კუტალაძის საქციელით სალომე გოგიაშვილი აღშფოთებულია, ანრი ჟურნალისტს "ემუქრება"

ბევრი იფიქრა თუ ცოტა, 12 საათის წინ სალომე გოგიაშვილმა გადაწყვიტა, მეგობარი ნინისათვის საზოგადო მხარდაჭერა გამოეხატა და სოციალურ ქსელზე გამოაქვეყნა პოსტი, სადაც ზიზღსა და უპატივცემულობას გამოხატავს ირაკლი კუტალაძის მიმართ.


სალომე აღნიშნავს, რომ ეს უკანასკნელი მეგობრებში ჰყავს და დიდი იმედი აქვს, რომ მის კომენტარს საკუთარი თვალით იხილავს და რამეს მიხვდება, თუმცა ამაშიც ეჭვი ეპარება.
სალომეს გული სწყდება, რომ აღარ არსებობს გაზეთი "სოფლის ცხოვრება", იქ ხომ ირაკლის საკუთარ თავზე საუბრის საშუალებაც მიეცემოდა.
სალომეს პოსტი "ცნობილთა" სამეგობროს ყურადღებას იქცევს და თემის ირგვლივ იმართება აქტიური დიალოგი, რომელშიც ერთვება "თბილისელების" ჟურნალისტი ბესო მახარაშვილი: "სოფლის ცხოვრებას უფრო ხშირად კითხულობთ? დროა ახალ პლატფორმაზე გადახვიდეთ და აწი "თბილისელები" იკითხოთ". 
ჟურნალისტის კომენტარი მორალურად დაზარალებული ნინი ბადურაშვილის ყურადღებას იქცევს: "ეს ის არაა, ლეპტოპით რომ სცემეს? სკანერით იქნება შემდეგი მგონი". 
აქ უკვე კვანძი იწყებს გახსნას და ჩნდება ეჭვი იმის შესახებ, რომ ირაკლი კუტალაძის ინტერვიუერი ეს ჟურნალისტი გახლდათ.
ამასობაში ანრი ჯოხაძემ საკუთარი სიტყვის ჩაგდება გადაწყვიტა "ერთობ მნიშვნელოვან" დიალოგში და "უი აქ რა ამბები ყოფილა ამტყდარიო" - აღნიშნა.
ამის შემდეგ საკითხი ისე იხლართება, რომ სხვა არაფერი დამრჩენია - მათი კომენტარების ზუსტი ციტირება უნდა მოვახდინო:
ბესო მახარაშვილი: "ნინის  კომენტარით მასე მივხვდი, რომ ეჭვი ჩემზე იყო, მაგრამ, ვატყობ, ზოგიერთების მხრიდან ორმაგ თამაშს აქვს ადგილი და კარგ ადამიანობას თამაშობს".
ანრი ჯოხაძე: "ორმაგ თამაშში მე თუ მიგულისხმე, ძალიან ცდები. ისევე ცდები, როგორც მაშინ და ადამიანობაზე ამ ინტერვიუს ხათრით მაინც ნუ ვისაუბრებთ"
ბესო მახარაშვილი: "ჰენრი,შენ  საერთოდ რა შუაში ხარ?"
ანრი ჯოხაძე:"ბესო, მე ვიღაც არ ვარ და ნუ აგერევა რაღაცები, არ გადევს ორი თავი მხრებზე და დაეტიე ადგილზე, მე არაფერ შუაში ვარ".
ბუნდოვანი, თუმცა ერთობ საინტერესოა, რატომ ემუქრება ანრი ჟურნალისტს და პირადი ანგარიშები აკავშირებს მასთან.