ზოდიაქოს 12 ნიშანი - მამაკაცები

თევზები:

მამაკაცი, რომელიც თევზების ზოდიაქოს ნიშნით მოევლინა ქვეყანას, დაბადებიდანვე მრავალმხრივი ნიჭითაა დაჯილდოვებული, რომელსაც იგი ხშირ შემთხვევაში საერთოდ არც კი იყენებს. თანდაყოლილი გარდასახვის უნარი და ფაქიზი აღქმა, თევზ მამაკაცს ეხმარება იმაში , რომ მარტივად მოერგოს მუსიკოსის, მსახიობის, მხატვრის ან მწერლის პროფესიას. თუმცა, ზემოთ ხსენებული მონაცემები,რომც გააჩნდეს, როგორც წესი ბევრი თევზი არაფერს აკეთებს იმისთვის,რომ თავისი შესაძლებლობები პროფესიული წინსვლისთვის გამოიყენოს. ამის მიზეზი ხშირ შემთხვევაში მათი სიზარმაცე უფროა ვიდრე მოკრძალებულობა, ან თავმდაბლობა. გამომდინარე იქედან, რომ თევზებს, გამოგონილ სამყაროში ცხოვრება ურჩევნიათ მკაცრი რეალობისთვის ფეხის აწყობას, მათი უმრავლესობა მხოლოდ ოცნებობს იმაზე, როგორ კარგად შეუძლია იცხოვროს თუკი თავის ნიჭს გასაქანს მისცემს და პრაქტიკაში გამოიყენებს. თუმცა საიმისოდ, რომ ეს ოცნება რეალობად აქციოს, თევზი გამუდმებით ელოდება ვინმე მეცენატის გამოჩენას, რომელიც მის ჭეშმარიტ შესაძლებლობებს ულაპარაკოდ დაინახავს და საზოგადოებაში საპატიო ადგილის დაკავებაში შეუწყობს ხელს. თუმცა როგორც წესი ამგვარი მეცენატები, რატომღაც ქრონიკულად იგვიანებენ მის ცხოვრებაში. თუმცა, დაგვიანება არ ნიშნავს იმას, რომ ისინი საერთოდ არ არსებობენ ამ ქვეყანაზე. აქედან გამომდინარე, როგორც წესი, მამაკაცი თევზი ადრე თუ გვიან, ამგვარი ტიპის მოტივატორს, ყოველთვის პოულობს, ხშირ შემთხვევაში მეუღლის სახით, რომელიც გამუდმებით ექაჩება მას წარმატების მწვერვალისკენ. საიმისოდ, რომ ზოდიაქოს ამ ნიშნის ქვეშ დაბადებულმა მამაკაცმა ცხოვრებაში რამეს მიაღწიოს, ორი უმთავრესი ასპექტია გასათვალისწინებელი -ერთი ის, რომ მან თავი დაანებოს არაფრისმომცემ ოცნებას, მეორე კი ის, რომ სინამდვილეშიც დაიჯეროს საკუთარი ნიჭიერება და შესაძლებლობები. თუმცა თუკი თევზს ოცდახუთი წლის ასაკში, ჯერაც ვერ გადაუწყვეტია დინების რომელ მხარეს სურს იცუროს, დამიჯერეთ შანსი იმისა, რომ ორმოცდაათი წლის ასაკში მას გასხივოსნება ეწვევა, ძალზე მცირეა. მაგრამ რა უნდა ვქნათ მაშინ, თუკი თქვენ უკვე მოასწარით ამ მამაკაცის ღრმა სულიერებით და მდიდარი ემოციური სამყაროთი მოხიბვლა? თუ კარგად დავფიქრდებით და ზემოთხსენებულ მეცენატის როლსაც გაიხსენებთ თევზების ცხოვრებაში, შესაძლოა თქვენი მასთან ურთიერთობა, ამ უკანასკნელის კარიერაში წინსვლის საფუძველი გახდეს. თუ რაღა თქმა უნდა, საიმისო შემართება და პრინციპულობა გეყოფათ, რომ მას წინსვლის სტიმული მისცეთ, მთელი ცხოვრების განმავლობაში. მამაკაცი თევზი, ძალიან მგრძნობიარე და წყენია ნატურაა. შესაბამისად იგი, მისი მისამართით გამოთქმულ ნებისმიერ შენიშვნაზე მძაფრად რეაგირებს და კრიტიკის შემთხვევაში, ხასიათი წამის უსწრაფესად უფუჭდება. თუმცა წყენას, როგორც წესი თევზი დიდი ხნით არასოდეს ატარებს გულში. აქედან გამომდინარე, მისი შემორიგება მარტივი საქმეა. უჩვეულო გულმოწყალების და სხვათა გასაჭირის გულთან ახლოს მიტანის უნარის გამო, მამაკაც თევზებს როგორც წესი ბევრი მეგობარი ჰყავთ, რომლებიც მათ ყველაზე უხერხულ საიდუმლოებებსაც კი თავისუფლად ანდობენ. ხომ გაგიგონიათ, „თევზივით ჩაიგუბა პირში წყალიო“, მამაკაცი თევზიც ზუსტად ასე იქცევა, როცა მას ვინმე, რაიმე მნიშვნელოვან საიდუმლოს ანდობს. პირში წყალის ჩაგუბების ნიჭის გამოა ზუსტად ისიც, რომ მის სამეგობრო წრეში, მამაკაცებთან ერთად, ქალბატონებიც სჭარბობენ. თევზების ზოდიაქოს ნიშნით დაბადებული მამაკაცი, კარგი მსმენელია, თუმცა იშვიათად ირგებს მრჩეველის როლს,რადგან ნებისმიერი სახის, პასუხისმგებლობის აღებას ერიდება საკუთარ თავზე. თუკი მისი სიმპათიის ხანგრძლივად მოპოვება გსურთ, აუცილებელია მის მიმართ რბილი, მომთმენი და ლოიალური იყოთ.

გაუთავებელი საყვედურები, ჭკუის სწავლება და ნოტაციები, თევზთან ურთიერთობაში არავითარ შედეგს არ მოგცემთ. გაითვალისწინეთ ისიც, რომ თევზი მამაკაცის წარმატება და შრომისუნარიანობა, მთლიანად მის ემოციურ მდგომარეობაზეა დამოკიდებული. აქედან გამომდინარე, რაც უფრო კომფორტულ გარემოს შეუქმნით საიმისოდ, რომ თავი ბედნიერად იგრძოს, მით უფრო მალე იამაყებთ სამომავლოდ მისი მიღწევებით. როგორც მეუღლე, თევზი მზრუნველი, მოსიყვარულე და უჩვეულოდ მომთმენი პარტნიორია. იგი ყოველთვის ეცდება, ემოციური საყრდენი იყოს თქვენთვის რთულ სიტუაციებში, გაგართოთ და ხასიათი გამოგიკეთოთ, მაშინ როცა წარუმატებლობა მომავლის რწმენას გიკარგავთ. მას არასოდეს გამოეპარება თქვენი ხასიათის ცვლილება, თუმცა მიუხედავად ამისა, ნაკლებად შეეცდება ჩაგიძვრეთ სულში, თუკი თქვენ თავად არ გამოთქვამთ მასთან საუბრის სურვილს. სამაგიეროდ, თქვენც მოთმინებით უნდა აიტანოთ მისი მხრიდან არაპრაქტიკულობა და მოუწესრიგებლობა, რომელსაც იგი პერიოდულად გამოამჟღავნებს. თევზების უმრავლესობა ფინანსებთან საკმაოდ დაუდევარი დამოკიდებულებით გამოირჩევა, ამიტომ კარგი იქნება საოჯახო ბიუჯეტის დაგეგმვას თქვენ თუ აიღებთ საკუთარ თავზე. თევზისთვის საუკეთესო მეუღლეობის გაწევა პრაქტიკულ, წინდახედულ და გაწონასწორებულ ქალს შეუძლია. რომელიც ამ ადამიანის ხასაითში არსებულ ნაკლოვანებებზე მეტად, ყურადღებას მის ნიჭსა და შესაძლებლობებზე გაამახვილებს და არასოდეს დაღლის მას დაუსრულებელი საყვედურებით. კაცმა რომ თქვას, ბევრია ამ ქვეყნად მოსიყვარულე, თბილი, ემოციური და მზრუნველი მამაკაცი, რომელიც არასოდეს შეეცდება თქვენთვის გულის ტკენას და ყოველთვის ეყვარებით ისეთი როგორიც ხართ, მათ შორის უმაკიაჟოც.

მერწყული:

თუკი ზოდიაქოს კიდევ ერთი, დამოუკიდებლობისმოყვარე ნიშანი -მშვილდოსანი, „მოუხელთებლის“ სტატუსით გამოირჩევა, მერწყული მამაკაცი მოუხელთებელთან ერთად მარტოსულის ეპითეტითაც თამამად შეიძლება შევამკოთ. მიუხედავად იმისა, რომ იგი უზომოდ კონტაქტური, მომხიბვლელი და მეგობრულია, მასთან ახლოს მისვლა და მით უმეტეს ხანგრძლივი ურთიერთობის გაბმა, საკმაოდ რთული საქმეა. მართალია, მათ უმრავლესობას, დიდი ქონების დაგროვებისკენ მისწრაფება ნაკლებად გააჩნია, თუმცა ბედისწერის უცნაურობით, არცთუ იშვიათად ხდება ისე, რომ ეს ადამიანები ხშირად ახერხებენ ცხოვრებაში იმას, რომ საკმაოდ დიდი ფინანსური კაპიტალის მფლობელები გახდნენ. (ცნობისთვის მსოფლიო მილიარდელთა სიაშია, მერწყულებს ქალწულებთან, მორიელებთან და ვერძებთან ერთად ლიდერული პოზიცია უკავიათ). ფულთან მიმართებაში მერწყულს ძუნწი ნამდვილად არ ჰქვია, თუმცა ვერც მფლანგველობაში მის დადანაშაულებას შესძლებს ვინმე. როგორც წესი, ზოდიაქოს ამ ნიშნით დაბადებულებს, ამ ქვეყნად ყველაზე მეტად ვალების ეშინიათ. შესაბამისად ვალის აღება, ისევე როგორც თანხის გასესხება მათთვის ერთობ უსიამოვნო საქმეა. მერწყული ორიგინალური, კრეატიული და არაპროგნოზირებადი მამაკაცია. ამიტომ მისგან სტანდარტულ ურთიერეთობას თუ ელით, თავისი ნიშნობა-ქორწილ-თაფლობის თვით, მინდა გაგაფრთხილოთ რომ ასეთ შემთხვევაში იმედი მწარედ გაგიცრუვდებათ. მერწყული მამაკაცი არ აღიარებს საყოველთაოდ მიღებულ წესებს და სტანდარტებს. აქედან გამომდინარე, მისი სიძულვილი ქორწინების ინსიტუტის მიმართ ნამდვილად არ არის გასაოცარი. შესაბამისად, თუკი მასთან სერიოზული ურთიერთობა გინდათ, მოგიწევთ მოთმინებით აღიჭურვოთ და საკმაოდ ხანგრძლივი დროის მანძილზე, მასთან მეგობრობით დაკმაყოფილდეთ. რატომ მეგობრობა როცა თქვენ მასზე გათხოვება გინდათ? ეს იმიტომ, რომ მერწყულისთვის იდეალური ქალი, პირველ რიგში კარგი მეგობარი და თანამოაზრე უნდა იყოს. რომელთანაც მას გარდა სექსისა, საერთო ინტერესები, მისწრაფებები, შეხედულებები და იდეები აკავშირებს. მხოლოდ ამის შემდეგ დაფიქრდება იგი, ცოლად ხომ არ მოეყვანა მისთვის ესოდენ კომფორტული პიროვნება, რომელიც აგერ უკვე რამდენი წელია, მოთმინებით ელის მისი მხრიდან ამ გადაწყვეტილების მიღებას. თუმცა ასეთ შემთხვევაშიც კი, თქვენი მხრიდან ოდნავი ძალდატანებისან მოვლენების დაჩქარების მცდელობა, მასში მძაფრ პროტესტის გრძნობას გამოიწვევს და შესაძლოა თქვენი ნანატრი ქორწინება, განუსაზღვრელი ვადით გადაიდებ . თქმა არ უნდა, თქვენ და იგი აუცილებლად დარჩებით მეგობრებად, მაგრამ მეტის იმედი სამომავლოდ არავითარ შემთხვევაში არ უნდა გქონდეთ.

