ანჯელინა ჯოლიმ სირიელი ლტოლვილები მოინახულა

ანჯელინა ჯოლი ცოტა ხნის წინ საქველმოქმედო მისიით იორდანიას ეწვია, სადაც სირიიდან გამოქცეულ ლტოლვილებს შეხვდა. სირიის ხელისუფლებისა და ქვეყნის ოპოზიციის შეტაკებების შედეგად, სამშობლო ნახევარ მილიონზე მეტმა ადამიანმა დატოვა. ხალხის ნაკადი დღითი დღე იზრდება. გაერთიანებული ერების ორგანიზაცია ლტოლვილთა დიდი რაოდენობის გამო, იორდანიის ტერიტორიაზე მყოფი დევნილი ბავშვების გადარჩენის გარანტიებს აღარ იძლევა. ანჯელინა ჯოლი იძულებით გადაადგილებულ პირთა ბანაკს ესტუმრა, რათა მსოფლიოს ყურადღება იორდანიაში არსებული პრობლემებისკენ მიეპყრო. მოგვიანებით, მსახიობმა ლტოლვილთა გზავნილი „გაეროს“ უმაღლეს კომისარს დევნილთა დარგში, ანტონინ გუტიარეშს გადასცა.