ნიკუშა ხატიას დავიწყებას ცდილობს
3 653 ნახვა
ნიკუშას და ხატიას სიყვარულის ამბავი ინტერნეტსივრცეში ძალიან პოპულარულია. ვიდეო სახელწოდებით ''კურიერის'' სპეცგამოშვება ნიკუშას + ხატია'' უკვე ლამის მთელმა საქართველომ ნახა. ნიკუშამ სიურპრიზი გაუკეთა თავის რჩეულს და ''კურიერის'' ჯგუფის დახმარებით სიყვარულში საკმაოდ ორიგინალურად გამოუტყდა.
საინფორმაციო გამოშვება იმ ნიუსით დაიწყო, რომ ნიკუშას ხატია უყვარს. სიუჟეტი, რომელიც ამ თემაზე ''კურიერის'' ჟურნალისტმა მოამზადა, დახუნძლულია ექიმების კომენტარებით, რომლებიც ადასტურებენ, რომ ნიკუშა უცნაური ავადმყოფობით - ხატიამანიით არის შეპყრობილი, იქვეა არასამთავრობო ორგანიზაციებისა და ევროკავშირის დასკვნებიც.
ვიდეო, რა თქმა უნდა, ''რუსთავი 2'' -ის ეთერში არ გასულა, სოციალურ ქსელებში განთავსდა და სწრაფადაც გავრ-ცელდა. ბმულს მთელი ''ფეისბუქი'' უზიარებს ერთმანეთს და მსგავს კომენტარებს ურთავს: ''ხატია, შენ თუ გული გაქვს, ამ ვიდეოს შემდეგ მაინც უნდა უპასუხო ნიკუშას სიყვარულით'' .
ჩვენ ამ ამბის მთავარი გმირი, ნიკუშა ჩომახაშვილი ვიპოვეთ და ამ სიყვარულის შესახებ დეტალურად გამოვკითხეთ.
- ''საზოგადოებრივ ინიციატივაში'' ვმუშაობ, სადაც ბევრი არასამთავრობო ორგანიზაციაა გაერთიანებული. მათ შორის ''სტუდენტთა საინიციატივო ჯგუფი'' და მოძრაობა ''საქართველო ოკუპაციის გარეშე'' . ამ ორივე ორგანიზაციაშიც ვმუშაობ და აგრარულ უნივერსიტეტში ვსწავლობ, ვეტერინარულ ფაკულტეტზე.
- შენი ვიდეო საზოგადოების განსჯის საგანი გახდა. გვიამბე შენი და ხატიას სიყვარულის ამბავი.
- მე და ხატია დიდი ხანია ერთმანეთს ვიცნობთ, დაახლოებით ხუთი წელია. პირველად ილიას უნივერსიტეტის წინ ვნახე, იქ სწავლობდა. ერთი ნახვით შეყვარება არ ყოფილა. ბევრი ნახვით შეყვარება ერქვა ამას. ხშირადაც ვერ ვხედავდით ერთმანეთს. ხატია საქართველოში არ ცხოვრობს, უნივერსიტეტის დამთავრების შემდეგ დუბაიში გადაბარგდა დედასთან. იქ მუშაობს, რომელიღაც კომპანიის პიარმენეჯერია. ახლა საქართველოშია, მაგრამ 1-2 აგვისტოს მიდის. მე დუბაიში ჩასვლის პრობლემა არ მქონია, თვითონ არ სურდა, უხერხულობდა და მეც ვიკავებდი თავს. ინტერნეტით და ტელეფონით ვურთიერთობდით. ეს სიურპრიზი პირველი არ ყოფილა. თავიდან ჩემმა მეგობარმა ზურა სალუქვაძემ ხატიას საყვარელი ლექსი ჩაწერა სპეციალურად ხატიასთვის და ამერიკიდან გამომიგზავნა ვიდეოვერსია. უამრავი ჩანახატი მივუძღვენი ხატიას.
- ხატიას თუ უყვარს ნიკუშა?
- უყვარს, ოღონდ როგორც მეგობარი ისე.
- ფარ-ხმალს მაინც არ ყრი, როგორც გატყობ...
- ეს ადრე იყო, ახლა უკვე დავყარე. ბოლო დროს გვქონდა ამაზე საუბარი. ჩემი გრძნობების ერთგული დავრჩები ყოველთვის, არ მგონია, ასეთი სიყვარული ასე უცებ გაქრეს, მაგრამ არსებობს პრინციპებიც. მის შეწუხებას და თავის მობეზრებას აღარ ვაპირებ. აღარც დავეკონტაქტები, ჩემთვის ვიქნები. ბევრი სიურპრიზი-ვიდეო მაქვს გადაღებული ხატიასთვის, მაგრამ გამოქვეყნებას არ ვაპირებ.
