ქეთა თოფურიასა და ლევ გეიხმანის ვნებიანი ზაფხულის ამსახველი კადრები
ვარსკვლავებს უყვართ, თაყვანისმცემლების გასახარებლად პირადი ცხოვრების ფოტოების საქვეყნოდ გამოაშკარავება, თუმცა ეს არ არის დამახასიათებელი ქეთასთვის. მომღერალს არ უყვარს პირადი ცხოვრების აფიშირება და მან მხოლოდ ახლახან დაადასტურა მოარული ხმები მისი პირადი ცხოვრების დეტალების, კერძოდ კი, ბიზნესმენ ლევ გეიხმანთან ურთიერთობისა და მოსალოდნელი ქორწილის შესახებ.
"ვფიქრობ, რომ ჩემი პირადი ცხოვრება საზოგადოებას არ ეკუთვნის. საქართველოში ამბობენ: "სიყვარულსა მალვა უნდაო". ჩვენც ვეცადეთ, ბოლო მომენტამდე დავმალულიყავით", - განუმარტავს მომღერალი ჟურნალს OK-ს თავისი ამდენი ხნის დუმილის მიზეზს.
როგორც ჩანს, ქეთა აჰყვა საყოველთაო ტენდენციას და პირადი ცხოვრების დემონსტრირება გადაწყვიტა – მან თაყვანისმცემლებს ლევთან ერთად გატარებული რომანტიკული მოგზაურობის ამსახველი კადრები წარუდგინა. კადრები ნათლად ასახავს, რომ წყვილი უზომოდ შეყვარებულია და ეგზოტიკურ კურორტზე (მომღერალი არ აკონკრეტებს, რომელზე) ისინი გრძნობებს არ მალავენ. ქეთა შესანიშნავ ფიზიკურ ფორმაშია და არც ამას მალავს – საცურაო კოსტიუმში ის არაჩვეულებრივად გამოიყურება.
შეგახსენებთ, რომ ერთ-ერთ ინტერვიუში ქეთამ აღნიშნა, რომ მან საქმრო საერთო მეგობრებისგან გაიცნო, თუმცა, მომღერლის თქმით, მათი რომანტიკული ურთიერთობა გაცნობიდან ერთი წლის შემდეგ დაიწყო. ქეთამ ასევე გაამხილა, რომ გეიხმანმა ძალზედ ორიგინალურად სთხოვა ხელი, თუმცა არ დააკონკრეტა, როგორ.
ამჯერად ქეთა და მისი ბიზნესმენი საქმრო ქორწილისთვის ემზადებიან, თუმცა ქორწილის თარიღს და იმას, თუ სად გაიმართება ცერემონიალი, არ ამხელენ.
