პარიზის მოდის კვირეული-Elie Saab-ის კოლექცია 2013
Elie Saab - ის კაბები დიდი პოპულარობით სარგებლობს წითელ ხალიჩებზე. დიზაინერი ხშირად ანებივრებს თაყვანისმცემლებს ახალი კოლექციებიც. ის ხომ ქალბატონების ერთ-ერთი რჩეული დიზაინერი გახლავთ
პარიზში მიმდინარე მაღალი მოდის კვირეულზე ცნობილმა ლიბანელმა დიზაინერმა Elie Saab წარმოადგინა ახალი საშემოდგომო კოლექცია.
მოდელიერი თავისი სტილის ერთგული რჩება და კოლექცია მოიცავს უნაზეს, ქალურ, ელეგანტურ სილუეტებს, რომელშიც შესანიშნავად არის შერწყმული აღმოსავლური მოტივები და ჰოლივუდის ოქროს ხანის სტილი. მის მოდელებში არ არის ექსტრავაგანტულობა ან პროვოკაციული სითამამე, მაგრამ ისინი განასახიერებენ ფუფუნებას და მომხიბვლელობას.
კოლექცია გაყოფილია რამდენიმე ფერად ნაწილად-ჩვენება წითელი კაბებით გაიხსნა, რომელსაც შემდეგ ცისფერი, მწვანე და ვერცხლისფერი კაბები მოყვა. პოდიუმი ბოლოს ვერცხლისფერი ძაფებისგან შექმნილი საქორწინო კაბაში გამოწყობილმა მოდელმა დაამშვენა.
კოლექციის ყველა კაბა დამზადებულია უნაზესი აბრეშუმის და ჰაეროვანი შიფონისგან და გაფორმებულია კრისტალებით, ბრჭყვიალებით და მაქმანიანი ჩანართებით.