- ''კურიერის'' სპეცგამოშვების იდეა შენი იყო?
- ჩემი იდეა იყო, თუმცა ირაკლი მაისურაძეს თავისი მეუღლისთვის უნდოდა სიურპრიზი ამ ფორმით გაეკეთებინა.
- ნაჩხუბარი ხომ არ იყო მეუღლესთან?
- არა, უბრალოდ უნდოდა შეეხსენებინა, რომ უყვარს, მაგრამ შემდეგ ჩემმა ამბავმა შეაწუხა და იდეა დამითმო. მე და ირაკლი ვმეგობრობთ, ''კურიერის'' ჯგუფსაც ვიცნობ საერთო მეგობრებისა და ჩემი საქმიანობის წყალობით. ჟურნალისტებთან ყოველდღიური შეხება მაქვს, სამსახურიდან გამომდინარე.
- ანუ, ბევრი არ გიწვალია ამ ვიდეოს მომზადებაზე...
- ძალიან ბევრი ვიწვალე. ხატიას ოჯახის წევრების სინქრონებიც მქონდა ჩაწერილი, მისი მეგობრების, რომელიც აღარ გამოვიყენე. მისი დის, ბიძაშვილების სინქრონები მქონდა, დაუჯერე ნიკუშასო, ეუბნებოდნენ. ხატია ამბობდა, ყველამ მიღალატაო (იცინის). ხატიას ლექტორიც კი ჩემს მხარეს იყო. ხატიას დედასაც ვიცნობ. აეროპორტში ყოველ ჩამოსვლაზე ვხვდებოდი ხატიას სიურპრიზებით, თაიგულებით, ბუშტებით, ფლეშმობით. ერთხელ გამოვაცხადებინეთ აეროპორტში, ხატია გამოცხადდეს საინფორმაციოშიო და შეშინებული მოვარდა. იქ დავხვდით ჩვენ, თან მაშინ ეგონა არავინ ხვდებოდა, იქიდან ხატიასთან ავედით სახლში.
- ამ ვიდეოს შემდეგ ხატიას ბევრი კიცხავს...
- (იცინის) ჰო, მოკვლითაც კი ემუქრებიან, ასეთ დღეში რომ ჩამაგდო, ასეთი სიურპრიზის შემდეგ როგორ არ უნდა გიყვარდეს ბიჭიო, წერენ. ყველა ამბობს, რა მაგარი ვიდეო გააკეთეო, მაგრამ დამიჯერეთ, ეს ჩემი შესაძლებლობების ნახევარიც არ იყო.
- ხატიას როგორი რეაქცია ჰქონდა ამ ვიდეოზე?
- ერთად ვუყურეთ სკაიპის საშუალებით. ის დუბაიში იყო, მე - საქართველოში. თან სამზადისში იყო, ბარგს ალაგებდა, საქართველოში უნდა გამოფრენილიყო. მეგობრებთან ერთად იყო, დუმილის უფლებას იყენებსო, მეგობრები იცინოდნენ. ხმა გამეცი-მეთქი, ვუთხარი, მაგრამ არაფერი უთქვამს. მხოლოდ თქვა: ''ხომ არ გადაირიეო'' .
- ესიამოვნა თუ გაბრაზდა, ვერ მიხვდი?
- ასეთი რამ ყველა გოგოს სიამოვნებს, ორი აზრი არ არის. უბრალოდ, არ გამოხატავს. ასეთ აურზაურს ამ ვიდეოს გარშემო მეც არ მოველოდი. ხატიაც შეწუხდა ალბათ ჟურნალისტების ყურადღებით. დღემდე არ იცვლის აზრს, მეგობრობას მთავაზობს მხოლოდ, ჩემი დაკარგვაც არ უნდა. მისი დაკარგვა არც მე მინდა, მაგრამ აზრი არა აქვს. როცა გოგო გიყვარს, მასთან მეგობრობა ძნელია.
- რას აპირებ?
- მის დავიწყებას ვცდილობ. ძალიან პრინციპული ვარ და რაც ვთქვი, გავაკეთებ. მის ნახვას აღარ ვაპირებ. ''ფეისბუქზე'' მყავს, დღესასწაულებს მივულოცავთ ალბათ ერთმანეთს. ეგ არის და ეგ...
