მსოფლიოს საუკეთესო თვალების, ცხვირისა და ფეხების მფლობელები

რა ხიბლავთ ვარსკვლავებში უბრალო ქალებს? ცოტა ხნის წინ ჩატარებული გამოკითხვის შედეგად გაირკვა, ვისი ფეხებით, თვალებით თუ თმით არიან აღფრთოვანებული ქალები.
ბრიტანეთში ჩატარებულ გამოკვლევაში, რომელიც პროდუქტების მსხვილმა ქსელმა ''მორისონსმა'' დაუკვეთა, 2000-მა ქალმა მიიღო მონაწილეობა.
გამოკითხვა მიზნად ისახავდა არა მხოლოდ იმის გარკვევას, ვის სურთ, ჰგავდნენ თანამედროვე ქალებს, არამედ იმისაც, რის გასაკეთებლად არიან მზად საამისოდ. მაგალითად, მზად არიან
თუ არა, ფიზიკურ დატვირთვას დაუთმონ მეტი დრო და გადახედონ კვების რეჟიმს.
მაშ ასე, ნისლიანი ალბიონის მცხოვრებ ქალბატონთა აზრით, ქალები მზად არიან დიდი მსხვერპლი გაიღონ, ოღონდაც ჰქონდეთ ბიონსეს მსგავსი ფეხები, ჯესიკა ენისის შესანიშნავი მუცლის პრესი და კელი ბრუკის წელი.
ცნობილი ქალბატონების სწორედ ამ სხეულის ნაწილებს მიიჩნევენ უზადოდ. მათი 61% კი ამბობს, რომ ასეთი სილამაზის გამო მზად არის დიეტა დაიცვას და ეცადოს, ჯანსაღი საკვებით იკვებოს, რომელსაც სწორედ ზემოაღნიშნული პროდუქტების მწარმოებელი ქსელი სთავაზობს.

გამოკითხულმა ქალებმა აღნიშნეს სხვა ვარსკვლავების სხეულის სხვა ეფექტური ნაწილებიც. მაგალითად, მათ აღაფრთოვანებთ ნიკოლ შერზინგერის თვალები, კეტრინ ჯენკინსის თმა, ბრიტანეთის პრემიერ-მინისტრის მეუღლის სამანტა კემერონის ცხვირი.

ჟურნალი ''რეიტინგი''