რა ღირს ავტოგრაფი ვარსკვლავთან? - ცნობილების სიხარბის პრეისკურანტი

პირველად სამარცხვინო ბიზნესის შესახებ შერილ კოულზე სკანდალური სტატიის შემდეგ გახდა ცნობილი, სადაც ეწერა, რომ ვარსკვლავი თაყვანისმცემლებისგან ავტოგრაფის სანაცვლოდ 550 დოლარს იღებდა.

არც ისე დიდი ხნის წინ, თუ კუმირის ნახვა კულისებში მოგინდებოდა, ორი საშუალება გქონდა - გაგემარჯვა შეჯიბრში ან დაცვის კედელი გაგერღვია.

დრო შეიცვალა და თუ თქვენი საფულე საკმარისად სავსეა, ყველაფერი უფრო უმტკივნეულოდ შეგიძლიათ გააკეთოთ. ახალი მეთოდი ინდუსტრიისა "შეხვდი და მიესალმე" უკანასკნელი წლების განმავლობაში მუსიკალურ ბიზნესში ფართოდ გავრცელდა.

როგორც უკვე აღვნიშნეთ, პირველად ამ ახალი ბიზნესის შესახებ შერილ კოულზე სტატიის შემდეგ გახდა ცნობილი, მაგრამ სკანდალი არ შედგა, რადგან აღმოჩნდა, რომ, პრაქტიკულად, ყველა ცნობილი პიროვნება იმავეს აკეთებს და უბრალოდ კი არ აკეთებს, არამედ მსოფლიო ტურნეს დროს ამ ბიზნესს მილიონობით დოლარი შეაქვს მათ ბიუჯეტში.

აღსანიშნავია, რომ მსგავსი საქციელი მიუღებელია ძველი თაობის ვარსკვლავებისთვის - ისეთებისთვის, როგორებიც არიან პოლ მაკარტნი და როდ სტიუარტი. დანარჩენებისთვის, როგორც იტყვიან, საზღვარი არ არსებობს.

ჯგუფი one direction კონცერტამდე მზადების პროცესის დასწრებაში, ფოტოსა და სამახსოვრო "სუვენირში" 352 დოლარს იღებს.

ჯასტინ ბიბერთან "შეხვედრა–მისალმება" თავდაპირველად 550 აშშ დოლარი ღირდა, მაგრამ საქმე წინ წავიდა და... ახლა ბიბერთან შეხვედრა თუ მოგინდათ, თან ზედმეტი 3 000 დოლარი უნდა იქონიოთ, კონცერტის დროს კულისებში შესვლისთვის კი - 4 300 დოლარი. მადონა თაყვანისმცემლებისგან მისალმებაში 1870 დოლარს იღებს.

რიანას ავტოგრაფი და ერთობლივი ფოტო არც ისე ძვირად - 500 დოლარად - იყიდება.
კეტი პერი 500 დოლარად, ფოტოსა და ავტოგრაფის გარდა, "სასაჩუქრე ჩანთასაც" შემოგთავაზებთ.

ბიონსე სკანდალში მას შემდეგ გაეხვა, რაც დადგენილი ტარიფი 500 დოლარი 1720–მდე გაზარდა.

ბრიტნი სპირსმა ბოლო ტურნეს დროს ფლორიდაში თითო თაყვანისმცემლისგან 100 დოლარი აიღო და აღნიშნა, რომ აღფრთოვანებულია თავისი გულშემატკივრებით.