- ხატიას ხომ არ ჰყავს შეყვარებული?
- არა, მაგრამ რომ გავიცანი, მაშინ ჰყავდა.
- შენ გამო ხომ არ გაუფუჭდა ურთიერთობა?
- არა, მაშინ ჩვენ მხოლოდ ვმეგობრობდით, პირიქით, ვეხმარებოდი კიდეც. ისეთი მაგარი მეგობრები ვიყავით, ისეთი ლამაზი დღეები გვაქვს გატარებული ერთად, თვითონაც გამიძნელდა სხვა სტატუსის მინიჭება ჩემი გრძნობებისთვის, მაგრამ რა ვქნა, შემიყვარდა.
- გააცილებ ხატიას დუბაიში?
- არა მგონია. არ მგონია კი არა, არა!
- ''ხატიამანია'' როდის გაივლის, როგორ გგონია?
- ნერვული შეტევებით, გულის შეტევებით რვაჯერ მოვხვდი საავადმყოფოში. არ ვხუმრობ, მართლა გამოვიარე ასეთი დღეები. იმედია, დამთავრდება ყველაფერი. დავიღალე!..
ჩვენ, რა თქმა უნდა, ხატიასთან დაკავშირებაც ვცადეთ და ''ფეისბუქით'' ინტერვიუ ვთხოვეთ.
ხატია ურიგაშვილი:
- საქმე ისაა, რომ სათქმელი არაფერი მაქვს, არც მოსაყოლი.
- ნიკას არ იცნობ?
- ნიკას როგორ არ ვიცნობ, უბრალოდ, ვერ ვხვდები, რაზე გელაპარაკოთ.
- ის სიურპრიზი, მთელი ''ფეისბუქი'' რომ აალაპარაკა, ხომ თქვენ გეკუთვნოდათ?
- მეკუთვნოდა, კი... ჟურნალისტებისთვის სტატუსი დავწერე, ნინო, თუ კიდევ გექნებათ შეკითხვები, ჩავწეროთ ინტერვიუ, სხვა რა გზაა.
ეს ხატიას სტატუსია:
''არ ვაპირებდი ბოლოდროინდელ ამბებზე არანაირი კომენტარის გაკეთებას, რადგან მეგონა, რომ ამაზე მნიშვნელოვანი თემებიც არსებობდა ჩვენს სინამდვილეში, მაგრამ ვინაიდან და რადგანაც ინტერესი ჩემი პირადი ცხოვრების გარშემო არ ცხრება და კითხვები ისევ ისმის, გადავწყვიტე, რომ საკუთარი დამოკიდებულება ხმამაღლა დავაფიქსირო: მე და ნიკას გვაკავშირებს 4-წლიანი მეგობრობა და ის ძალიან მიყვარს, როგორც მეგობარი, მაგრამ მისი გრძნობების მიუხედავად, არაფერს მის მიმართ გარდა მეგობრობისა არ ვგრძნობ და ეს დამოკიდებულება არც მომავალში შეიცვლება. იმედია, მეტჯერ აღარ მომიწევს კომენტარის გაკეთება აღნიშნულ თემასთან დაკავშირებით და ეს იქნება საკმარისი.
საჯაროდ აზრის დაფიქსირებისაგან თავს ვიკავებდი (თუმცა ამაზე ნიკასთან არაერთხელ მქონდა საუბარი) ნიკას მიმართ უდიდესი პატივისცემისა და ჩვენი მეგობრობის გამო, მაგრამ ბოლოდროინდელი მოვლენებისა და უამრავი უცხო ადამიანის თუ ჟურნალისტის ინტერესისა და კითხვებიდან გამომდინარე გადავწყვიტე, რომ ჩემი აზრის საჯაროდ დაფიქსირება უკვე აუცილებელი იყო'' .
არავინ იცის, რა იქნება ხვალ, ზეგ. ვის ვინ შეუყვარდება და ვინ ვის დაშორდება. ამჯერად უბრალოდ, ერთი ლამაზი ცალმხრივი სიყვარულის ამბავი მინდოდა მომეთხრო თქვენთვის.