ასე რომ მომხიბვლელი, გამგებიანი მეგობრის როლი მოირგეთ და დაელოდეთ სანამ თქვენს საყვარელ მერწყულს „გასხივოსნება“ ეწვევა და საკუთარ გულს და ხელს შემოგთავაზებთ. თუმცა ამ შემთხვევაშიც, ყველაფერი არასტანდარტულად და ორიგინალურად მოხდება. თუ სხვა მამაკაცები, თავიანთ სიყვარულს ქალის მიმართ, მაქისმალური ყურადღების გამოხატვით ამჟღავნებენ, მერწყული მამაკაცი ხშირად საპირისპიროდ იქცევა. თუკი უცებ მოგეჩვენათ, რომ იგი თქვენ მიმართ თითქოს გაცივდა, იცოდეთ სწორედ ამ დროს იღებს იგი თქვენთვის ესოდენ მნიშვნელოვან გადაწყვეტილებას, სამუდამოდ დაგიკავშიროთ საკუთარი ცხოვრება. ხოლო მისი სიცივე, სხვა არაფერია თუ არა სინანულის გრძნობა. მას ხომ ამ ქვეყნად უამრავი რამ აინტერესებს, ამიერიდან კი თქვენ უნდა დაგითმოთ მაქსიმალური ყურადღება და ამდენი მნიშვნელოვანი საკითხი შეუსწავლელი დარჩეს. ქალს, რომელიც თავის ცხოვრებას მერწყულს დაუკავშირდეს, აუცილებლად უნდა ახსოვდეს ის, რომ მიუხედავად ქორწინებისა, მერწყულს მაინც მაქსიმალური თავისუფლება სჭირდება. თავის მხრივ, ისიც გაგებით მოეკიდება თქვენს ინტერესებს, არასოდეს ჩაერევა თქვენს პროფესიულ საქმიანობაში და ყოველთვის ეცდება მაქსიმალურად შეგიწყოთ ხელი ინტელექტუალურ განვითარებაში. მერწყული ქმრები ყველაზე ლოიალური მეორე ნახევრები და დემოკრატი მამები არიან. ბავშვები როგორც წესი აღმერთებენ მერწყულ მამას, რომელსაც შეუძლია მათ ათასგვარი ორიგინალური თამაში ასწავლოს. თუმცა ურიგო არ იქნება მერწყულის ცოლს არ დაავიწყდეს ისიც, რომ ბავშვებთან ერთად, ქმარსაც არანაკლები ყურადღება მიაქციოს, რადგან მერწყულიც ხომ თავისებური დიდი ბავშვია, რომელსაც მუდმივად ესაჭიროება თქვენი მოვლა-პატრონობა და თვალყურის დევნება.

თხის რქა:

„ძლიერი მამაკაცი, სუსტი გულით“- თამამად შეგვიძლია ასე დავახასიათოთ თხის რქა მამაკაცი. მიუხედავად იმისა, რომ მისი ვიზუალდან გამომდინარე, ერთი შეხედვით იგი მკაცრი, უკომპრომისო ადამიანის შთაბეჭდილებას ტოვებს, გულის სიღრმეში სატურნის ამ დეპრესიულ შვილს, ჰაერივით ესაჭიროება სიყვარულის და სითბოს განსაკუთრებით დიდი დოზა. თუმცა ეს იმას როდი ნიშნავს, რომ ამ ნაწერის წაკითხვისთანავე, გაექანოთ და მას კისერზე ჩამოეკიდოთ. ამ შემთხვევაში, დიდი შანსია იმის, რომ თქვენი ასეთი მოულოდნელი საქციელით გაოგნებული თხის რქა, სამომავლოდ ურთიერთობის გაგრძელებაზესამუდამო აიღებს ხელს. არაპროგნოზირებადობა და სპონტანურობა ნებისმიერი თხის რქისთვის ერთობ უსიამოვნო და მიუღებელი საქციელია. აქედან გამომდინარე, თუკი თქვენ ამ მამაკაცის მონადირება სერიოზულად გაქვთ გადაწყვეტილი, მისი გულისკენ მიმავალი, რთული და ხანგრძლივი გზის გასავლელად უნდა მოემზადოთ. ხოლო თუკი სულსწრაფი, იმპულსური და არასერიოზული გოგონების რიცხვს განეკუთვენბით, ჩემი რჩევა იქნება თხის რქა სამუდამოდ დაივიწყოთ. ყველაზე მეტად ამ ადამიანს არასერიოზული, ზედმეტად ექსტრავაგანტური და ისტერიული ქალები აფრთხობს და აშინებს. საიმისოდ, რომ თხის რქას ქალი სერიოზულად მოეწონოს, ამ უკანასკნელს მოთმინების უნარი, სიმშვიდე და გაწონასწორებული ხასიათი უნდა გააჩნდეს პირველ რიგში. ხოლო ყოველივე ზემოთქმულთან ერთად, თუ მაინც და მაინც მოდელის აღნაგობით არ გამორიჩევით, შეგიძლიათ მშვიდად იყოთ. თხის რქისთვის უმთავრესი პარტნიორის გონებრივ-ემოციური მონაცემები უფროა, ვიდრე მისი უზადო ვიზუალური იმიჯი. თუმცა ეს იმას როდი ნიშნავს, რომ თქვენ მის გვერდით არარესპექტაბელურად უნდა გამოიყურებოდეთ. თხის რქა ძალიან დიდ ყურადღებას აქცევს იმას, თუ როგორ შთაბეჭდილებას ახდენს იგი საზოგაოდებაში.

აქედან გამომდინარე, ქალმა რომელიც მისი ცხოვრების მეგზურობაზე აცხადებს პრეტენზიას, თხის რქის უნაკლო იმიჯი არასოდეს უნდა შელახოს ამ კუთხით.მამაკაცი თხის რქების სასახელოდ უნდა ითქვას ასევე ისიც, რომ თავადაც არანაკლებ უწყობენ ხელს საყვარელ ადამიანს იმაში, რომ ეს უკანასკნელი ღირსეულად და დახვეწილად გამოიყურებოდეს. მართალია თხის რქას ფინანსებთან მიმართებაში, ხელგაშლილი ან მფლანგველი ნაკლებად ჰქვია, მაგრამ როცა საქმე მეორე ნახევრის ინტერესებს ეხება, ამ კაცს სიძუნწე ნამდვილად არ ახასიათებს. თუმცა მანამ სანამ თქვენ ამ საპატიო მეორე ნახევრის ტიტულის მოპოვებას შესძლებთ, რამოდენიმე სერიოზული გამოცდა უნდა ჩააბაროთ. მათგან უმთავრესი თხის რქის ოჯახისთვის თავის მოწონების უნარია. მამაკაცები რომლებიც ზოდიაქოს ამ ნიშნით იბადებიან, მიუხედავად ერთი შეხედვით პროგრესული აზროვნებისა, ტრადიციებსა და ჩვეულებებს დიდ პატივის სცემენ. მათ შორის შედის მოწიწება და სიყვარული საკუთარი მშობლების მიმართ. აქედან გამომდინარე, თუკი თქვენ ქორწინებამდე ან ქორწინების მერე მისი ოჯახის წევრებთან, საერთო ენის გამონახვა გაგიჭირდებათ, თქვენი თხის რქა პირქუში და გულჩახვეული გახდება. რამაც შესძლოა ურთიერთობა თქვენ შორის საბოლოოდ დაშორებამდეც კი მიიყვანოს. მეორე არანაკლებ მნიშვნელოვანი ასპექტი თხის რქის ცხოვრებაში, კარიერა და სმასახურია. აქედან გამომდინარე, იგი თქვენგან პრეტენზიებს გადამეტებული „ვორკოჰოლიკობის“ შესახებ არასოდეს მიიღებს. თუ მისი პატივისცემის დაკარგვა არ გინდათ, სამსახურში გვიანამდე დარჩენის და ვიქენდებზე მუშაობის შემთხვევებს მისი მხრიდან, გაგებით უნდა მოეკიდოთ. სამაგიეროდ, როცა უკვე საკმარის კაპიტალს და თანამდებობრივ სტატუსს მოიპოვებს, თქვენი თხის რქა ქმარი, გაცილებით უფრო ლოიალური გახდება ამ მხრივ. შესაბამისად ნაცვლად ოცდაერთი წლის ასაკისა, „თაფლობის თვეს“ მასთან ორმოცდაათი წლის ასაკში გექნებათ, თანაც ისეთი რომლის დავიწყებასაც ვერასოდეს შესძლებთ. ჰოდა, განა ეს ყველაფერი არ ღირს იმად, რომ თხის რქას პატარ-პატარა უზუსტობები აპატიოთ?

