სად ჩაწერა ინტერვიუ ნანუკა ჟორჟოლიანმა პატრიცია კაასთან
ნანუკა ჟორჟოლიანის შემდეგი გადაცემა როგორც ყოველთვის განსხვავებული იქნება. ქართველმა წამყვანმა მსოფლიო დონის ფრანგ მომღერალთან, პატრიცია კაასთან, ბულგარეთში მთელი დღე გაატარა. მისი გადაცემის პირველ ნაწილში მაყურებელი ნახავს როგორ გაატარეს მთელი დღე ნანუკამ და პატრიციამ ბულგარეთში, ხოლო გადაცემის მეორე ნაწილში ნანუკა ჟორჟოლიანი მასთან ინტერვიუსაც გვთავაზობს.
პატრიცია კაასი ინტერვიუზე ნანუკამ ხანგრძლივი მოლაპარაკებების შემდეგ დაითანხმა, როგორც თვითონ თქვა, ამაში დიდი წვლილი ტურისტულ კომპანია "აემ გლობალს" მიუძღვის.
პატრიცია კაასს, ამჟამად 2012-1013 წლის მსოფლიო ტურნე აქვს, რომელიც ედით პიაფს ეძღვნება. სწორედ ამ ტურნეს ერთ-ერთ კონცერტს დაესწრო ნანუკას გადამღები ჯგუფი, მასთან ინტერვიუს შემდეგ.
ასე რომ, გადაცემაში კონცერტის ნაწილსაც იხილავს მაყურებელი.
ნანუკას ახალი გადაცემა ფილმის სახით იქნება. როგორც ნანუკა ჟორჟოლიანმა hot.geსთან ინტერვიუსას განაცხადა ამ გადაცემის მომზადებაში მონაწილეობენ: ნიკა წულუკიძე, ეკა კახიანი და მისი შვილი მარიამი გეგუჩაძე, გადაცემაში ყველას საკუთარი განსხვავებული როლი ექნება.
ნანუკა ახალ გადაცემაში მილიონერ ძმებს დინევებსაც გაგვაცნობს. ისინიც ამ ფილმ-გადაცემის "მსახიობები" იქნებიან.
როგორც ნანუკა გვიპრდება გადაცემა ძალიან საინტერესო და სახალისო იქნება.
