მირანდა ქერის სიყვარულის ისტორია
ორლანდო ბლუმი და მირანდა ქერრი ერთმანეთს დაშორდნენ!» — ჰოლოვუდის ერთ-ერთი ყველაზე ლამაზი წყვილის დაშლის შესახებ ჭორები იმდენად ხშირად ვრცელდება, რომ ბლუმების ოჯახი ამას უკვე აღარ აქცევს ყურადღებას. რა თქმა უნდა თითეოულ მეუღლეს ჰყავს თავისი თაყვანისმცემლები, რომლებიც ოცნებობენ ნახონ ორლანდო და მირანდა “თავისუფლების” რიგებში. მაგრამ საკმარისია ნახო ამ ბედნიერი წყვილის ფოტოები, რომ გაიგო: თუ ოჯახში არის კრიზისი, ბლუმი და ქერრი მას წარმატებით უმკლავდებიან. გარდა ამისა, მირანდა ხალისით უზიარებს გარშემომყოფებს “ანტიკრიზისულ რეცეპტს”, რომელიც მემკვიდრეობით ბებიასგან მიიღო: «ჩემი ბებია ამბობს, რომ უნდა გვახსოვდეს- მამაკაცს უყვარს თვალებით. ის გვირჩევს, რომ ყოველდღიურად უნდა მოვუაროთ თავს, გავიკეთოთ მსუბუქი მაკიაჟი და ვატაროთ ეროტიული თეთრეული. და მაშინ ქმარი თქვენ ვერსად გაგექცევათ».
მირანდამ ბავშვობა გაატარა ავსტრალიაში, პატარა ქალაქ განედაში. ის იზრდებოდა ფერმაში, ისეთ პირობებში, სადაც ბავშვებს ადრეული ასაკიდან რთავენ შრომაში, რადგან დამატებით ორი ხელი ზედმეტი არ არის. ასე მირანდამ ისწავლა მოტოციკლის ტარება და ცხენზე ჯირითი. მოგვიანებით ის აღიარებს, რომ ბევრი რამ ასწავლა ავსტრალიაში ცხოვრებამ: «არავის არაფრად ადარდებს რა ტანსაცმელს ატარებ შენ. შეგიძლია იყო ისეთი, როგორიც ხარ.»
მისი სამოდელო კარიერა დაიწყო 13 წლისას, როცა მან გაიმარჯვა Dolly Magazine/Impulse Model-ის კონკურსში. ამის შემდეგ გოგონა მოიწვიეს ფოტოგადაღებაზე ჟურნალი Dolly-სთვის. მაშინ მოეწყო სკანდალი: ფოტოები, რომლებზეც მირანდა საცურაო კოსტიუმში იყო ჩაცმული, ბევრმა ბავშვთა პორნოგრაფიად ჩათვალა. მაგრამ ქერრმა დამსახურებულად უკან დაახევინა კრიტიკებს, განაცხადა, რომ მისი ფოტოები განათავსეს სწორედ მოზარდი გოგონების ჟურნალში და არა მამაკაცების. და თუ ასეა ამაში არაფერია გასაკიცხი!
მალე მირანდამ ხელი მოაწერა კონტრაქტს სამოდელო სააგენტო Chic Management-თან და დაიწყო თანამშრომლობა ავსტრალიურ სპორტულ ბრენდთან Billabong-თან. მისი პოპულარობა დღითი-დღე იზრდებოდა. რამდენიმე ხნის შემდეგ მირანდა საცხოვრებლად გადადის ნიუ-იორკში, სადაც მონაწილეობს ტანსაცმელის პოპულარული მარკების რეკლამაში. მაგრამ ყველაზე წარმატებული აღმოჩნდა მუშაობა ქალის თეთრეულის ბრენდის Victoria’s Secret-თვის. მირანდა გახდა პირველი ავსტრალიელი მოდელი, რომელმაც მონაწილეობა მიიღო ამ ბრენდის სარეკლამო კამპანიაში.
«აშშ-ს შეუყვარდა ის, — ამბობს მასზე ცნობილი ფოტოგრაფი რასელ ჯეიმსი. — ჩვენ გვიყვარს ის “მეზობელი გოგოს” საოცარი იმიჯის და არამიწიერი სილამაზის გამო. ეს ნიშნავს, რომ მისი სილამაზე არ აშინებს ქალებს, და ბიჭები იმედოვნებენ, რომ მასთან დალაპარაკებას შეძლებენ. ფანტასტიური თანხვედრაა!»