მშვილდოსანი :

„მოუხელთებელი“- აი ეპითეტი, რომელიც ზუსტად შეესიტყვება მამაკაცი მშვილდოსნის დახასიათებას. ზოდიაქოს ამ ნიშნით დაბადებული მამაკაცები, როგორც წესი არასოდეს უჩივიან საპირისპირო სქესის მხრიდან ინტერესის ნაკლებობას. მოდი და ნუ მოიხიბლები   ამ მხიარული, ოპტიმისტი, მოუსვენარი და არაპროგნოზირებადი ტიპით, რომელიც გაცნობისთანავე აგავსებს უამრავი კომპლიმენტით, მოგიწყობს არაერთ სიურპრიზს და თავს ერთადერთ, განუმეორებლ არსებად გაგრძნობინებს. ნებისმიერი ქალი, ყოველივე ამაზე არ ოცნებობს განა? თუმცა დასკვნების გამოტანას ნუ იჩქარებთ, ყოველ შემთხვევაში იქამდე მაინც მოითმინეთ, სანამ ამ სტატიას ბოლომდე ჩაიკითხავთ. მამაკაცი მშვილოდსანი ბუნებით იდეალისტი და რომანტიკოსია, ეს ადამიანები ყოველთვის ამბობენ იმას რასაც ფიქრობენ, მაგრამ იშვიათად აკეთებენ იმას რასაც ამბობენ (ან გპირდებიან), თუმცა მათზე მიუხედავად ამისა, დიდი ხნით გაბრაზება, უბრალოდ შეუძლებელია. ეს გულღია, პოზიტიური ადამიანი, ყოველთვის ყურადღების ცენტრშია მოქცეული. როგორც წესი, მას უამრავი ნაცნობი და მეგობარი ახვევია გარს, ამიტომ საიმისოდ, რომ მისი ყურადღება როგორმე მიიქციოთ, მოგიწევთ საკუთარი ცხოვრება მისი ყოფის აჩქარებულ ტემპს მოარგოთ. გაითვალისწინეთ, მშვილდოსანს უსიცოცხლო, დონდლო და მოსაწყენი ხალხი საშინლად აღიზიანებს. თუკი თქვენ იმ ქალბატონების რიცხვს განეკუთვნებით, რომელსაც ახალი ურთიერთობის დაწყებისას ოჯახური კერა, სიმყუდროვე და სტაბილურობა ესახება სამომავლო პერსპექტივად, იმედი უნდა გაგიცრუოთ, თქვენი თაყვანისმცემელი მშვილდოსანი საამისოდ ნამდვილად არ გამოგადგებათ. რა თქმა უნდა, ეს ადამიანები ოდესმე აუცილებლად ქმნიან ოჯახს და საყვარელ ადამიანზე ქორწინდებიან, თუმცა საიმისოდ რომ მშვილდოსანთან ზემოთქმულ სიტუაციას მიაღწიოთ, ხანგრძლივი ლოდინი, მოთმინება და კიდევ ერთხელ, დიდი დოზით მოთმინებაა საჭირო. საქმე იმაშია, რომ მშვილდოსნებს ძალზე განვითარებული აქვთ დამოუკიდებლობის სიყვარული და თავისუფლად, ყოველგვარი პასუხისმგებლობების გარეშე ცხოვრების მოთხოვნილება, მათთვის ამ ქვეყნად ყველაზე და ყველაფერზე მაღლა დგას. აქედან გამომდინარე, ისინი ქორწინების შემთხვევაშიც კი ყოველთვის იტოვებენ ე.წ „საკუთარ სივრცეს“ საიმისოდ, რომ თავი შეზღუდულად არ იგრძნონ. რა თქმა უნდა ამაში მათ მეუღლემაც უნდა შეუწყოს ხელი. სხვა შემთხვევაში მშვილდოსანი უბრალოდ წავა და ახალი იდეალის ძიებას მონდომებით და ყოველგვარი სინდისის ქენჯნის გარეშე შეუდგება. აქედან გამომდინარე, გასაკვირი არაა რატომ გვხდებიან ორ, სამ ან სულაც ოთხგზის ქორწინებაში მყოფ მამაკაცებს შორის ყველაზე ხშირად მშვილდოსნები. მაძიებლური ბუნება და ყოველგვარი შეზღუდვების მიმართ სიძულვილი, ამ მამაკაცს აიძულებს გამუდმებით ეძებოს მისთვის კომფორტული გარემო და პარტნიორი, თუნდაც ეს ძიება სიცოცხლის ბოლომდე გაგრძელდეს, მათთვის ამას მნიშვნელობა არ აქვს. სამაგიეროდ ქალს, რომელსაც იგი თანამგზავრად აირჩევს, გარანტირებული ექნება საინტერესო ცხოვრება, მუდმივი სიურპრიზები და სახალისო თავგადასაველბი. თუმცა საიმისოდ, რომ ეს მოუხელთებელი მამაკაცი თქვენს ბადეში გააბათ, მხოლოდ გარეგნული მონაცემები როდია საკმარისი. 

გაითვალისწინეთ, ის რომ მშვილდოსანთან ურთიერთობა, გამუდმებით კომპრომისის უნარს და ლოალურ მიდგომას გულისხმობს. დიდი ამბავი ახლა, თუკი თქვენთან ერთად კიდევ ერთ, ორ ან სამ გოგოს უხნის სიყვარულს. სამაგიეროდ გულში მტკიცედ იცის, რომ ყველაზე ნამდვილი სიყვარულით მხოლოდ თქვენ უყვარხართ. ფლირტი, ამ მამაკაცისთვის ისეთივე აუცილებლობაა, როგორც ყავა დილის საუზმეზე ან სპორტ დარბაზში ვარჯიში ყოველ საღამოს. თუმცა მანამ სანამ, მას მოღალატეობაში უპირობოდ დასდებთ ბრალს, კარგი იქნება იცოდეთ ისიც, რომ ფლირტს ეს მამაკაცი მხოლოდ იმიტომ მიმართავს, რათა არ „დაჟანგდეს“ და თავი მუდმივად ფორმაში იგრძნოს. ამას ემატება მისთვის ესოდენ დამახასიათებელი თავგადასავლებისა და მრავალფეროვნების სიყვარული, რაც საბოლოო ჯამში, შეიძლება ისე ჩანდეს როგორც ღალატი ან ღალატის მცდელობა. თუმცა თუკი თქვენ გონიერი ქალი ხართ და მშვილდოსანთან ურთიერთობა რამედ გიღირთ, ჩემი რჩევა იქნება, ნუ გააპრობლემებთ მისი მხრიდან წამოსულ ამ მსუბუქი დონის ღალატის შემთხვევებს, რადგან ნებისმეირ შემთხვევაში, თუკი თქვენ მშვილდოსანთან საერთო ინტერესები გაკავშირებთ და თქვენს საზოგადოებაში იგი თავს კომფორტულად გრძნობს, ეჭვიანობის სცენების არ გამართვის შემთხვევაში, იგი ცოტა ხანში ჩვეულებრივად გააგრძელებს თქვენთან ურთიერთობას. მომავალ ინტრიგამდე. საქმე იმაშია რომ იდეალისტური ბუნებიდან გამომდინარე, ქალი რომელიც მშვილდოსანს არამარტო ფიზიკურად, გონებრივ-ემოციურ დონეზეც აკმაყოფილებს, მისთვის შეუცვლელი შეიძლება გახდეს მომავალში. აქედან გამომდინარე, ნერვიულობა მის მსუბუქ გატაცებებზე, სათვალავში მისაღებადაც არ ღირს. შეეცადეთ მის საქციელს იუმორით და გაგებით შეხედოთ, რასაც მშვილდოსანი აუცილებლად დაგიფასებთ და ამით, კიდევ ერთი ნაბიჯი იქნება გადადგმული თქვენი მომავალი ქორწინებისკენ.

მორიელი:

ვნებიანი, ემოციური, არაპროგნოზირებადი მორიელი მამაკაცი იშვიათად დარდობს იმაზე, თუ რა შეიძლება მოყვეს პირად ურთიერთობაში მის მიერ ჩადენილ ამა თუ იმ საქციელს. თუმცა ხასიათის ამ თვისების გამო, იგი რატომღაც სულაც არ განიცდის ქალთა აუდიტორიის სიმცირეს მის გარშემო. უფრო პირიქით ხდება. სუსტი სქესის წარმომადგენლებს მორიელი მამაკაცი როგორც წესი, ბუზებივით იზიდავს. თავის მხრივ, ისიც იშვიათად ამბობს უარს, საკუთარ ქსელში გაბმული მსხვერპლით მოიჯეროს გული. გარეგნობით გინდაც ცნობილ კვაზიმოდოს გავდეს, ნებისმიერი მორიელი თითქოსდა ასხივებს სექსუალურ ენერგიას და ქალებზე მისი მზერა ჰიპნოზურ ზემოქმედებას ახდენს. მოდი და ნუ დაჰიპნოზდები ნახევარი საათი რომ თვალმოუშორებლად მოგაშტერდება. ამიტომ, ურიგო არ იქნებოდა, თუ ყველას არა, ზოგიერთ მორიელ მამრს მაინც, ქუჩაში ასეთ წარწერიანი მაისურით ევლო - „ფრთხილად!! მაღალი ძაბვაა“
შეიძლება იგი, ერთი შეხედვით მუდო, უხასიათო და ფლეგმა ტიპად მოგეჩვენოთ, მაგრამ ეს მხოლოდ ერთი შეხედვით. აბა სცადეთ და სათანადო ყურადღებას ნუ მიაქცევთ, ან მისი მისამართით, ცინიკური ხუმრობა გაიმეტეთ. მერწმუნეთ, სანამ მომდევნო დღეებში თეთრი დროშის კერვით იქნებით დაკავებული, პარალელურად იმაზეც მოგიწევთ თავის მტვრევა რა, როდის და როგორ ვითარებაში აწყენინეთ, ან კი აწყენინეთ საერთოდ? პრინციპში ეს მან, თქვენზე უკეთ იცის. თქვენი მოვალეობა კი ამ შემთხვევაში, მხოლოდ და მხოლოდ პასუხისგებაა ჩადენილი საქციელის გამო.
დამიჯერეთ, მარსი-პლუტონის „ალმოდებულ კოქტეილს“ , ეს ერთი შეხედვით ჩუმი კაცი, ყველაზე მოულოდნელ მომენტში შემოგთავაზებთ. თუმცა რა შემოთავაზებაზე და გალანტურობაზეა საუბარი, როცა საქმე მორიელს ეხება. მორიელს, მსგავსი რამეები არც ეხერხება და არც აინტერესებს. ბარემ რევერანსების კეთებაც მოსთხოვეთ თქვენთვის. თავში კარგად ჩაიბეჭდეთ, მამაკაცმა მორიელმა ძალზე კარგად იცის ქალური ხრიკების ქრონოლოგია და ათოლოგია, ამიტომ მშვენივრად ხვდება, თვესნ მიერ მისთვის კატეგორიულად და ფეხების ბაკუნით ნათქვამი „არას“ უკან, გულმხურვალე „კი“ რომ იმალება. ცნობილ ფრაზას - „ყველაფერი ან არაფერი“, მამაკაცი მორიელი დიდ პატივს სცემს, თუმცა პრაქტიკაში მხოლოდ მის პირველ ნაწილს იყენებს, დანარჩენით კი, დაე ხელმოცარულები დაკმაყოფილდნენ.

