დიანა ღურწკაიას ქმრისთვის არც ქორწილში და არც მას შემდეგ არ უკოცნია

2 ივლისს მოსკოვში პოპულარულმა ქართველმა მომღერალმა დიანა ღურწკაიამ დაბადების დღე აღნიშნა. მას 35 წელი შეუსრულდა.

მომღერალი ანდრეი მალახოვს გადაცემაში ესტუმრა იმისათვის, რომ საკუთარ ცხოვრებაზე ესაუბრა: როგორ განიცადა დედის სიკვდილი და როგორ დააძლევინა მეუღლემ, ადვოკატმა პეტრე კუჩერენკომ, ასევე, ვაჟის, კონსტანტინეს დაბადებამ დეპრესია.

დიანა და პეტრე 2005 წელს დაქორწინდნენ. უზარმაზარი ქორწილი ძვირფას რესტორანში გადაიხადეს, სადაც უამრავი სტუმარი მივიდა, მათ შორის, რუსული შოუბიზნესის წარმომადგენლებიც.

საინტერესოა, რომ დიანამ ქორწილში კატეგორიული უარი განაცხადა ახალგამომცხვარი ქმრის კოცნაზე. ეს მომღერალმა იმით ახსნა, რომ მის სამშობლოში, დასავლეთ საქართველოში ასე არ არის მიღებული. მეტიც, პეტრესა და დიანას ქორწილამდეც არ უკოცნიათ ერთმანეთისთვის. "პრინციპში, არც მას შემდეგ", - ამ განცხადებით, ფაქტობრივად, გააოგნა დიანამ საზოგადოება.

დიანას თქმით, მეუღლეს არასოდეს აუწევია მასთან ხმა და დიდი ხნის განმავლობაში ისინი "თქვენობით" მიმართავდნენ ერთმანეთს. პეტრე დიანას ყოველთვის დიდი მოწიწებით ექცეოდა.

"დიანა – ეს ისეთი ფეთქებადი ქართული ხასიათია. ძალიან ეჭვიანია და ბუტია. თუ ვიკამათეთ, როგორც წესი, მე ვდგამ შესარიგებლად პირველ ნაბიჯს. მაგრამ მეც არ ვარ ხანდახან კანფეტი, ამიტომაც დიანასაც შეხვედრია ჩემ გამო ნერვიულობა და ფორიაქი. ყველაფერი ყოფილა ჩვენს ერთობლივ ცხოვრებაში, გვიჩხუბია კიდეც და ლოკალური დრამებიც ყოფილა." - ამბობს მომღერლის მეუღლე პეტრე კუჩერენკო.

მისი სიტყვებით, ძალიან რთულად გადაიტანა ვაჟის დაბადებაც. როგორც წესი, მამები ამ დროს ბედნიერები არიან, მაგრამ მე ვერაფერი ვიგრძენი. მისმა დაბადებამ სახლში ერთი აურზაური გამოიწვია." – ამბობს კუჩერენკო და გულახდილად დასძენს, რომ რაღაც მომენტში ინანა კიდეც, რომ მამა გახდა. თუმცა აქვე დაამატა: "ჩემთვის ერთი თეორია გამოვიყვანე: როცა ქალი ბავშვს მუცლით ატარებს, მას უკვე სიყვარულით ავსებული თასი ხვდება, ხოლო მამაკაცი მას ცარიელს იღებს. და მხოლოდ ბავშვის პირველი ნაბიჯები, მის მიერ პირველად ნათქვამი "მამა" – ეს საოცარია!"

აი, დიანა კი ბავშვს დიდი შიშითა და შფოთვით ელოდა. "ყველა ქალისთვის ბავშვის დაბადების მოლოდინი დიდ ბედნიერებასთან ასოცირდება, თუმცა ჩემს შემთხვევაში ბევრი კითხვა იყო: "რა იქნება? როგორი იქნება? ვაღიარებ, მე მქონდა მიზეზი, ამ ყველაფერზე მეფიქრა. ამიტომაც ვნერვიულობდი..." ის პედიატრმა დააწყნარა, როცა უთხრა, რომ პატარას ყველაფერი წესრიგში აქვს. "აი, ეს კი მართლაც დიდი ბედნიერება იყო" – იხსენებს დიანა ღურწკაია.

წყარო