სწრაფი აფრენა
ბლუმთანაც წარმატება საკმაოდ ადრე მოვიდა. თუმცა ბავშვობაში რთული იყო წარმოგედგინა, რომ ეს მორიდებული ბრიტანელი გახდებოდა ქალთა გულთამპყრობელი. ორლანდო იტანჯებოდა დისლექციით (კითხვის უნარის დარღვევა), რის გამოც ხშირად ხდებოდა დაცინვის ობიექტი. როგორც კი ეს შეიტყო დედამისმა,უფრო მეტი დროს უთმობდა მასთან მეცადინეობას, ახალისებდა მისი ხელოვნებისადმი ინტერესს, ყოველთვის ესწრებოდა მისი მონაწილეობით სასკოლო დადგმებს.
სკოლის შემდეგ ბლუმი გარკვეული დრო თამაშობდა ახალგაზრდთა ნაციონალურ თეატრის სცენაზე, შემდეგ სწავლობდა დრამატული ხელოვნების ბრიტანულ-ამერიკულ აკადემიაში. მან მალევე გაიჩინა საკუთარი აგენტიც და მიიღო პირველი როლი ფილმში. ფილმში “უაილდი” ის გამოჩნდა ეპიზოდური როლით… მსუბუქი ნებისყოფის მქონე ვაჟად. როლი რა თქმა უნდა არ იყო მნიშვნელოვანი, მაგრამ გამოცდილება ისეთ მსახიობებთან თამაშით, როგორებიცაა ჯუდ ლოუ და სტივენ ფრაი, იყო ფასდაუდებელი!
მალევე ბედმა ყველაზე მეტად თვალისმომჭრელი ღიმილით დააჯილდოვა ის. “ბეჭდების ბრძანებლის” რომანის მოსალოდნელი ეკრანიზაციის შეტყობისთანავე, ბლუმმა გაიარა კასტინგი, მაგრამ არა ფარამირის როლზე, როგორც თავიდან იგეგმებოდა, არამედ ელფი ლეგოლასის როლზე. როგორც შემდეგ ირონიით იხსენებს ბლუმი: «თუ იქნებოდი დაბალი, აგირჩევდნენ ჰობიტის როლზე, თუ მაღალი- ადამიანის, თუ უცნაური შესახედაობის- ელფის როლზე».
«უცნაურმა როლმა» მაშინვე აიყვანა მსახიობი ვარსკლავურ ოლიმპზე. ბლუმს იწვევდნენ ისეთ ფილმებში, რომლებშიც მონაწილოება აქამდე შეიძლებოდა მხოლოდ გეოცნება. «კარიბის ზღვის მეკობრეები», «ტროა», «ზეციური სამეფო» და სხვა ფილმები გახდა მისი სავიზიტო ბარათი. როგორც იქნა მას შეეძლო დაევიწყა ბავშვობის დროინდელი კომპლექსები, თაყვანისმცელებისგან დაღწევა იყო შეუძლებელი. თაყვანისმცელები კი არა, ამბობენ, რომ ბლუმს ჰქონდა რომანი ბევრ ცნობილ ქალთან, რომლებთა შორის არის პენელოპა კრუსი და კირსტენ დანსტი. მაგრამ ერთადერთი “სერიოზული” გატაცება იყო ურთიერთობა ქეით ბოსუორთთან. ისინი ერთმანეთს ხვდებოდნენ თითქმის ოთხი წელი და დაშორდნენ ერთმანეთს “ურთიერთობის უკმარისობის” გამო. გადასაღები გრაფიკები საკმაოდ ცოტა დროს ტოვებდა რომანტიკისათვის. სამაგიეროდ განშორების შემდეგ ორლანდომ იპოვა თავისი პირველი სიყვარული.
სიკეკლუცე და სიმტკიცე
ბლუმი და ქერრი ერთმანეთს შეხვდნენ 2006 წელს მოდის ჩვენებაზე, ერთი წლის შემდეგ კი მათ დაიწყეს შეხვედრები, ამასთან მირანდას სიტვებით, მსახიობს ის გულში ჩაუვარდა პირველივე ნახვისთანავე. მირანდა დიდხანს ორჭოფობდა, პოპულარულ მსახიობთან შეხვედრები არ აღაფრთოვანებდა მას. მაგრამ ბლუმის სიმტკიცემ ყველანაირი დაბრკოლება გადალახა. «შესაძლოა, მას ასე იმიტომ უნდოდა ჩემი დაპყრობა, რადგან ეს შეუძლებელი ეგონა», — კეკლუცად ჰყვება მირანდა მათი სიყვარულის ისტორიას.