ქალს, რომელიც მორიელთან რომანის გაბმით, სახიფათო ავანტურას წამოიწყებს, საკუთარ თავზე მისი არც თუ სასიამოვნო ექსპერიმენტების გამოცდაც მოუწევს. ნუ შეიქმნითი ილუზიას, იმის თაობაზე, რომ მისი მოხიბვლა და დამონება, გაცნობისთანავე იქნება შესაძლებელი. მიუხედავად იმისა, რომ მის გაცნობამდე, თაყვანისმცემლების მთელი არმია დაგდევდათ უკან, მორიელის შეყვანას მათ რიგებში ნუ იჩქარებთ. ან კი ვინ შეგაყვანინებთ იქ თავს? უფრო ალბათ თქვენ მოგიხდებათ, მანდილოსნების საპატიო რიგში დადგეთ, მანამ სანამ მის გულწფრელ სიყვარულს და პატივისცემას დაიმსახურებთ. თუკი რათქმაუნდა მანამდე, ერთი ორჯერ ასათიანზეც არ ამოყავით თავი. მინდა გაგაფრთხილოთ, რომ ეს პლუტონიანელი შურისმაძიებელი, თითქმის არასოდეს ივიწყებს მისთვის მიყენებულ წყენას და იშვიათად თუ ვინმეს პატიობს, თავის დიდად პატივცემილ კუდზე ფეხის უშნოდ დაბიჯების მცდელობას. ამიტომ, გასაკვირი არაა, რომ მტრები მის გარშემო ისე მრავლდებიან, როგორც სოკოები ნაწვიმარზე, თუმცა არც საიმედო (მართალია მცირერიცხოვანი) მეგობრების ნაკლებობას განიცდიან ზოდიაქოს ამ ნიშნის წარმომადგენლები. ამ კაცს მტრობაც და მეგობრობაც „ზე-აღმატებულ“ ხარისხში შეუძლია. 
მორიელის ზოდიაქოს ნიშნით დაბადებული მამაკაცების სანაქებოდ უნდა ითქვას ისიც,რომ მიუხედავად თავიანთი მიმზიდველობისა, მათი უმრავლესობა იშვიათად ღალატობს ქალს, რომელიც ნამდვილად უყვარს. თუმცა აქვე ისიც უნდა გაითვალისწინოთ, რომ პლუტონის ეს „გაუცინარი შვილი“, ძალზე წინააღმდეგობრივი ბუნებისაა, ერთის მხრივ საკუთარ თავისუფლებას მაქსიმალურად უფრთხილდება და ყველასთვის საზღვრები აქვს მონიშნული, ვინიცობაა ვინმემ ზედმეტი ნაბიჯი არ გადმოდგას მისი „პირადისკენ“, მეორეს მხრივ კი საშინლად სჭირდება ადამიანი, ვისაც მძიმე წუთებში დაეყრდნობა და ვისი ერთგულების იმედიც უპირობოდ ექნება. პრინციპში, არც ორმაგი სტანდარტებია ღრიანკლებისთვის უცხო - აქედან გამომდინარე, არ უნდა გაგიკვირდეთ ის, რომ თუკი იგი, ადამიანებს ზოგადად სისუსტეს ვერ პატიობს, საკუთარ თავს ზუსტად იგივე სისუსტეების ქონის უფლებას „დიდსულოვნად“ აძლევს.
მმართველი პლანეტების მიერ ბოძებული, დამანგრეველი ენერგიის „გარდასხვას“ ბევრი მორიელი, ხშირად უთავბოლო სექსუალური კავშირების, ნარკოტიკის ან სასმელის საშუალებით ცდილობს. აქედან გამომდინარე, ზოდიაქოს ამ ნიშნის წარმომადგენლებს, როგორც წესი ყველაზე ხშირად აქვთ ამ კუთხით პრობლემები, თუმცა ასევე უნდა ითქვას ისიც, რომ ბევრ მათგანს თანდაყოლილი, პლუტონისეული ტრანსფორმაციის უნარი ეხმარება იმაში, რომ საკუთარი ცხოვრების ბორბალი, ბედისწერის საპირისპიროდ დაატრიალოს და ყველაფერი უკეთესობისკენ შეცვალოს. გაიხსენეთ ლეგენდარული ბარონი მიუნჰაუზენი, რომელმაც საკუთარი თავი თავად ამოათრია ჭაობიდან. ეს ზუსტად მორიელური თვისებაა.
მორიელის ზოდიაქოს ნიშნით დაბადებული მამაკაცისთვის, ძალზე დიდი მნიშვნელობა აქვს პროფესიას და სამოღვაწეო სფეროს რომელსაც აირჩევს. თუმცა ეს ის კაცი არ არის, ვინც ფიზიკურ მუშაობაზე დათანხმდება ვინმეს. სამაგიეროდ, ძლიერი ინტუიცია, შორს მჭვრეტელობა და კარგი ფინანსური ალღო ბევრ მათგანს ეხმარება იმაში რომ კარგი მეწარმე, ბიზნესმენი ან იურისტი გახდეს.

სასწორი:

მამაკაცი სასწორი, როგორც წესი ყოველთვის კარგი გარეგნობით და მანერებით გამოირჩევა. ამ ადამიანს სძულს ვულგარულობა და უხეშობა. ამიტომ თავს არ ზოგავს საიმისოდ, რომ გარშემომყოფთა თვალში, სასიამოვნო შთაბეჭდილება დატოვოს. მისთვის დეპრესიის ტოლფასია იმის ცოდნა, რომ ვინმე მის მიმართ ანტიპათიითაა განწყობილი.   გარშემომყოფთა უპირობო სიმპათიის დამსახურება და მუდამ საჭირო პერსონად თავის აღქმა, სასწორი მამაკაცის ყველაზე დიდი სისუსტეა. ამიტომ გასაკვირი არ არის ის ფაქტი, რომ მამაკაცი სასწორი ყოველთვის ახერხებს იყოს საზოგადოების სული და გული, ჰყავდეს დიდი სანაცნობო წრე და რაც შეიძლება ბევრი თაყვანისმცემელი. სასწორ მამაკაცს ძალიან უყვარს სხვების პრობლემებში ჩარევა და მათი გადაჭრის გზების ძიება. ამასთან ერთად, მას დიდ სიამოვნებას ანიჭებს, რჩევა-დარიგებები დიდსულოვნად აფრქვიოს აქეთ-იქეთ. თუმცა საბოლოო ვერდიქტი, რომელსაც იგი გამოიტანს შესაძლოა სულაც არ იყოს ყველასთვის სასიამოვნო. საქმე იმაშია, რომ სასწორი ყოველთვის ცდილობს, ორივე მხარის ინტერესების გათვალისწინებას, ამიტომ თვისებას - მედლის ორივე მხარე ერთნაირი სიზუსტით დაინახოს და გააანალიზოს, იგი ხშირად მიჰყვას გაურკვევლობამდე. მოკლედ რომ ვთქვათ, მისი გულწრფელი მცდელობა ხშირად სხვებს დაეხმაროს, ხანდახან ამ უკანასკნელისთვის პრობლემების გაჩენაშიც კი გადაიზრდება ხოლმე. სასწორი მამაკაცი, ხასიათით ცვალებადია. ამიტომ თუ თქვენ მტკიცე და უკომპრომისო ხასიათით გამოირჩევით, მისი მუდმივი მერყეობა „კის“ და „არას“ შორის, თქვენში ქრონიკულ თავისტკივილს გამოიწვევს და გაიძულებთ კიდევ ერთხელ გადახედოთ ურთიერთობებს მასთან. გჭირდებათ კი, გვერდით ეს მართალია ძალზე სიმპათიური, მაგრამ საშინლად მერყევი ადამიანი? თუმცა,როგორც კი იგი თქვენი მხრიდან საკითხის ამგავრი კუთხით დასმის მცდელობას დაინახავს, აუცილებლად შეეცდება მაქსიმუმი გააკეთოს საიმისოდ, რომ სამომავლოდ ყოველგვარი სახის გართულება და სიტუაციის გამწვავება აირიდოს თავიდან. სასწორებს უბრალოდ არ შეუძლიათ დაძაბული და კონფლიქტური სიტუაციის ატანა! თუმცა, სანამ ცხოვრების მეგზურს საბოლოოდ აირჩევს, ეს კაცი ,ალბათ, პირველ რიგში გარშემომყოფთა აზრს შეისწავლის, შემდეგ ოჯახის წევრებს და მეგობრებსაც დაეკითხება კომპეტენტურ რჩევას და მხოლოდ ამის მერე გადაწყვეტს გარისკოს და მენდელსონის მარშით დაასრულოს საყვარელ ქალთან ურთიერთობა. ღმერთმა ნუ ქნას, რომ არ გაუმართლოს კიდეც ოჯახურ ცხოვრებაში, მას ყოველთვის ექნება ობიექტური მიზეზი ამ უბედურებაში დედა,მამა, ბიცოლა ან სულაც საკუთარი შეფი დაადანაშაულოს. განა სწორედ მან არ ურჩია ამ ქალზე ქორწინება?

მამაკაცებს , რომლებიც პლანეტა ვენერას ქალური ენრგეტიკის გავლენის ქვეშ ევლინებიან ქვეყანას, დახვეწილი გემოვნება და შესამჩნევი სნობიზმი ახასიათებთ. მათთვის უბრალოდ აუცილებელია ლამაზ, განათლებულ და ერუდირებულ საზოგადოებაში იტრიალონ, საიმისოდ რომ საკუთარი ინტელექტუალური შესაძლებლობები მაქსილალურად გამოავლინონ. სასწორს უყვარს თეატრი, მუსიკა, კინემატოგრაფია, ინტერესდება მხატვრობით და ნებისმიერი სახელოვნებო დარგით. ვენერას შემოქმედებითი გავლენა, ხშირად მათ პროფესიონალურ შესაძლებლობებშიც აშკარად ვლინდება, ამიტომ ძალზე ხშირად შეხვდებით სასწორს, რომელიც ხელოვნების რომელიმე მიმართულებით მოღვაწეობს, თანაც არც თუ ურიგოდ. თუკი სასწორი სამოქმედო სფეროდ, შემოქმედებით სარბიელს ირჩევს, მმართველი პლანეტის გავლენით საკმაოდ დიდ წარმატებასაც აღწევს. აქედან გამომდინარე, ქალს რომელსაც ცნობილი, ჭკვიანი, სიმპათიური და განათლებული ქმარი უნდა გვერდით, ნამდვილად გაუმართლა თუკი საკუთარ ცხოვრებას სასწორს დაუკავშირებს. რა მოხდა მერე თუკი პერიოდულად გადაწყვეტილებას, ლურჯი ჰალსტუხი გაიკეთოს საღამოს ოფიციალურ მიღებაზე თუ წითელი, მთელი დღის მანძილზე ვერ იღებს, მთავარი ხომ სულ სხვა რამეებია ცხოვრებაში.

ქალწული:

