თიკა კანდელაკს 10 წლით უმცროსი საყვარელი ჰყავს

ბოლო დროს თინა კანდელაკის შესახებ პიკანტურ ამბებს მისი ძველი მეგობარი, მსახიობი და შოუმენი სტანისლავ სადალსკი „ამხელს“ . ყოფილმა მეგობარმა თინა მართლა ამოიჩემა და ხან მის უცნაურ ფოტოებს აქვეყნებს, ხან კი მის პირად ცხოვრებაზე ინტიმურ ამბებს ასაჯაროებს.

ამჯერად სადალსკიმ რუს ჟურნალისტებს ამცნო, რომ კანდელაკმა საყვარელი გაიჩინა, თანაც, ერთადერთი მიზეზით- ვიბრატორი რომ არ გამოიყენოს. თინა სადალსკის თავხედობებს რატომღაც არ პასუხობს, სავარაუდოდ, პიარის მოყვარული ტელეწამყვანისთვის ამგვარი „რეკლამაც“ მისაღებია.

რაც შეეხება თინას ახალ მიჯნურს, მას არც თინა მალავს. 27 წლის ვასილი ბროვკო თინაზე ათი წლით არის უმცროსი და კომპანია „აპოსტოლ მედიის“ გენერალური დირექტორია. ბოლო დროს ის გამუდმებით თინას გვერდით არის. მის შესახებ დაწვრილებით ცნობებს კვლავ სადალსკისგან ვიგებთ:

- ვასილი ჟუკოვსკიდან არის, რომელიც მოსკოვთან ახლოს მდებარეობს. ინტელიგენტურ ოჯახში იზრდებოდა, მისი მშობლები მეცნიერე-ბასთან იყვნენ დაკავშირებული. პრესტიჟულ ლიცეუმში სწავლობდა, თუმცა ხშირად ჩიოდა, რომ მის გარშემო სულ მდიდრები იყვნენ და თავს მათ გარემოცვაში უცხოდ გრძნობდა. კომპლექსები ბლომად აქვს ბიჭს,- ამბობს სადალსკი,- მაგრამ აი, ხალხში გამოვიდა. მოსკოვის სახელმწიფო უნივერსიტეტი დაამთავრა, პოლიტოლოგიის ფაკულტეტი, ახლა კი თავისი ბიზნესი აქვს, ბინა მოსკოვის ცენტრში, მაგარი მანქანა. კანდელაკს „პიონერულ კითხვებზე“ შეხვდა ოთხი წლის წინ და მას მერე მეგობრობენ, ბოლო დროს კი მათი მეგობრობა უფრო მჭიდრო გახდა.

არც ვასილი გაურბის ამ თემაზე საუბარს:

- მე და თინა დიდხანს ვურთიერთობდით, სანამ „აპოსტოლ მედიის“ მთავარი პარტნიორები გავხდებოდით, მერე ერთად ვაკეთებდით „არარეალურ პოლიტიკას“ . თინა ჩემი ყველაზე ახლობელი ადამიანია. იდეალური ქალია- ჭკვიანი, სექსუალური, წარმატებული, ცნობილი, შეძლებული, გიჟმაჟი, შინაური, ნაზი და ძლიერი. ჩვენ აბსოლუტურად ჰარმონიული დუეტი გვაქვს.

თინაც არ იშურებს კომპლიმენტებს, როცა ლაპარაკი ახალ მეგობარზეა:  

- როცა მე და ვასილიმ ერთმანეთი გავიცანით, არც კი მიფიქრია, რომ ჩემი ცხოვრება ასე გვარიანად შეიცვლებოდა. ყოველთვის, რაც უნდა ცუდად ვიყო, მეუბნება: „ნუ გეშინია, მე შენი მჯერა!“ .

- ეს ნამდვილი სამსახურებრივი რომანია,- ამბობს სადალსკი, - ვასია მასზეა დამოკიდებული, მის ფულზე. შეიძლება ითქვას, რომ თინამ იყიდა ეს სიყვარული. მას არ სჭირდება გულწრფელი გრძნობები, მყარი ურთიერთობები. ამ თვალსაზრისით სრულიად ფრიგიდულია. თინას აწყობს ის, რომ ეს ბიჭი ყოველთვის გვერდით არის, თუმცა სერიოზული ემოციები მის მიმართ ნამდვილად არ აქვს, არც მოვალეობები. ის არის და ეს კარგია- აბა, ვიბრატორით ხომ არ ისარგებლებს.

ჟურნალი „რეიტინგი“