ისინი დიდხანს მალავდნენ მათ ურთიერთობებს. წყვილი ხვდებოდა ერთმანეთს უკვე თითქმის ერთი წელი, როცა გამოქვეყნდა მათი პირველი ერთობლივი ფოტო. ამ დროისთვის მირანდამ უკვე გააცნო რჩეული მშობლებს. «ის კარგი ბიჭია, წინააღმდეგ შემთხვევაში მირანდა მას არ შეხვდებოდა», — გამოიტანა ვერდიქტი მირანდას ბებიამ.
შეყვარებულებმა დაიწყეს გამოჩენა საჯაროდ, მაგრამ გულმოდგინედ იცავდნენ მათ პირად ცხოვრებას თაყვანისმცემლებისგან და პაპარაცებისგან. მირანდა ხშირად ჩიოდა, რომ ბლუმის თაყვანისმცლები ხშირად კარავებს დგავენ მათი სახლის წინ და მართავენ მორიგეობას, რომ ნახონ მათი ფავორიტი ერთი თვალით მაინც. 
საიდუმლო და აშკარა
ამ მიზეზით მირანდას და ორლანდოს ქორწილი გაიმართა უმკაცრესი საიდუმლოების რეჟიმში. მცირე ცერემონიაზე ლოს-ანჯელესში მოწვეულ იქნა ყველაზე ახლო ნათესავები და მეგობრები. სულ ტყუილად თაყვანისმცემლები ელოდებოდნენ დეტალებს და ფოტოებს ამ წვეულებიდან. მაგრამ ქორწინების შემდეგ წყვილმა მაინც ვერ დამალა მათი ყველაზე დიდი საიდუმლო- მეუღლეები ელოდებოდნენ მომატებას. პატარა კრისტოფერ ფლინნი ბლანშარ კოუპლენდ ბლუმი დაიბადა 2011 წლის იანვარში. ამ დროს 28-წლის მოდელმა გახსნა მისი გულის საიდუმლო. ჯერ კიდევ სკოლაში ის შეყვარებული იყო თანაკლასენ კრისტოგერ მიდდლბრუკზე, ის დაიღუპა ავიაკატასრტოფის შემთხვევად. მასზე მირანდა წერდა ავტობიოგრაფიულ წიგნში Treasure Yourself: «ჩვენ ვიცნობდით ერთმანეთს ორი წელიწადი, მე ახლად წასული ვიყავი განნედიდან და ბრისბენში გადავდიოდი როცა ის დაიღუპა. მე ვიგრძენი, რომ ჩემი სამყარო იყო დაშლილი. მიუხედავად იმისა, რომ ჩვენ ვიყავით ახალგაზრდები, მუდმივად ვსაუბრობდით იმაზე, რომ ცხოვრებას ერთად გავატარებდით. მე ვიგრძენი, რომ ჩემი გული უბრალოდ გამომგლიჯეს მკერდიდან, და მე არ ვიცოდი რა უნდა გამეკეთებინა. კრისის სიკვდილმა მაჩვენა, რომ ადამიანები, რომლებიც ეკიდებიან ჩვენს ცხოვრებას, რჩებიან მასში სამუდამოდ. მან მასწავლა, რომ მე მაქვს არჩევანი: ვიყო მადლიერი იმ დროისთვის, რაც გავატარე მასთან, თუ მუდმივად ვტიროდე მისი დაკარგვის გამო». მაშინ მან მიიღო გადაწყვეტილება დაერქვა ვაჟიშვილისთვის მისი სახელი. ორლანდომ გაგებით მიიღო მისი გადაწყვეტილება! 
მშობიარობის დროს ორლანდო არ ტოვებდა მეუღლეს. მიღებული გამოცდილების შესახებ ახალგაზრდა მშობლები უფრო მეტი ხალისით გვიამბობენ, ვიდრე ქორწინებაზე, რადგან მირანდას უნდოდა დაერწმუნდა ქალბატონები, რომ ბუნებრივი მშობიარობა სულაც არ არის საშიში!