ხშირად შემხვედრია აგვისტოს ოცდაოთხსა და სექტემბრის ოცდასამ რიცხვს შორის დაბადებული ძლიერი სქესის წარმომადგენელი, რომელიც საკუთარი ზოდიაქოს დასახელებისას, უხერუხულად იშმუშნება და ცდილობს კითხვაზე პასუხს თავი აარიდოს.
არადა კაცმა რომ თქვას, ქალწულის ზოდიაქოს ნიშნით დაბადება, სულაც არ გულისხმობს, მამაკაცური თვისებების არარსებობას ან ქალურ იმიჯს. უფრო მეტიც, ზოდიაქოს ამ ნიშნის მამაკაცი წარმომადგენლები, ძალზე ხშირად გამოირჩევიან საკუთარი, არც თუ ფემინური გარეგნობით და მიმზიდველობით. ქალწულ მამაკაცს, თამამად შეიძლება ვუწოდოთ „მოვალეობის ადამიანი“, იგი დაბადებიდან დისციპლინირებული, მოწესრიგებული, შრომისმოყვარე და მაღალინტელექტუალური პიროვნებაა. ძალზე იშვიათია ქალწული, რომლის გონებრივი მონაცემები საშუალოზე მაღალ სტანდარტს არ შეესაბამება. თუ მაინც შეგხვდათ ასეთი ეგზემპლარი, მის პირად რუკაში, არასასურველი ასპექტების გავლენის შედეგი იქნება ეს და არა კონკრეტული ზოდიაქოს მახასიათებელი. ქალწულისთვის, ცხოვრების უმთავრესი აზრი შრომაში მდგომარეობს. ამიტომ ამ მამაკაცებს არცთუ იშვიათად უწოდებენ გარშემომყოფები ქრონიკულ „ვორკოჰოლიკებს“. თუმცა მათ სასახელოდ უნდა ითქვას, ის რომ ნებისმიერი ქალწული, მხოლოდ საკუთარი შრომის საფუძველზე შექმნილ მატერიალურ კეთილდღეობას აღიარებს და სხვადასხვა სახის მაქინაციები ფულის საშოვნელად, როგორც წესი მათთვის მიუღებელია. ეს ადამიანები, შრომას როგორც მოთხოვნილებას და ვალდებულებას ისე აღიქვამენ. აქედან გამომდინარე, მათი უმრავლესობა, შესანიშნავ კარიერას იკეთებს ან სულაც საკუთარ ბიზნესს ხელმძღვანელობს. ზოდიაქოს ამ ნიშნით დაბადებულ მამაკაცებს, კატეგორიულად აღიზიანებთ ვულგარულობა და ფეთხუმობა საპირისპირო სქესის წარმომადგენლებში. შესაბამისად, ქალი რომელიც დაუდევრადაა ჩაცმული, იაფფასიანი სუნამოს სუნით ყარს და მაკიაჟიც ზომაზე მეტად მკვეთრი აქვს შერჩეული, ქალწულ მამაკაცს არასოდეს მოეწონება, თუნდაც ეს უკანასკნელი სექსსიმბოლოთა კატეგორიას განეკუთვნებოდეს. არანაკლებ აღიზიანებს მას, სუსტი სქესის წარმომადგენლებში, იმპულსურობა და მფლანგველობა. აქედან გამომდინარე, თუ თქვენ ქრონიკულ „შოპოჰოლიკთა“ რიცხვს მიეკუთვნებით, ან მაღაზიებში საათობით სიარულის ჩვევა დაივიწყეთ სამუდამოდ, ან თქვენი ახალი თაყვანისმცემელი ქალწული. მიუხედავად ზემოთქმულისა, თანდაყოლილი დახვეწილი გემოვნების და პრაქტიკულობის წყალობით, მამაკაც ქალწულს საყვარელი ქალის მიმართ, ძუნწი ნაკლებად ჰქვია. სამაგიეროდ მას ზუსტად შეუძლია განსაზღვროს, რომელი ბრენდის ზედა მოუხდება თქვენს არმანის ჩანთას ან გუჩის სათვალეს.

ქალწული მამაკაცი, ძალზე კრიტიკული და მეწვრილმანეა, ამასთან ერთად მას ენაც საკმაოდ კარგად უჭრის, შესაბამისად მისი მხრიდან კრიტიკული შენიშვნების ატანა არაერთგზის მოგიწევთ. თუმცა იგივეს გაკეთებას მისი მისამართით, ნამდვილად არ გირჩევთ. საქმე იმაშია, რომ ქალწულმა, სხვების ნაკლოვანებებთან ერთად, საკუთარი ყველაზე კარგად იცის. მაგრამ თქვენი მხრიდან ამის ხაზგასმა და დაფიქსირება, საჭირო სულაც არ არის. უმჯობესია მისი შენიშვნები მშვიდად მოისმინოთ და გაითვალისწინოთ, რადგან ქალწული ისეთს არაფერს გირჩევთ, რაც თქვენთვის სასარგებლო არ იქნება. მართალია ქალწული მუტაბელური (ცვალებადი) ნიშნების რიცხვში შედის, მაგრამ იგი, მაინც მიწის სტიქიის წარმომადგენელია, შესაბამისად მისი წყობიდან გამოყვანა ან გაბრაზება საკმაოდ რთული საქმეა. ისევე როგორც რთულია,მისი მხრიდან გრძნობების ემოციურ გამომჟღავნებას ეღირსოთ. ქალწულს არ ეხერხება და არც გულზე ეხატება ის, რომ თავისი სიყვარულის ობიექტს სახალხოდ დაუფიქსიროს საკუთარი სიყვარული. სამაგიეროდ, მისი თქვენდამი ემოციები, ყოველდღიურ ზრუნვაში და პატივისცემაში გამოიხატება, რაც დამიჯერეთ ათასგზის სჯობს არაფრისმთქმელ სიტყვებს. გაითვალისწინეთ, მამაკაც ქალწულს, საკმაოდ მაღალი სტანდარტები გააჩნია შესაბამისად, საპირისპირო სქესის მიმართ იგი ძალზე პრეტენზიული და მომთხოვნია. თუკი ცხოვრების მანძილზე ვერ ნახა ქალი, რომელიც მის სტანდარტებს ზუსტად შეესიტყვება, იგი ხშირად მარტოც რჩება. შემთხვევითი როდია, რომ ზოდიაქოს ამ ნიშნით ყველაზე მეტი ბერბიჭა იბადება. თუმცა თუკი ქალწულმა ვინმესთან საკუთარი ბედის დაკავშირება გადაწყვიტა, იგი პარტნიორს ბოლომდე მიიღებს მისი ნაკლით და ღირსებით.

ლომი:

ლომი მამაკაცი, როგორც წესი კარგი გარეგნული მონაცემებით და მეფური მანერებით გამორჩევა. ხშირ შემთხვევაში ლომები თავიანთი ზოდიაქოს სიმბოლოს - ფაფარაშლილ ჯუნგლების მბრძანებელს წააგავნან თუ ვიზუალურად არა ხმის ტემბრით მაინც. ერთი შეხედვით მშვიდი, იმპერატორული გამოხედვის მიღმა, რომელიც ყველა ლომს ახასიათებს განუჩევლად ასაკისა და თანამდებობისა, ძნელი წარმოსადგენია ის,რომ სინამდვილეში ამ ადამიანს უზომოდ თბილი და მგრძნობიარე გული აქვს. ეს სიცოცხლის მოყვარული, მუდმივად მომღიმარი და კონტაქტური ადამიანები, ყოველთვის ახერხებენ ყურადღების ცენტრში ყოფნას. ამიტომ, თუ თქვენ ბუნებით მოკრძალებული, უბრალო გოგონა ხართ, რომელსაც სახლში ჯდომა და ბლინების ცხობა ურჩევნია, ელიტარულ საღამოებზე სიარულს და მაღალ საზოგადოებაში გართობას, ლომი ცხოვრების მეგზურად ნაკლებად გამოგადგებათ. თუმცა იმ შემთხვევაშიც თუ თქვენ საკმაოდ აქტიური სოციალური ცხოვრებით ცხოვრობთ, გარკვეული ბალანსის დაცვა, მაინც მოგიწევთ ლომ მამაკაცთან ურთიერთობაში. ამათგან უმთავრესი პრინციპი კი იმაში მდგომარეობას, რომ არასოდეს უნდა საცადოთ მისი დაჩრდილვა თქვენი ერუდიციით, გარეგნობით ან მიღწევებით.. ლომები ვერ იტანენ, როცა ვინმე (თან თუ ეს ვინმე მისი მეორე ნახევარია) საზოგადოებაში, მის გადაფარვას ცდილობს. ასე, რომ საპატიო მეორე ვიოლინოს როლი მოირგეთ და საკუთარ წარმატებებზე საუბარი, სადაქალო წრეში ყავის სმისას სააჭორაო თემად შემოინახეთ. სამაგიეროდ, ისეთ თვისებებს, როგორიცაა ჯენტლმენობა, რაინდული სული და დიდსულოვნება ლომ მამაკაცში საკმარისზე მეტი დოზით აღმოაჩენთ. ამ ადამიანს ძალა შესწევს, იზრუნოს და მაქსიმალური კომფორტი შეუქმნას მას, ვინც მისთვის ნამდვილად ძვირფასია. თუკი ქალს, რომელიც მისი სიყვარულის ღირსი გახდა, აქვს უნარი საკუთარი მოთხოვნები, თხოვნის და არა მოთხოვნის ფორმით გადმოსცეს ლომთან, ცხოველთა მეფე მას უმცირესი სურვილის შესრულებაზეც კი არ ეტყვის უარს. ხოლო, ნებისმიერი მცდელობა, რამაც შესაძლოა მის მეფურ ავტორიტეტს საფრთხე შეუქმნას, ლომის მხრიდან სიცივის და გულგრილობის გარანტია შეიძლებაგახდეს. შეყვარებული ლომი, როგორც წესი უზიმოდ გულუხვი და გალანტურია, რჩეულის მიმართ, ამიტომ იგი ფორას მისცემს თქვენს თაყვანისმცემლებს და ყველა მათგანს მალე ჩამოგაშორებთ. თუმცა გაითვალისწინეთ, ის ფაქტიც რომ ლომი უზომოდ ეჭვიანი და მესაკუთრე ადამიანია. ამიტომ ნუ გაგიკვირდებათ, თუ იგი მოგთხოვთ საქმის კურსში ჩააყენოთ, სად ხართ, ვისთან ერთად, რა საქმეზე და ზუსტად რომელ საათზე დაბრუნდებით სახლში.

მისთვის მნიშვნელოვანია, იცოდეს თქვენი თითოეული ნაბიჯი. სხვა შემთხვევაში, იგი ჯერ ბუზღუნს დაიწყებს, შემდეგ კი მისი ეს ბუზღუნი გაცილებით უფრო მაღალ ნოტებში გადავა და საბოლოოდ დარწმუნდებით ლომის ხმის ტემბრის დამაჯერებლობაში. ქალი, რომელსაც უნდა რომ ლომის ზოდიაქოს ნიშნით დაბადებული მამაკაცის სიყვარული დაიმსახუროს, ზომიერად აქტიური, გულკეთილი, მოსიყვარულე და თბილი უნდა იყოს. ლომს მოსწონს ეფექტური მანდილოსნები, რომელთაცსაზოგადოებაშითავისდაჭერადამანერებიარეშლებათ, თუმცა თუ თქვენ ამასთან ერთად გადამეტებულად დამოუკიდებელი ხასიათით და სიჯიუტითაც გამოირჩევით, მეეჭვება ლომის გვერდით დიდხანს გაძლოთ. როგორც მეუღლე, ლომი ქმარი დიდსულოვანი და მზურნველია. მას უყვარს ოჯახური საღამოები და სიამოვნებით დაგეხმარებათ ხოლმე მსგავსი სტილის შეკრებების ორგანიზებაში. ბავშვების მიმართ, ლომებს განსაკუთრებული, თბილი დამოკიდებულება აქვთ (შემთხვევითი როდია რომ ლომი მართავს ჰოროსკოპის მეხუთე სახლს, რომელიც შვილიერების და მემკვიდრეების საკითხზეა პასუხისმგებელი) აქედან გამომდინარე, მამა ლომი ბავშვთან უშუალო მეგობრულ დამოკიდებულებას ძალზე ადვილად ამყარებს და ოჯახის დანგრევის შემთხვევაშიც კი, იგი თავისი შვილებისთვის მთელი სიცოცხლის მანძილზე ეტალონად რჩება. რაც შეეხება ერთგულების საკითხს, ლომები იმ მცირერიცხოვან ზოდიაქოს ნიშნის წარმომადგენელთა შორის გადიან, ვისაც ხშირ შემთხვევაში გამოკვეთილი მონოგამიურობა ახაიათებს. ამიტომ ლომის მეუღლეს ამ მხრივ სანერვიულო არაფერი აქვს, მანამ სანამ ლომს მის მიმართ გრძნობები გააჩნია. ხოლო სადამდე გაგრძელდება ეს ზემოთხსენებული იდილია, მთლიანად ლომის პარტნიორზეა დამოკიდებული. თუკი თქვენ შესძლებთ, მეუღლეს მაქსიმალური სიყვარულით, პატივისცემით და მოწიწებით მოეპყროთ, მერწმუნეთ ბუნებით ზარმაცი ლომი, სხვაზ ეარასოდეს გაგცვლით.

