ქეიტ მიდლტონი და პრინც უილიამი დღეს ვაჟი მშობლები გახდნენ

კემბრიჯის ჰერცოგის მეუღლემ ქეიტ მიდლტონმა ვაჟი გააჩინა. ამის შესახებ იუწყება the guardian კენსინგტონის სასახლის ინფორმაციაზე დაყრდნობით.

პატარა წმინდა მარიას კლინიკაში, 22 ივლისს ლონდონის დროით 16.24 საათზე დაიბადა და 8 ფუნტსა და 6 უნციას, ანუ დაახლოებით 3,8 კილოგრამს იწონის.

დედა და შვილი თავს კარგად გრძნობენ და კლინიკაში მათთან ერთად პრინცი უილიამიც იმყოფება.

პრინცის მეუღლის ორსულობის შესახებ ცნობილი გახდა 2012 წლის დეკემბერში.
რადგან ბავშვის სქესზე სამეფო ოჯახი წინასწარ არაფერს ამბობდა, ხოლო თავად მომავალი დედა ამბობდა, რომ არ სურდა მშობიარობამდე სქესის გაგება, დღემდის ყველასთვის უცნობი იყო და მოუთმენლად ელოდნენ რომელი სქესის პატარა გაჩნდებოდა.
 ბრიტანული მედია საშუალებები იუწყებოდნენ, რომ ქეითი ტყუპს ელოდება, თუმცა ეს ეჭვი არ გამართლდა.