ჯენიფერ ლოპესი მეოთხედ აპირებს გათხოვებას

43 წლის ამერიკელმა მომღერალმა და მსახიობმა გამოაცხადა, რომ ისევ სურს გათხოვება. რასაკვირველია, ლაპარაკია მის ბოლოდროინდელ ბოიფრენდზე, 25 წლის მოცეკვავე კასპერ სმარტზე. კასპერი ჯეი ლოს მუდმივად გვერდით ჰყავს და მის შვილებთანაც შესანიშნავად გრძნობს თავს.

''თვით ქორწინების იდეა ძალიან მხიბლავს. და ვერც ერთი გოგონა ვერ იტყოდა ასეთ ზღაპარში მონაწილეობაზე უარს'', - განაცხადა ჯენიფერმა, რომელიც 40-ს გადასცდა, მაგრამ კვლავ პატარა გოგონად მიაჩნია თავი.

ადრე ამბობდა, რომ ძალიან ბედნიერია კასპერის გვერდით: ''ის საოცარი ვინმეა. მართლა ძალიან საყვარელია. მეტისმეტად ბევრს ვერ ვილაპარაკებ ჩვენს ურთიერთობაზე. ეს პირადია''.
გასული წლის ბოლოს კასპერმა ჯეი ლოს ბრილიანტისთვლიანი თეთრი ოქროს ბეჭედი აჩუქა, თუმცა ამას არავითარი კომენტარი არ მოჰყოლია. ჯენიფერმა კი ისიც თქვა, რომ მეტი ბავშვის გაჩენა სურს. ასე რომ, კასპერს ალბათ მოუწევს დაოჯახებაზე ფიქრი.

ჟურნალი ''რეიტინგი''