კირჩხიბი :

მისი ცნობა, როგორც წესი სპეციფიური გარეგნობით შეგიძლიათ. კირჩხიბის ზოდიაქოს ნიშნით დაბადებული მამაკაცები, ვიზუალურად ორგვარები არიან. პირველ ტიპს, მრგვალთავიანი, სახის მრგავლი ფორმის მქონე, ბავშვური სახის, ტანმორჩილი ინდივიდები შეადგენენ, მეორე ტიპი კი უფრო ხშირად გვხვდება და მისი ამოცნობა წინ წამოწეული ქვედა ყბით, სახის უხეში ნაკვთებით და გადაბმული, სქელი წარბებით შეიძლება. ორივე კატეგორიის კირჩხიბებს, მკვეთრად გამოხატული მგრძნობელობა, ზრდილობიანი მანერები და სუსტი სქესის მიმართ გალანტური დამოკიდებულება ახასიათებთ. თუკი თქვენ შემთხვევით უხეშ, ხმაურიან კირჩხიბს გადააწყდით, ნუ იჩქარებთ ამ ადამიანის კირჩხიბების სიიდან ამოშლას, იგი ან მთვარის ნეგატიური გავლენის ქვეშაა მოქცეული, ან მისპირად რუკაში ვერძის ან ლომის ზოდიაქოს ძლიერი გავლენა იგრძნობა. კირჩხიბ მამაკაცს, ცვალებადი ხასიათი აქვს. ამასთან ერთად, მისი ცუდი განწყობა გარშემომყოფთათვისაც ეპიდემიასავით გადამდებია. თუკი ამ მამაკაცის გულის მოგება გინდათ, მისი მისამართით ნათქვამი ყველა ფრაზა მკაცრად უნდა გააკონტროლოთ, ეს იმიტომ რომ მისი მგრძნობიარე ბუნება, წვრილმანებზეც კი მძაფრად რეაგირებს. ჰოდა მერე „დღეს რა ბზიკმა უკბინა?“ -ს ტიპის შეკითხვები, ხანგრძლივი დროის მანძილზე შეაწუხებს თქვენ გონებას. სამაგიეროდ, თუკი კირჩხიბი თქვენს საზოგადოებაში თავს ემოციურად უსაფრთხოდ იგრძნობს, მერწმუნეთ მასზე უფრო მოსიყვარულე და მზრუნველ მამაკაცს მთელმსოფლიოში ვერ იპოვნით. თუმცა მანამ სანამ ამ კონდიციამდე მიხვიდოდეთ, მოგიწევთ მისი ნდობა, ნაბიჯ-ნაბიჯ მოიპოვოთ და რაც მთავარია, შეინარჩუნოთ. მამაკაცი კირჩხიბი, მიუხედავად სათუთი ბუნებისა, ძალზე ჭკვიანი და ფრთხილია როცა საქმე მატერიალურ კეთილდღეობას და ფინანსებს ეხება, ამიტომ გასაკვირი არ არის,რომ მსოფლიოს ცნობილ ბანკირებს შორის, სწორედ კირჩხიბები იკავებენ საპატიო ლიდერულ პოზიციებს. თანდაყოლილი შემგროვებლობის უნარი, კირჩხიბს აიძულებს, პატარა ასაკიდანვე იზრუნოს საკუთარი ყულაბის მოვლა-პატრონობაზე. აქედან გამომდინარე, უკვე დიდ ასაკში, ამ ადამიანების უმრავლესობას, სოლიდური კაპიტალი თუ არა საარსებო მინიმუმზე მეტი მაინც გააჩნია ცხოვრებაში. თუმცა, რა ქონების პატრონიც არ უნდა გახდეს კირჩხიბი, მას ამ ყველაფრით თავის მოწონება და ტრაბახი არასოდეს ახასიათებს. ფულთან მიმართებაში კიბოს მფლანგველი ნამდვილად არ ჰქვია, თუმცა ვინც ნამდვილად უყვარს და ეძვირფასება მისთვის, არც მატერიალური რესურსი ენანება, უბრალოდ ამ მხრივაც მკაცრად იცავს პრინციპს „ხარისხი რაოდენობის ნაცვლად“.

კიბო არც ისე მდიდარია საიმისოდ, რომ ფული უხარისხო ნივთებში ხარჯოს. ამიტომ ეს თქვენც კარგად უნდა გესმოდეთ. კირჩხიბი მამაკაცი, ძალიან ყურადღებიანია დეტალების მიმართ, რასაც ქალები დიდ მნიშვნელობას ანიჭებენ. მას არ გაუჭირდება, თქვენთვის საჩუქრის არჩევისას სამოსის ზომის განსაზღვრა, თქვენი საყვარელი სუნამოს სურნელსაც ზუსტად ამოიცნობს, მისთვის, საყვარელ ქალზე ზრუნვა დიდი სიამოვნებაა და თუკი თქვენ მას ამაში ხელს შეუშლით ან დაუშლით, იგი ღრმა დეპრესიაში ჩავარდება. თანდაყოლილი მორიდებულობა და სიმორცხვე, რომელიც ბევრ კირჩხიბს ახასიათებს, ხშირად აიძულებს მათ, გაცილებით თამამი ქალებისკენ მიმართონ საკუთარისიმპათია. ამიტომ, იშვიათი არაა, როცა კიბოებს ასაკით უფროსი ან დედის ტიპის პარტნიორიც უმშვენებთ გვერდს. კირჩხიბებს ძალზე მძიმედ გადააქვთ განშორება საყვარელ ადამიანთან, აქედან გამომდინარე ეს კაცი დიდ ხანს ფიქრობს იმაზე, დაუკავშიროს თუ არა ცხოვრება ამა თუ იმ პიროვნებას. თუმცა თუ მან გადაწყვეტილება თქვენ სასარგებლოდ მიიღო, დარწმუნებული იყავით იმაში, რომ მისი ესგადაწყვეტილება არა ერთი წლით ან ორით, მთელი ცხოვრების მანძილზე იქნება ძალაში.

ტყუპი:

გაცნობის პირველივე წუთიდან შეიძლება მოგეჩვენოთ, რომ ასეთ მხიარულ, ორიგინალურ, საინტერესო კაცს არასოდეს შეხვედრიხართ. ის უცებ შემოდის კონტაქტში, ყვება ათასგვარ სახალისო ისტორიებს, მოსწრებულად ეხუმრება გარშემომყოფებს.. მოკლედ მოწოდების სიმაღლეზე დგას და თქვენ ეს გიხარიათ.. ფიქრობთ, სად იყავით აქამდე, მანამ სანამ ამ მხიარულ, სიცოცხლით სავსე ადამიანს გაიცნობდით?
ეს კაცი მუდმივ მოძრაობაშია, გამუდმებით იცვლის ”დისლოკაციის” ადგილს და ინტერესის სფეროს. წამის მეასედში შეუძლია გადაინაცვლოს, ერთი ადგილიდან მეორეზე, ერთი ძმაკაციდან მეორეზე, ერთი ქალიდან მეორეზე... რა ქნას, მას ხომ ამ ქვეყნად ყველა და ყველაფერი საშინლად აინტერესებს? მერკურით მართულ ადამიანებს, როგორც წესი, უამრავი გატაცება და მიზანი აქვთ ცხოვრებაში. ის კი არა, ალბათ ერთბაშად, რამოდენიმე სიცოცხლით ცხოვრება რომ შესთავაზოს ვინმემ, მათი უმრავლესობა ნამდვილად არ იტყვის უარს, ამგვარ „სამყაროთაშორის მოგზაურობაზე“. ტყუპისთვის ხომ ერთი რამეა მთავარი ცხოვრებაში-როგორმე არ მოიწყინოს..
გაორებული ბუნების გამო, ტყუპ მამაკაცს, რამოდენიმე საქმის პარალელურ რეჟიმში, ერთდროულად კეთება უყვარს. ასეთივე გაორება ახასიათებს ხასიათშიც, დღეს ეს მოსწონს, ხვალ ის, ზეგ საერთოდ არაფერი, მაზეგ შეიძლება საერთოდ ახალი იდეოლოგიის ფანი გახდეს,ამიტომ პროგნოზირება იმისა, რა უდევს თავში თქვენი ინტერესის ობიექტ ტყუპს, ეჭვი მეპარება რომ ოდესმე ზუსტად შესძლოთ, მან ხომ ხანდახან თავადაც არ იცის რა უნდა სინამდვილეში. გამორიცხული არაა, როცა სევდიანი ზიხართ და საკუთარ თავს უმტკიცებ ამ კაცს ჩემი არსებობაც კი არ ადარდებსო, ზუსტად მაშინ ”ეფიქრებოდეს” თქვენზე. მაგრამ არც ისაა გამორიცხული, თავს გევლებოდეთ, თქვენ მიმართ ყურადღების განსახიერება იყოს და ამ დროს მისი გონება სრულიად შორს,მაგალითად სადმე ტიმბუქტუში, ადგილობრივ აბორიგენებთან ერთად დაჰქროდეს. თუმცა რა გრძნობებიც არ უნდა გააჩნდეს მას თქვენდამი, პირველი რასაც იგი, ურთიერთობის საწყის ეტაპზე გააკეთებს, ამ ემოციების კარგად შენიღბვა იქნება. ტყუპს უყვარს თამაში და ნაირ-ნაირი ნიღბების მრავალფეროვნებასაც არ უჩივის საკუთარ არსენალში..

