ელ მაკფერსონს: „იდეალური სხეული 49 წლის ასაკში რთულია“
1990-იანი წლების ცნობილი მოდელი თავის ასაკობრივ შიშზე ალაპარაკდა და იმაზე, თუ როგორ უნდა შეინარჩუნოს ქალმა სილამაზე 40 წლის შემდეგ. მანეკენმა მარტივი და სასარგებლო რეკომენდაციები მისცა ასაკშეპარულ ქალებს.
ელ მაკფერსონს მიაჩნია, რომ უწინდელი დიდების პერიოდი უკან უნდა დარჩეს: ეს 1990-იან წლებში იყო მისი მეტსახელი „სხეული“ , მაშინ ის რეკორდულად - ექვსჯერ გამოჩნდა „სპორტს ილუსტრეიდის“ გარეკანზე, ახლა კი, 49 წლის ასაკში, მისი აზრით, ბიკინიში გადაღება არც კი შეიძლება, თუმცა პაპარაცების მიერ პლაჟებზე გადაღებულ ფოტოებზე კარგად ჩანს, რომ ელი შესანიშნავ ფორმაშია.
ორ შვილს - უმა თურმანის ამჟამინდელი ქმრისგან, მილიარდერ არპად ბუსონისგან რომ გააჩინა, - უვლის და მშვენიერი დედაა. მაკფერსონმა თავისი რაციონისა და ფიტნეს-აქტივობის საიდუმლოებები გაამხილა.
„პირველ რიგში, მჯერა ჯანსაღი კვების, 8-საათიანი ძილის და ყოველდღიური ვარჯიშის“ .
ტოპმოდელის სახლში არ არის პროდუქტები, რომლებიც გლუტენს შეიცავს, ყოველდღე იღებს ვიტამინებსა და მინერალებს. ერთადერთი სასუსნავი, რომლის მიღების უფლებასაც აძლევს საკუთარ თავს, მწარე შოკოლადი და ერთი ფინჯანი ესპრესოა დილაობით. ძალიან უყვარს ტაილანდური საკვები და მიიჩნევს, რომ ხანდახან საჭიროც კია საყვარელი სამზარეულოთი თავის განებივრება.
თავი რომ კარგად იგრძნოს, ასაკთან ერთად ძირითადად ბავშვებზე და საკუთარ თავზე ცდილობს აქცენტის გაკეთებას და სამუშაო დატვირთვას ამცირებს.
ჟურნალი „რეიტინგი“
