X
  • როგორ უნდა მოვიქცეთ, რომ ფეისბუქზე საყვარელი მამაკაცი არ გავაღიზიანოთ

    მამაკაცებს ხშირად აღიზიანებთ ფეისბუქზე ისეთი რამ, რასაც შეიძლება თქვენ ვერც კი წარმოიდგენდეთ. ამიტომ ეცადეთ მსგავსი საქციელი იშვიათად ჩაიდინოთ და საყვარელ მამაკაცსაც ზედმეტი სანერვიულო არ გაუჩინოთ.

    არ იჩხუბოთ ფეისბუქის მეშვეობით.არაა აუცილებელი ყოველი თქვენი ჩხუბის შესახებ დაწვრილებით იცოდეს მთელმა ფეისბუქმა, ან სულაც პირდაპირ სოციალურ ქსელში გამართოთ დავა და იკამათოთ, ვინ მართალია და ვინ არა. ეს მხოლოდ თქვენ ორს გეხებათ და აუცილებელი არაა ჩხუბის ფეისბუქზე აფიშირება.

    ძირითადად მამაკაცებს არ აინტერესებთ, თუკი ფეისბუქის მეგობრებში ისეთი ადამიანი გყავთ, რომელსაც 15 წლის წინ გხვდებოდათ და მისი არსებობის შესახებ საერთოდ დაგავიწყდათ, მაგრამ თუკი თქვენი ექსი, რომელსაც ცოტა ხნის წინ დაშორდით და ახლა აქტიურად გილაიქებთ ფოტოებს, გიწერთ კომენტარებს და სხვადასხვა კომპლიმენტებს გიკეთებთ, ისევ მეგობრებში გყავთ, ეს ნებისმიერ მამაკაცს გააღიზიანებს და ნუ გაგიკვირდებათ.

    თუკი თქვენ სულ ახლახანს დაიწყეთ ურთიერთობა და ცოტა ხანია ერთმანეთს ხვდებით, არაა აუცილებელი სახალხოდ შეიცვალოთ relationship status და 100 ფოტოზე დათაგოთ სასიყვარულო კომენტარებით. ის უბრალოდ იფიქრებს, რომ თქვენ ძალიან ჩქარობთ, ასეთ დროს კი სიჩქარე არცერთ მამაკაცს არ ხიბლავს.

    უაზრო კომპლიმენტები - მაგალითად თუკი მან ყვავილები გამოგიგზავნატ სამსახურში, თქვენ შეგიძლიათ თაიგულთან ფოტო გადაიღოთ და შემდეგი კომეტრაით დადოთ ფეისბუქზე "მე მიყვარს ჩემი ბიჭი", მაგრამ არა "ამდენხნიანი ახსნებისა და შეგონებების შემდეგ, როგორც იქნა მიხვდა და სამსახურში ყვავილები გამომიგზავნა ჩემმა ბიჭმა". მსგავსი კომენტარები საშინლად გამაღიზიანებელია.

    სიყვარულის აფიშირება სხვადასხვანაირი ფორმით. მაგალითად ყველა მის ფოტოზე წარწერით "ჩემი ბაჭია" "ჩემი დათუნია" და მსგავსი საალერსო სიტყვები. მისი კედლის აჭრელება სხვადასხვა სასიყვარულო, გულებიანი ფოტოებით და სასიყვარულო სიმღერების დაპოსტვა. ყურადღება და სიყვარული შეგიძლიათ უბრალო სმს-ის ან ზარის მეშვეობით გამოხატოთ.

    4 345 ნახვა
    GOGATV