სკანდალი გრძელდება - კახიანებს ბინიდან ასახლებენ

სამი კვირაა რაც ბადურაშვილი-კუტალაძის სკანდალი ყვითელი ჟურნალების გარეკანიდან არ ჩამოდის და ინტერნეტსაიტებიც აქტიურად აშუქებენ, პოპულარული წყვილის დაშორების ამბავს, სოციალურ ქსელში ხალხი ყოველ დილა კითხულობს, რა მოხდა ახალი წინა ღამეს ნინი ბადურაშვილის და ირაკლი კუტალაძის ცხოვრებაში. 

უფრო მეტიც, წყვილს შორის არსებულმა დაპირისპირებამ ლამის ნატოს სამიტისთვის მზადებაც კი გადაფარა. ფაქტია, რომ ეს ამბავი ქვეყანაში მიმდინარე ყველა პოლიტიკურ მოვლენაზე პოპულარული აღმოჩნდა.

როცა ხალხმა შვებით ამოისუნთქა და თითქოს ახალიც არაფერი აღარ უნდა მომხდარიყო, რომ კახიანების ოჯახი მორიგ სკანდალში გაეხვა.

უზენაესი სასამართლოს გადაწყვეტილებით კახიანებმა ბინა უნდა დაცალონ. მიზეზი კი მრავალ წელს ითვლის. ნატალი ჭეიშვილის ბინაში იმედა კახიანი ოჯახთან ერთად ცხოვრობს, კორპუსის ამხანაგობის თხოვნით 2004 წელს ექვსი თვით შესახლდა. ვადის ამოწურვის შემდეგ კახიანებმა ბინა არ გაათავისუფლეს, რის შემდეგაც ჭეიშვილმა სასამართლოს მიმართა.

აღნიშნული ბინა კახიანებმა 30 ივლისამდე თუ არ დაცალეს, მათ იძულების წესით გამოიყვანენ.
ამ ერთობ ჩახლართული სიტუაციის შესახებ ერთი წლის წინ იმედა კახიანი ნოდარ მელაძემ თავის შოუშიც მიიწვია. მტყუან-მართალი როგორც ჩანს სასამართლომ გაარჩია და მეპატრონეს ბინას უბრუნებენ.

სალომე დადიანი
სპეციალურად საიტისთვის