შერეული ანეკდოტები

5 108 ნახვა

ჯადოქარი

კაცი კლდიდან ვარდება და გზადაგზა ბალახს ებღაუჭება. მეორე უყურებს და ეძახის:
- გაუშვი ხელი ბალახს, მე ამოგიყვან.
- კი მაგრამ, როგორ ამომიყვან?
- მე ჯადოქარი ვარ...
კაცმა ბალახს ხელი გაუშვა და უფსკრულში ჩავარდა. მეორემ ჩაილაპარაკა:
- ვაა, ეს ჯადოქრობა ვერაფრით დავამუღამე და რომ არც ვეშვები...

სომხები ზღვაზე

სომეხი დედა-შვილი ზღვაზე:
- ვაიმე დედა, ზვიგენიიი!..
- ნუ გეშინია, შვილო, მამაშენია, ზურგზე ცურავს...

სვანები ტაქსში

ოთხი სვანი აჩერებს ტაქსის.
- გლდანში რამდენად წაგვიყვან?
- 10 ლარად.
ადგილამდე რომ მივიდნენ, მძღოლს 40 ლარი მისცეს.

მიხოს სული

- მიტო, იყავი მიხოს გასვენებაში?
- არა, რა იყო რო?
- რაღა რა იყო, ჯო, იგეთი ხაშლამა გააკეთეს, მიხოს სული მე-60 დღეა, დედამიწიდან არ მიდის!

6-0

ჭიჭიკიამ ესპანეთისა და საქართველოს ახალგაზრდული ნაკრებების თამაშზე დააგვიანა. შეხედა "ტაბლოს" და 6-0 ესპანეთის სასარგებლოდ.
- დიდი ხანია დეიწყო? - ეკითხება გვერდით მჯდომს.
- არა, ახალი დაწყებულია...
- აპა, აგი ბურთები ესპანელებმა გატანილი ჩამეიტანეს?

რაცხა იყო, ამას ხო ჯობდა.

გურული დასტირის მეგობარს:
- ეს რა მოგსვლია, შე საწყალო, არა და, ერთი კვირის წინ რომ გნახე, რა კარგად იყავიიიიი...
მიცვალებულის ცოლი - არ იყო კარგად, არააააააა...
- გუშინწინაც არაფერი გეტყობოდა სასიკვდილო, კარგად იყავიიიი...
ცოლი - არ იყო კარგად არაააააა...
- გუშინაც, ჯოკერს რომ ვთამაშობდით, ისე კარგად იყავიიიი...
ცოლი - არ იყო კარგად არაააააა...
გურული - ე ქალო, მაცალე ტირილი, რაცხა იყო, ამას ხო ჯობდა.

50-ლარიანი

- ექიმო, ჩემ წინ რომ პაციენტი იყო, რა აწუხებდა?
- 50-ლარიანი...

ოქროს თევზი

მიხო თევზაობს. მაროც იქვე დგას და თევზს წვავს. უცებ მიხომ ოქროს თევზი დაიჭირა, მაროს გახედა და გასძახა:
- ჰა, დედაკაცო, შენით წახვალ თუ ვთხოვო?

მაიზერი

მაიზერ, გამოდი, კაცო, აქეთ, დანაღმულია მანდ!
- არ მესმის, რა მითხარი?
- დანიღმულია, გამოდი!
- არ მესმის, ხმამაღლა მითხარი!
ისმის აფეთქების ხმა.
- ხომ ვეუბნებოდი, დანაღმულია-მეთქი, საწყალი მაიზერი...
- არ მესმის, ვინ არის საწყალიო?

ყავა

ახალშერთული ცოლი დილით ნაზად აღვიძებს ჭიჭიკიას:
- ძვირფასო, ყავა ხომ არ გინდა?
- რა თქმა უნდა...
- გავარდი, აბა, სამზარეულოში... მე ორი კოვზი შაქარი ჩამიყარე...

რქები

კაცი ხტება მე-8 სართულის ფანჯრიდან. მეზობელი ეძახის:
- შე ოხერო, რას აკეთებ? ცოლმა რქები დაგადგა, ფრთები კი არა!..

გურულები

ერთი გურული ეუბნება მეორეს:
- თავი ამატკივა ამ არაყმა!
- აპა, ძამა, ას გრამ ჭკუას რომ სამას გრამ ჭაჭას გადაასხამ, კაი დაემართება?!

ბუზი

ქმარი ეუბნება ცოლს:
- ძვირფასო, თავზე ბუზი გაზის.
- შენ გინდა თქვა, რომ ნეხვი ვარ?
- მე არა, მაგრამ ბუზს რას გამოაპარებ...

ცოლ-ქმარი

ცოლი პიანინოზე უკრავს დიდი მონდომებით.
ქმარი:
- ჰო, კარგი, კარგი, გიყიდი იმ კაბას.

ცოლთან ჩხუბი

- თვალი რატო გაქვს ჩალურჯებული?
- საყვარელი ქალის გამო ვიჩხუბე...
- ოჰო! და ვის ეჩხუბე?
- ცოლს...

შენც რაღა გაჭირვებულს უმეგობრდები?

- მამიკო, მეგობარს რომ უჭირდეს, ხომ უნდა დავეხმარო?
- კი შვილო, მაგრამ შენც რაღა გაჭირვებულს უმეგობრდები?

შერეული ანეკდოტები

ასევე ნახეთ