ჯენიფერ ლოპესი გასტროლების დროს ტყავის უნიტაზს ითხოვს, რობი უილიამსი კი - ცოცხალ მაიმუნს

მსოფლიოში ყველაზე მომთხოვნ ვარსკვლავად ჯენიფერ ლოპესი ითვლება. ლათინოამერიკული წარმოშობის მომღერალს ყველაზე უცნაური მოთხოვნები აქვს, მაგალითად - ბრილიანტებით მოოჭვილი ყურსასმენები, პერსონალური პლაჟი და უნიტაზის ტყავის სავარძელი. ლოპესმა ზუსტად იცის, რა შეეფერება პრინცესას!

გარდა ამისა, ჯენიფერი ყოველ ჯერზე ითხოვს, მისი ხასიათის შესაბამისად გადაღებონ სასტუმროს ნომრის კედლები.

მომთხოვნ ვარსკვლავებში მეორე ადგილზე მერაია ქერია, რომლის აუცილებელ მოთხოვნებშიც შედის 200 პირსახოცი, 1500-დოლარიანი შამპანური, ოქროს ონკანებიანი და სახელურებიანი სანტექნიკა.

მერაია ბოლო დროს თაყვანისმცემლებს იშვიათად ახარებს ახალი სიმღერებითა და კლიპებით. სამაგიეროდ, რაიდერი მას დედოფლური აქვს.

როგორც წესი, მომღერალი ითხოვს ცალკე ოთახს ძაღლისთვის და აბაზანას მინერალური წყლით. ამასთან, მისი ჩასვლისთვის სასტუმროებში ახალ უნიტაზებს დგამენ.

ერთადერთი მამაკაცი 5 ყველაზე მომთხოვნ ვარსკვლავს შორის მომღერალი რობი უილიამსია. მის საგრიმიოროში აუცილებლად უნდა იდგეს იაპონური ხე ბონსაი, ოთხი საფერფლე და კედელზე ეკიდოს ამერიკელი წამყვანის, ბობ ჰოლსენის ფოტო. და როცა რობი მარტოსულად გრძნობს თავს, ის ითხოვს, მიუყვანონ ცოცხალი მაიმუნი.

უილიამსის იუმორის გრძნობას თუ გავითვალისწინებით, გამორიცხული არ არის, რომ მომღერალი მენეჯერებს გართობის მიზნით აძლევს მსგავს დავალებებს.

მეოთხე ადგილზე ჯანეტ ჯექსონის მისტიკური მოთხოვნებია. ერთ-ერთი ამერიკული ტელეპროექტის გადაღებების დროს მომღერალმა შეუკვეთა 20 შავი პირსახოცი, 20 უზარმაზარი სანთელი და სოიოს ზეთი ვანილის არომატით.

მომთხოვნი ვარსკვლავების რეიტინგს ბიონსე ასრულებს თავისი ლუქსი-ავტომობილების მიმართ სიყვარულით. ვარსკვლავს აუცილებლად უნდა ახლდეს ათეულობით ტონირებული "მერსედესი". სადილად კი მიირთმევს მხოლოდ ჩილეს ქორჭილას აღმოსავლური ორნამენტებით მოხატული ჭურჭლით.