ჩემი ვალია ასევე გაგაფრთხილოთ იმის შესახებ, რომ ტყუპები კატეგორიულად ვერ იტანენ შეზღუდვებს, გრაფიკებს, დედლაინებს და სხვა მსგავსი ტიპის გამოუსადეგარ წეს-კანონებს.. ამიტომ ნუ მოსთხოვთ მას ისაუზმოს დილის ათზე, ოთხზე ძაღლი გაასეირნოს და დასაძინებლადაც ნაცვლად დილის ექვსისა, ჩვეულებრივ მოკვდავთათვის მისაღებ საათებში დაწვეს.. სამაგიეროდ, თქვენ აუცილებლად მოიხიბლებით მისი,უგზო-უკვლოდ განათლებულ-გათვითცნობიერებულობით თითქმის ყველა სფეროში,რაც კი დაგაინტერესებთ. პლუს ამას მას ენაც კარგად უჭრის, ხოლო ლაპარაკის მიმართ მის სიყვარულზე მგონი დასაწყისშვე ვისაუბრეთ. აქედან გამომდინარე, ჩემი რჩევა იქნება, არასოდეს სცადოთ, მასთან კამათში პაექრობა, სულ ერთია ტყუპთან საუბრისას ”სიტყვის ჩაკვეხების” შანსი, თითქმის არ არსებობს. ამიტომ ისღა დაგრჩენიათ, გულითადი მსმენელის როლი მოირგოთ და ანგელოზის სახით იჯდეთ მის წინაშე, როცა იგი თავის მრავალსაათიან მონოლოგებს წაიკითხავს სხვადასხვა თემატიკაზე.
გამომდინარე იქედან, რომ ტყუპი ჰაერის სტიქიას განეკუთვნება, მისგან სექსუალურ გიგანტს ან მაჩოს ნუ ელით. ამ კაცის ტემპერამენტი პირველ რიგში, ლაქლაქის ნიჭში ვლინდება. დახტის რა ერთი თემიდან მეორეზე, მისთვის ძალიან მნიშვნელოვანია ამასთანავე იცოდეს, ის თუ რას ფიქრობენ გარშემომყოფები მისი დიდადპატივცემული პერსონის შესახებ, ამიტომ ტყუპები საყოველთაო ჭორების ეპიცენტრში მოხვედრაზეც სიამოვნებით თანხმდებიან.
მამაკაცი ტყუპის თავი გამუდმებით სავსეა, დაუსრულებელი პროექტებით და ახალ-ახალი იდეებით. თუმცა მიუხედავად იმისა, რომ იგი დიდი ენთუზიაზმით იწყებს ყველა საქმეს, თითქმის არც ერთი დაწყებული პროექტის ბოლომდე მიყვანა არ შეუძლია, (იმ იშვიათი გამონაკლისის გარდა, თუკი მის პირად რუკაში თხის რქის, ქალწულის ან კუროს გავლენა არაა აქტიური), ამიტომ მის იდეებს არცთუ იშვიათად, სხვა უფრო პრაქტიკული და შრომისმოყვარე ადამიანები ითვისებენ და ხშირად, მასზე გაცილებით დაბალი ინტელექტუალური განვითარების მქონე, ნაკლებად ნიჭიერი მოწინააღმდეგეებიც კი ახერხებენ ტყუპის დამარცხებას პროფესიულ სარბიელზე, ეს ყველაფერი კი იმიტომ ხდება, რომ ტყუპს, მის მიერ მოფიქრებული პროექტების ბოლომდე მიყვანის ნებისყოფა არ გააჩნია.ასეთ დროს იგი ალბათ ნერვოზულ-შოკურ-დეპრესიულ მდგომარეობაში ჩავარდება, მაგრამ საბედნიეროდ, არც ერთ ტყუპს არ გააჩნია ნებისყოფა საიმისოდ, რომ დიდ ხანს იგლოვოს რამე (ან ვინმე). აქედან გამომდინარე, ძალიან მალე იგი, ახალ ინტერესს იპოვნის და მისი დაუსრულებელი პროექტების სიას კიდევ ერთი შედევრი შეემატება.
სიყვარულში ტყუპი მამაკაცი ისეთივე პარადოქსულია, როგორც ცხოვრებაში. ამიტომ, თუ ამ კაცის ინტერესის გამოწვევა გინდათ, ყველა კარტს ერთბაშად ნუ გადმოულაგებთ მაგიდაზე. ტყუპები საშინლად ცნობისმოყვარეები არიან, ამიტომ უმჯობესია ცოტა ხანს მაინც იმტვრიოს თავი მან თქვენი რეალური ხასიათის გამოსაცნობად. არ გაგიკვირდეთ და რაც მთავარია წყობიდან ნუ გამოგიყვანთ ის ფაქტი, თუკი იგი თქვენი მისამართით ხანდახან ცინიკურ და არც თუ სასიამოვნო შენიშვნებს ”გამოიმეტებს”, თქვენი მხრიდან იგივე საქციელზე კი, გაცხარდება და მწარე რეპლიკების კორიანტელში გაგახვევთ. ეს იმიტომ ხდება, რომ ტყუპების წარმოდგენა იმაზე, თუ როგორ უნდა იქცეოდნენ სხვები, ძალიან განსხვავდება წარმოდგენაზე იმის შესახებ თუ როგორ უნდა იქცეოდეს თავად.
ფული, ეს ის მოუხელთებელი რამაა, რაც ტყუპის ზოდიაქოზე დაბადებულ კაცს მუდმივად ”უორთქლდება” ხელიდან, კი არა და ჯიბიდან. ამიტომ, თუ ქალწულის ან თხის რქის ძალზე ძლიერი გავლენით არ დაიბადა, ამ ადამიანს ბევრი ფული ისევე აწუხებს, როგორც ძირმაგარა ენაზე. შესაბამისად, იგი ყოველთვის მარტივად მოახერხებს იპოვნონ, მისი ”რეალიზაციისთვის” საპატიო და სასწრაფო მიზეზი.
რაც არ უნდა სამწუხარო იყოს, ქალები ტყუპი მამაკაცის ცხოვრებაში, იშვიათად იკავებენ მთავარ და განსაკუთრებულ ადგილს, თუმცა მანდილოსნების მხრიდან ყურადღების გამოჩენის მხრივ ”ღარიბი” თავად ტყუპს არასოდეს ჰქვია. მოგეხსენებათ ”ქალებს ყურებით უყვართო”, ტყუპს კი ენა სამართებელივით აქვს ალესილი . თუმცაღა თუკი ისეთივე ცვალებად, მრავალმხრივი ინტერესების მქონე ადამიანს შეახვედრა განგებამ იგი, როგორიც თავადაა შესაძლოა ტყუპმაც ჩაუშვას ღუზა, თუ სამუდამოდ არა, ხანგრძლივი პერიოდით მაინც.

კურო:

იგი ის კაცი არ არის, ვინც თქვენი გულის მოსაგებად აივნის ქვეშ სერენადებს იმღერებს, ცეცხლოვან გულს დაგინთებთ ტროტუარზე ან რაიმე მსგავსი ტიპის თავზეხელაღებულ საქციელს ჩაიდენს. მისი მხრიდან თქვენით დაინტერესების შემთხვევაშიც კი, საკმაოდ დიდი დრო და მაქსიმალური დაკვირვება დასჭირდება მას საიმისოდ რომ გადაწყვიტოს რამდენად უღირს გვერდით, თქვენნაირი პარტნიორის ყოლა. ტემპი რომლითაც ეს მამაკაცი ცხოვრობს, შესაძლოა ზოგიერთ ქალს მონოტონურად, შენელებულად და მოსაწყენადაც კი მოეჩვენოს, თუმცა მცდელობა იმისა, რომ მას გადაწყვეტილებების სპონტანურად მიღება და თქვენს ჭკუაზე სირბილი აიძულოთ, დამიჯერეთ აფსოლუტური კრახით დასრულდება. კურო მომთმენია, მაგრამ არა დამყოლი. ამიტომ სიჯიუტემ, რომელსაც იგი მოულოდნელად გამომაჟღავნებს, შესაძლოა გაოცებული დაგტოვოთ დიდი ხნით. რა გეგონათ აბა, ეს ბუნჩულა ბიჭი ასე მარტივი სამართავი იქნებოდა?
თუმცა, სიზარმაცეში ან გულგრილობაში მის დადანაშაულებას ნუ იჩქარებთ. მიუხედავად იმისა, რომ იგი მნიშვნელოვან გადაწყვეტილებებს საკმაოდ რთულად იღებს, საბოლოო ჩვენებას, როგორც წესი არასოდეს ცვლის. ამიტომ თუ მან თქვენი ცოლად მოყვანა გადაწყვიტა, მერწმუნეთ აზრს ვერავინ და ვერაფერი ვეღარ შეაცვლევინებს.
კუროს მოხიბვლა თუ გინდათ, არასოდეს აიძულოთ მას აჩქარდეს. მისი სიმპათია, ნაბიჯ-ნაბიჯ უნდა მოიპოვოთ და ამაში არამარტო თქვენი გარეგნული მონაცემები (გაითვალისწინეთ, ისიც რომ კუროების უმრავლესობას ფორმიანი, სავსე ქალები მოსწონს და თავიდან ამოიგდეთ ათასგვარ სულელურ დიეტებზე ფიქრიც კი), კულინარიული ნიჭი და შესაძლებლობებიც დიდ როლს ითამაშებს. ამას გარდა, კურო განსაკუთრებულ მნიშვნელობას ანიჭებს სურნელს. შესაბამისად სწორად შერჩეული სუნამო, ტანის სკრაბი ან ლოსიონიც, არანაკლები მოკავშირე შეიძლება გახდეს თქვენთვის სასიყვარულო ფრონტზე.
ცხოვრების უმთავრესი აზრი, კურო მამაკაცისთვის როგორც წესი მუშაობაშია. მუშაობა კი მას ისევ და ისევ თქვენი და მისი ერთობლივი, კომფორტული ცხოვრების მოსაწყობად,კარგი ფინანსური ბაზის შესაქმნელად სჭირდება. ამიტომ არასოდეს დააყენოთ თქვენსა და სამსახურს შორის არჩევანის წინაშე. სამაგიეროდ, კუთვნილი შვებულების პერიოდში, რომელსაც კურო აუცილებლად გამოიყენებს, რადგან მუყაითი შრომის შემდეგ, მისთვის სრუფლასოვანი დასვენება აუცილებელია, არც თქვენ დარჩებით უკმაყოფილო მასთან ერთად გატარებული დღეებით. კურო მამაკაცებს, განსაკურებულად უყვართ ბუნების წიაღში დასვენება და სხვადასხვა სახის პიკნიკების მოწყობა. ბევრი მათგანი, გამორჩეული გურმანია, ამიტომ კურო მამაკაცს რომელსაც სამზარეულოში ტრიალი და კერძების ოსტატურად მზადება ეხერხება არცთუ იშვიათად წააწყდებით. მზადება რომც არ ეხერხებოდეს, დახმარებით მაინც დაგეხმარებათ საოჯახო საქმეებში, თუკი თქვენი მხრიდან საამისო მოთხოვნა იქნება. კუროსთვის აუცილებელია, საღამოს სამსახურიდან მოსულს, ოჯახში სიმშვიდე, სიწყნარე, წესრიგი და გემრიელი სურნელი ეგულებოდეს. თუკი თქვენ ოჯახური ჰარმონიის შექმნის უანრი გაქვთ, მერწმუნეთ თქვენი კურო ქმარი, მთელი ცხოვრება ხელისგულზე გატარებთ. პლანეტა ვერნერას გავლენით, რომელიც კუროს ზოდიაქოს მართავს, ზოდიაქოს ამ ნიშნით დაბადებულ მამაკაცებს, დახვეწილი გემოვნება და სილამაზის აღქმის განსაკუთრებული უნარი გააჩნიათ, თუმცა ვენერით მართული, კიდევ ერთი ზოდიაქოს სასწორის წარმომადგენელთაგან განსხვავებით, კუროს ბუნებაში კონსერვატიზმი სჭარბობს, რაც შეიძლება იმაში გამოიხატოს, რომ მას ვერაფრის დიდებით ვერ დაითანხმებთ, ბებიას ნაქონი ანტიკვარული ავეჯი, გაცილებით უფრო თანამედროვე დიზაინის მქონე გარნიტურით ჩაანაცვლოს.

