კრისტენ სტიუარტისა და რობერტ პატინსონის დაშორებაში კეტი პერის ადანაშაულებენ

"Twilight"-ის ცნობილი ვარსკვლავები - კრისტენ სტიუარტი და რობერტ პატინსონი კვლავ დაშორდნენ ერთმანეთს

მათი ხანგრძლივი რომანის განმავლობაში ბევრი იყო ჩხუბი და შერიგება, თუმცა ახლა როგორც ჩანს, საქმე უფრო რთულადაა - ამერიკული ტაბლოიდები აქტიურად წერენ ბრიტანელი მსახიობის ახალ რომანზე მომღერალ კეტი პერისთან.

ისინი ცოტა ხნის წინ ლონდონში, ერთ-ერთი საერთო მეგობრის ქორწილში შენიშნეს. როგორც წყარო იტყობინება: "კეტის და რობერტს ისედაც დიდი ხანია მოსწონთ ერთმანეთი. როდესაც ახლა მსახიობი საბოლოოდ დაშორდა სტიუარტს, მათ ალბათ მიეცემათ საშუალება ერთმანეთი უკეთ გაიცნონ..."

პატინსონის გულშემატკივრები ისედაც დიდი ხანია სდებენ ბრალს ამერიკელ მომღერალს "თვაილაითის" სუპერ-წყვილის განშორებაში, თუმცა როგორც ცნობილია, წყვილს ადრეც ბევრი პრობლემა ჰქონდა და მათი ურთიერთობა ყოველთვის ბურუსით იყო მოცული.

აღნიშნულ ჭორთან დაკავშირებით კომენტარს არცერთი მხარე არ აკეთებს, შესაბამისად ჩვენ ისღა დაგვრჩენია, მოვლენების განვითარებას დაველოდოთ.