სავაშის სიყვარულით ქუთაისელმა ქალებმა თურქულ მაღაზიაში ყველაფერი დაიტაცეს
ქუთაისში, ცოტა ხნის წინ, ჭავჭავაძის გამზირზე გახნილ თურქულ მაღაზიას ქუთაისელი ქალბატონები არ სცილდებიან.
მაღაზიაში ქალბატონები თურქული სერიალის "სიყვარული და სასჯელი" მთავარი გმირის სავაშ ბალდარის სიყვარულით დადიან. რადგან, ჭავჭავაძის გამზირზე გახსნილ მაღაზიას სწორედ სავაშის სახელს უკავშირებენ.
„ამბობენ, ამ მაღაზიის მეპატრონე სავაშია. ეს რომ ქუთაისელმა ქალბატონებმა გაიგეს, მაღაზიიდან ყველაფერი დაიტაცეს. გახსნის დღიდან ამ მაღაზიას ქალბატონები სავაშის სიყვარულით ამუშავებენ. მაღაზია დიდ მოგებაზეა,“ – ყვებიან ქუთაისში.
თავად მაღაზიის მეპატრონეები ამ ინფორმაციას ქუთაისურ იუმორს უკავშირებენ და სავაშთან კავშირს უარყოფენ.
სავაშის სახელი თურქულენოვანი სერიალის "სიყვარული და სასჯელი" დაწყების დღიდან საქართველოში აქტუალურია. სერიალის მთავარმა გმირმა ბოლო პერიოდში, ყველა თაობის ქართველი მაყურებლის გული დაიპყრო. „სავაშ ბალდარი თანამედროვე მამაკაცის იდეალი და ქალბატონების ნამდვილი გულთამპყობელია. ის ნამდვილი მამაკაცია" - ერთხმად აცხადებენ მაყურებლები.