კუროების უმრავლესობას ახასიათებს გამოკვეთილად თბილი დამოკიდებულება ქალთა სქესის მიმართ. აქედან გამომდინარე, ცოლებს და ქალიშვილებს ეს ადამიანები ყველაზე მეტად და მაქსიმალურად ანებივრებენ. როგორც წესი, კუროს მცირერიცხოვანი სამეგობრო წრე ჰყავს. ეს იმიტომ, რომ ამ ადამიანისთვის რაოდენობაზე მნიშვნელოვანი, თავად ურთიერთობის ხარისხია. სამაგიეროდ მეგობრების წრეში მოლხენისას, კურო მამაკაცი ბოლომდე იხსნება და ხშირად მისთვის ესოდენ უცხო, მჭერმეტყველებაც კი ახასიათებს ალკოჰოლის გავლენის ქვეშ მოქცეულს. კუროების უმრავლესობა, როგორც წესი საკუთარი პარტნიორის მიმართ ხანგრძლივად ინარჩუნებს ერთგულებას, ეს ალბათ მათი სტაბილურობისადმი სიყვარულიდანაც გამომდინარეობს. თუმცა ზოგჯერ, ამ ნიშნის წარმომადგენლ მამაკაცებს შორის, გამორჩეული მექალთანეებიც გვხვდებიან, ამ შემთხვევაში მიზეზი კონკრეტული ინდვიდის პირად რუკაშია მოსაძებნი. თუ იქ ტყუპების, მორიელის ან მშვილდოსნის დიდ გავლენას აღმოვაჩენთ, შეგვიძლია ვივარაუდოთ რომ ეს ადამიანი, საკმაოდ დიდხანს შეინარჩუნებს გამოუსწორებელი მექალთანის სტატუსს.

ვერძი :

დასაწყისშივე მინდა ავღნიშნო ის ფაქტი, რომ ვერძის ზოდიაქოს ნიშნით დაბადებული მამაკაცები, როგორც წესი უპრობლემოდ ახერხებენ სუსტის სქესის წარმომადგენელთა შორის, „გულთამპყრობელის“ და „მაჩოს“ სტატუსის მოპოვებას. აქედან გამომდინარე, ისინი ყოველთვის სასურველ ობიექტს წარმოადგენენ სასიყვარულო ფრონტზე ქალბატონებისთვის. ამ ყველაფერს კი იწვევს, არამარტო მათი მამამაკაცური გარეგნობა და მარსიანული შარმი, არამედ თავისებურ ქცევის მანერა და უსაზღვრო ტემპერამენტიც. თუმცა, აქვე მინდა გავაფრთხილო სუსტი სქესის ის წარმომადგენლები, ვისაც რბილად რომ ვთქვათ, ვერძი მამაკაცის „მოჩანგვლა“ აქვს გადაწყვეტილი: ჩემო ძვირფასებო, ნუ მოგატყუებთ, მისი ერთი შეხედვით, მეგობრული ხასიათი და კომუნიკაბელურობა, ეს კაცი საკმაოდ ძნელადმოსახელთებელი ვინმეა სინამდვილეში. უფრო სწორად, ძნელადმოსახელთებელი იმდენად არა, რამდენადაც ძნელად შესანარჩუნებელი, თორემ მარტო მოხელთებას რა აზრი აქვს?
საქმე იმაშია, რომ ვერძს საკმაოდ მაღალი სტანდარტები გააჩნია საპირისპირო სქესთან მიმართებაში. აქედან გამომდინარე მისი რჩეული, ზოგადად ქალისთვის დამახასიათებელი ყველა საუკეთესო თვისების მატარებელი უნდა იყოს. ზომიერად ჭკვიანი, ნაზი, ქალური, მომთმენი (ვერძთან ეს თვისება განსაკუთრებულად საჭიროა!), ტემპერამენტიანი და მიხვედრილი. როგორც წესი, ტიპიური ვერძი ერთგული და მონოგამიური ტიპაჟია, თუმცა თქმა არ უნდა, ვერძებს შორისაც გვხდებიან ისეთებიც რომელთაც ბობოქარი, ბოჰემური ცხოვრება აქვთ და მრავალრიცხოვან საყვარელთა სიაში სათვალავი ერევათ. (ამგვარი რამ მაშინ ხდება, თუ ვერძის პირად რუკაში მორიელის ძლიერი გავლენაა ან მეხუთე-მერვე სახლების ინტენსივობა შეინიშნება), სხვა შემთხვევაში მამაკაც ვერძს,საყვარელი ადამიანის მიმართ განსაკუთრებული, იდეალიზირებული დამოკიდებულება აქვს და აღმერთებს მას როგორც არამიწიერ ქმნილებას მანამ, სანამ ეს უკანასკნელი რაიმე ისეთს არ ჩაიდენს, რაც ვერძის თვალში იდეალის ნგრევას გამოიწვევს. (გამოეცხადება მას თავზე ბიგუდებით, სახეზე ნიღაბწასმული, თავს მოაბეზრებს გამუდმებული ეჭვიანობით, ჭკუის სწავლებით და ა.შ). ვერძების სასახელოდ უნდა ითქვს, რომ ჭკვიანი ქალისთვის ამ ნიშნის კაცთან თანაცხოვრება საკმაოდ მარტივი საქმეა. ჯერ ერთი იმიტომ, რომ მას არ ახასიათებს წყენის გულში ჩადება და მრავალკვირიანი ბუზღუნი საკუთარი უკმაყოფილების გამოსახატავად, ვერძი რასაც ფიქრობს, ყოველთვის პირდაპირ ამბობს, არც ტყუილების თქმა ეხერხება მაინც დ ამაინც დიდად, თუ გარემოება აიძულებს იცრუოს კიდეც, ამას უხალისოდ გააკეთებს და მოკლე დროში, თავადვე წამოაყრანტალებს სიმართლეს თქვენი თანდასწრებით. ხომ ამბობენ, „ტყუილს მოკლე ფეხები აქვსო“, ვერძის ტყუილს განსაკუთრებით მოკლე აქვს ისინი, ან სულაც არ აქვს. ვერძი კაცები, როგორც წესი, მზრუნველობით და ერთგულებით გამოირჩევიან მათ მიმართ ვინც ნამდვილად უყვართ. ამას დაუმატეთ უზომოდ დიდი ტემპერამენტი და გასაოცარი სექუსლურობა და ჩათვალეთ,რომ საკმაოდ გაგიმართლათ, თუკი ცხოვრების მეგზურად ვერძს ირჩევთ, ხოლო ორმაგად გაგიმართლათ მაშინ, თუ მისი სიყვარულის დამსახურება და შენარჩუბნება დიდი ხნით შესძელით.
თუმცა.... სანამ ვარდისფერ ოცნებებში გადაეშვებოდეთ ამ ტექსტის წაკითხვის შემდეგ, მინდა ყოველი შემთხვევისთვის, რამდენიმე საჭირო რჩევა მოგცეთ, რაც ვერძთან თანაცხოვრებისას, აუცილებლად გამოგადგებათ. პირველ რიგში, ნუ დაგავიწყდებათ ის, რომ ვერძი ცეცხლის ნიშანია, ცეცხლთან თამაში კი მოგეხსენებათ, ერთობ სახიფათო საქმეა... აქედან გამომდინარე, არსებობს რამოდენიმე მარტივი წესი, რომლის გათვალისწინებაც ვერძებთან ურთიერთობისას აუცილებელია და კარგი იქნება თუკი თქვენ მათ ზედმიწევნით გაითვალისწინებთ..

პირველი და უმთავრესი წესი არის ის, რომ ვერძთან ურთიერთობისას, სინაზესთან ერთად ხასიათის სიმტკიცეც არანაკლებ უნდა გამოამჟღავნოთ. თუ მასთან, რაიმე საკითხზე კონსესუსის მიღწევა გსურთ, თქვენი მოთხოვნები პირდაპირ, მიკიბ მოკიბვის გარეშე გააცანით და აუხსენით თუ რატომ მიგაჩნიათ, რომ მაინცდამაინც ასე უნდა იყოს და არა ისე როგორც მას სურს.. შანსი იმისა, რომ ვერძი მაშინვე დაგემორჩილებათ და თქვენს ჭკუაზე ცირკის მოთვინიერებული დათვივით გაივლის ნაკლებია ,თუმცა თუკი მასთან მიმართებაში სამართლიანი, გახსნილი და ზომიერი იქნებით, იგი აუცილებლად დაფიქრდება მოგვაინებით თქვენს ნათქვამზე. გაითვალისწინეთ ისიც, რომ ვერძის მეუღლეს მოეთხოვება, პარტნიორს არამარტო ემოციურ-მორალური კუთხით, ფიზიკური და სექსუალური ტემპერამენტითაც შეესაბამებოდეს, რადგან ვერძები ცხელსისხლიანთა კატეგორიას განეკუთვნებიან და შესაბამისად თქვენ ყოველთვის და ყველგან მზად უნდა იყოთ მისი, მყისიერი „მინდას“ დასაკმაყოფილებლად. იმ შემთხვევაში, თუ თქვენი ფსიქო-სექსუალური ტემპერამენტი ერთმანეთთან დისჰარმონიაში მოდის და ამას თქვენი მხრიდან მეუღლეზე მონოპოლიის ან ტვინის ბურღვის მცდელობაც ემატება, ჩათვალეთ რომ ვერძი თქვენთან დიდხანს აღარ გაჩერდება.
ერთი შეხედვით, ჯიუტი და უკომპრომისო ხასიათის მიუხედავად, სინამდვილეში ვერძებს საკუთარ ნაკლოვანებებზე მუშაობა შესანიშნავად შეუძლიათ, თუ აცნობიერებენ, რომ მათ ეს პარტნიორთან ურთიერთობის შესანარჩუნებლად ნამდვილად უღირთ. თუმცა, თუკი თქვენ მისგან ამ ცვლილებების განხორციელებას ძალისმიერი მეთოდებით ან დაჟინებული საქციელით შეეცდებით, დამიჯერეთ შედეგი ზუსტად საპირისპირო იქნება.
ვერძები როგორც წესი საუკეთესო მამები და ოჯახის მეთაურები არიან და უკვე მოწიფულ ასაკში, როცა მათი ცეცხლოვანი ტემპერამენტი შედარებით მშვიდ დინებაში გადაინაცვლებს, ისინი პარტნიორისთვის საუკეთესო მეგობრები და თანამოაზრეები ხდებიან. თუმცა ვერძის პარტნიორის გასაგონად მინდა ვთქვა ისიც, რომ პლანეტა მარსი, რომელიც ზოდიაქოს ამ ნიშნის მმართველად ითვლება, ვერძებში მუდმივმოქმედი ვულკანივით აღვივებს მოუსვენრობას და ფეთქებადსაშიშ თვისებებს. ამიტომ ვერძი, რომანტიული ურთიერთობების კუთხით, მრავალწლიანი კავშირის შემდეგაც კი, როგორც წესი არასოდეს „ქრება“, თუმცა შესაძლოა რაღაც პერიოდი მისი ცეცხლი ოდნავ განელდეს, ისიც პარტნიორის საქციელიდან გამომდინარე, თუმცა ამ შემთხვევაში,კარგი იქნება თუ ვერძის მეწყვილე გაითვალისწინებს ერთ უდაო ჭეშმარიტებას: ანუ იმას, რომ ცეცხლს მუდმივად უნდა დაუმატოს შეშა, რათა მხურვალე კოცონი, მინვლულ ნაკვერჩხლად არ იქცეს და საბოლოო ჯამში სულაც ნაცარი არ შეგვრჩეს ხელში. აქედან გამომდინარე, საკითხი თქვენი ვერძთან ერთობლივი თანაცხოვრების სრულყოფილების შესახებ, პრაქტიკულად თქვენსავე პირომანულ (ლათ. ცეცხლის გაჩენის სიყვარული) შესაძლებლობებზეა დამოკიდებული.