვყოფილვარ. თითოეული მატჩი სიამოვნებას მანიჭებს”.

აქვე გთავაზობთ მამაკაცთა თანრიგის მსოფლიოს ახალ რეიტინგს. სადაც მხიარული როჯერი პირველ ადგილს არავის უთმობს.

ATP Rankings

1 (1) როჯერ ფედერერი (შვეიცარია) 12165

2 (2) ნოვაკ ჯოკოვიჩი (სერბეთი) 11270

3 (3) რაფა ნადალი (ესპანეთი) 8715

4 (4) ენდი მარეი (დიდი ბრიტანეთი) 7290

5 (5) დავიდ ფერერი (ესპანეთი) 5375

6 (6) ჟო ვილფრიდ ცონგა (საფრანგეთი) 4835

7 (7) ტომაშ ბერდიხი (ჩეხეთი) 4155

8 (9) ხუან მარტინ დელ პოტრო (არგენტინა) 3620

9 (8) იანკო ტიპსარევიჩი (სერბეთი) 3285

10 (10) ჯონ იზნერი (აშშ) 2880