«მე გადავწყვირე მშობიარობა წამლების, ეპიდურალური ანესთეზიის, ყველაფრის გარეშე…- იხსენებს მირანდა. – მახსოვს, მე გადავხედე ორლანდოს და ვუთხარი: «ოჰ საყვარელო»… მან კი მითხრა: «გამიკეთეთ ანესთეზია მე! თუ მას არ უნდა გაუტკივარება, მე მინდა მისი მიღება, რადგან მე არ მინდა მისი ტკივილის დანახვა». პატარა ფლინნი საკმაოდ დიდი ბავშვი დაიბადა, მაგრამ, საბედნიეროდ ყველაფერმა კარგად ჩაიარა, და მშობლები შეძლებენ მათვის ახალი, მშობლის როლით სიამოვნებას.
ტანადობის და ბედნიერი ქორწინების საიდუმლო
მართალია, ახალგაზრდა მშობლებს მოუხდათ გარკვეული დრო შეგუება ახალ სტატუსთან. მიუხედავად იმისა, რომ ბლუმი და მირანდა ძალზედ გახარებული იყვნენ ვაჟის დაბადებით, მათ შორის მოხდა რამდენიმე უთანხმოება. მირანდას არ მოსწონდა, რომ მეუღლე დიდხანს იკარგება გადაღებებზე. «მშობლების კრიზისი» — ვის არ მოუხდა მისი გადატანა?! შექმნილი ურთიერწინააღმდეგობა მალევე დარეგულირდა, ორლანდომ დაპირდა ოჯახს უფრო მეტი დროის დათმობა: «როცა შენ გიჩნდება შვილი, ყველაფერი, რასაც მანამდე თვლიდი მნიშვნელოვნად, მოულოდნელად გადადის მეორე პლანზე».
მირანდა კი, ბებიის ბრძნული რჩევის ხსენებით, დაიწყო საკუთარ ფიგურაზე აქტიური მუშაობა. მშობიარობიდან სამი თვის შემდეგ ის ბიკინით გამოვიდა და დემონსტირება გაუკეთა იდეალურად ბრტყელ მუცელს. მოდელი სიამოვნებით ყვება, თუ ჩადგა ფორმაში: «მე ძალიან გულმოდგინედ ვაკვირდები ჩემს ჯანმრთელობას. და ვფიქრობ, რომ მთლიანობაში თუ ჯანმთელი ხართ, მაშინ არ არსებობს საფუძველი უარი თქვათ რომელიმე კერძის მიღებაში. მართალაც ყოველივე ჩვენსგანმა უნდა იცოდეს რომელი ტანვარჯიში დაეხმარება მას ზედმეტი წონის დაკლებაში». ის ასევე გვიყვება ქოქოსის ზეთის სარგებლობაზე, რასაც ამატებს ყველგან, კერძებშიც კი. მაგალითად, ორლანდოს საყვარელი კერძია- წიწილა, ქოქოსის ზეთში, ნივრითა და ხახვით.
და მაინც მთავარი საიდუმლო კარგი ფორმისა არის- თავდაჯერულობა და იმის გაცნობიერება, რომ შენ ვიღაცას უყვარხარ. მირანდა აღიარებს, რომ ახლა ის სრულიად ბედნიერია. ის იმ დედებს შორისაა, ვინც თვლის, რომ შვილი ყოველთვის უნდა იმყოფებოდეს მშობლებთან. შვილთან ერთად ბლუმის ოჯახი თავისუფლად გადაადგილდება მსოფლიოს გარშემო, დადის წვეულებებზე და სპორტულ შეჯიბრებებზე. «ახლა ჩვენ უბრალოდ ვნებირვრობთ ფლინთან ყოფნით. ის როგორც სიყვარულის ნაერთია, ის ისეთი საოცარია», — ამბობს მირანდა.
როცა მას ეკითხებიან წარმატებული ქორწინების შედეგს, ის ამბობს, რომ ეს არის- ურთიერთობა და ერთგულება.«მე ერთგული ადამიანი ვარ, — პასუხობს ორლანდო ერთ-ერთი ჟურნალისტის კითხვას. და მართლაც საკმარისია ამ ორი ადამიანის ერთად გადაღებული ფოტოები ნახო, მაშინვე გაიგებ თუ რა იდილია სუფევს მათ ურთიერთობაში.
ბლოგბრელოკი დღეგრძელ სიყვარულს და ბედნიერებას უსურვებს ამ ლამაზ წყვილს!
