კეტი პერი და ჯონ მაიერი მეოთხედ შერიგდნენ

პრესა წერს, რომ ჯონ მაიერი და კეტი პერი კვლავ შერიგდნენ. წყვილი უკვე სამჯერ დაშორდა, თუმცა, მომღერალმა 35 წლის ჯონს შანსი მეოთხედ მისცა. მართალია, მაიერი კეტისთან განშორების შემდეგ ინტერვიუებში აღნიშნავდა, რომ პერის გარეშე თავს კარგად გრძნობდა და ურთიერთობის განახლებას დანამდვილებით არ აპირებდა, მაგრამ მიმდინარე წლის მარტის შემდეგ, როგორც ჩანს, ბევრი რამე შეიცვალა და ის უკვე საყვარელი ქალის სახლთან პირადი ნივთებით ხელში შენიშნეს. წყვილმა ურთიერთობა მას შემდეგ დაიწყო, რაც პერი 2012 წელს მეუღლეს, რასელ ბრენდს გაეყარა.