მოდური შარვლები - ზაფხული 2013

მიუხედავად იმისა, რომ ზაფხულში ქალბატონების უმრავლესობა ამჯობინებს უფრო ხშირად კაბა ჩაიცვას, შარვალი საზაფხულო გარდერობის აუცილებელ ნივთად რჩება, რომელიც ნებისმიერ სიტუაციაში გამოგადგებათ.

გთავაზობთ საზაფხულო შარვლების ძირითად ტენდენციებს.

boy-friend- ჯინსი

ფართო ჯინსები დაბალი წელით მამაკაცების გარდერობიდან არის გადმოღებული და მიმდინარე სეზონზე მეტად პოპულარულია,

ქვევით აკეცილი და შიგადაშიგ გაცრეცილი ჯინსი შესანიშნავად შეეხამება კლასიკურ ქუსლებს და ე.წ. "ბალეტკებსაც.

პიჟამა-შარვლები

თხელი ჰაეროვანი ქსოვილისგან შეკერილი ფართო შარვლები გამოდგება როგორც ქალაქში სასეირნოდ, ასევე თბილ ქვეყნებში დასასვენებლად. ასეთი შარვლები მეტად კომფორტული, მოსახერხებელი და პრაქტიკულია. ნახატებიანი პიჟამა-შარვლები შესანიშნავად შეეხამება როგორც დაბალძირიან, ასევე პლატფორმა სანდლებს.


Karen Walker

skinny-ჯინსი

ტანზე მომდგარი ვიწრო ჯინსები უკვე მოდურ კლასიკად გადაიქცა. შეგიძლიათ აირჩიოთ ჯინსი სხეულის ფორმის გათვალისწინებით, დაფაროთ ნაკლი და ხაზი გაუსვათ ღირსებას, კარგად დააკვირდით თარგს, ფერს და ფურნიტურას. ვიწრო ჯინსი შეგიძლიათ შეუხამოთ ტოპს, ბლუზას ან ფართო ტუნიკას.

დამოკლებული შარვლები

შარვალი კოჭის მაღლა სიგრძით იერსახეს რეტრო-ხიბლს და ელეგანტურობას ანიჭებს. დამოკლებული შარვლები შეგიძლიათ შეუხამოთ კლასიკურ ნავისებურ-ცხვირიან ფეხსაცმელს ან "ბალეტკებს, როგორც მაგ. ლეგენდარული ოდრი ჰეპბერნის სტილში. შარვლის თარგი კლასიკური უნდა იყოს, შარვალზე ზოლები კიდევ უფრო მოდური ვარიანტია. განსაკუთრებით ეფექტურია ქვევით ოდნავ დავიწროვებული ვარიანტი.

შავი ფერის შარვლები კლასიკურ სტილს მიეკუთვნება-ის გარდერობის საბაზო ელემენტი გახლავთ, როგორც მოკლე შავი კაბა. შარვალი ეხამება ყველანაირ სტილს-ბლუზასთან ის მკაცრ და თავშეკავებულ იერს ქმნის, მაისურთან კი თავისუფალი სტილის მაჩვენებელია. წლევანდელ ზაფხულს შავი შარვალი შეუხამეთ ნეონისფერ ფეხსაცმელს და მაისურს.


ნახატებიან (პრინტებიანი) შარვლებს ნეიტრალური ზედა სამოსი შეუხამეთ. ნახატი შარვალზე შეიძლება სრულიად განსხვავებული

იყოს-ეთნიკური მოტივები, ყვავილები, ლეოპარდის პრინტი..

ქუსლებიან სანდლებთან ნახატიანი შარვლები მეტად მიმზიდველად გამოიყურება და ამგვარად წვეულებაზე წასვლასაც შეძლებთ.

Just Cavalli

Diesel

კაშკაშა ფერის შარვლები

ერთფეროვანი კაშკაშა შარვლები კი სეზონის კიდევ ერთი ჰიტია. ყველაზე მოდური ფერია-ყვითელი, ლურჯი, იისფერი და მარჯნისფერი... ნეონისფერი შარვლები დაგეხმარებათ ე.წ.

"color-block" სტილის შექმნაში.

Gucci

Paul Smith


შარვალი საფარის სტილში

საფარის სტილი არასდროს გადადის მოდიდან, განსაკუთრებით აქტუალური კი თბილ სეზონებზეა, ამიტომ ღია-კანისფერი შარვლები გახდება შესანიშნავი შენაძენი თქვენი გარდერობისთვის. კომპლექტი "ღია ფერის შარვალი+თეთრი ბლუზა" მშვენიერი საზაფხულო ანსამბლია როგორც ოფისისთვის, ასევე სეირნობისთვისაც.