ნინო მჭედლიშვილი
ჟურნალი ''რეიტინგი''
საინფორმაციო გამოშვება იმ ნიუსით დაიწყო, რომ ნიკუშას ხატია უყვარს. სიუჟეტი, რომელიც ამ თემაზე ''კურიერის'' ჟურნალისტმა მოამზადა, დახუნძლულია ექიმების კომენტარებით, რომლებიც ადასტურებენ, რომ ნიკუშა უცნაური ავადმყოფობით - ხატიამანიით არის შეპყრობილი, იქვეა არასამთავრობო ორგანიზაციებისა და ევროკავშირის დასკვნებიც.
ვიდეო, რა თქმა უნდა, ''რუსთავი 2'' -ის ეთერში არ გასულა, სოციალურ ქსელებში განთავსდა და სწრაფადაც გავრ-ცელდა. ბმულს მთელი ''ფეისბუქი'' უზიარებს ერთმანეთს და მსგავს კომენტარებს ურთავს: ''ხატია, შენ თუ გული გაქვს, ამ ვიდეოს შემდეგ მაინც უნდა უპასუხო ნიკუშას სიყვარულით'' .
ჩვენ ამ ამბის მთავარი გმირი, ნიკუშა ჩომახაშვილი ვიპოვეთ და ამ სიყვარულის შესახებ დეტალურად გამოვკითხეთ.
- ''საზოგადოებრივ ინიციატივაში'' ვმუშაობ, სადაც ბევრი არასამთავრობო ორგანიზაციაა გაერთიანებული. მათ შორის ''სტუდენტთა საინიციატივო ჯგუფი'' და მოძრაობა ''საქართველო ოკუპაციის გარეშე'' . ამ ორივე ორგანიზაციაშიც ვმუშაობ და აგრარულ უნივერსიტეტში ვსწავლობ, ვეტერინარულ ფაკულტეტზე.
- შენი ვიდეო საზოგადოების განსჯის საგანი გახდა. გვიამბე შენი და ხატიას სიყვარულის ამბავი.
- მე და ხატია დიდი ხანია ერთმანეთს ვიცნობთ, დაახლოებით ხუთი წელია. პირველად ილიას უნივერსიტეტის წინ ვნახე, იქ სწავლობდა. ერთი ნახვით შეყვარება არ ყოფილა. ბევრი ნახვით შეყვარება ერქვა ამას. ხშირადაც ვერ ვხედავდით ერთმანეთს. ხატია საქართველოში არ ცხოვრობს, უნივერსიტეტის დამთავრების შემდეგ დუბაიში გადაბარგდა დედასთან. იქ მუშაობს, რომელიღაც კომპანიის პიარმენეჯერია. ახლა საქართველოშია, მაგრამ 1-2 აგვისტოს მიდის. მე დუბაიში ჩასვლის პრობლემა არ მქონია, თვითონ არ სურდა, უხერხულობდა და მეც ვიკავებდი თავს. ინტერნეტით და ტელეფონით ვურთიერთობდით. ეს სიურპრიზი პირველი არ ყოფილა. თავიდან ჩემმა მეგობარმა ზურა სალუქვაძემ ხატიას საყვარელი ლექსი ჩაწერა სპეციალურად ხატიასთვის და ამერიკიდან გამომიგზავნა ვიდეოვერსია. უამრავი ჩანახატი მივუძღვენი ხატიას.
- ხატიას თუ უყვარს ნიკუშა?
- უყვარს, ოღონდ როგორც მეგობარი ისე.
- ფარ-ხმალს მაინც არ ყრი, როგორც გატყობ...
- ეს ადრე იყო, ახლა უკვე დავყარე. ბოლო დროს გვქონდა ამაზე საუბარი. ჩემი გრძნობების ერთგული დავრჩები ყოველთვის, არ მგონია, ასეთი სიყვარული ასე უცებ გაქრეს, მაგრამ არსებობს პრინციპებიც. მის შეწუხებას და თავის მობეზრებას აღარ ვაპირებ. აღარც დავეკონტაქტები, ჩემთვის ვიქნები. ბევრი სიურპრიზი-ვიდეო მაქვს გადაღებული ხატიასთვის, მაგრამ გამოქვეყნებას არ ვაპირებ.
- ''კურიერის'' სპეცგამოშვების იდეა შენი იყო?
- ჩემი იდეა იყო, თუმცა ირაკლი მაისურაძეს თავისი მეუღლისთვის უნდოდა სიურპრიზი ამ ფორმით გაეკეთებინა.
- ნაჩხუბარი ხომ არ იყო მეუღლესთან?
- არა, უბრალოდ უნდოდა შეეხსენებინა, რომ უყვარს, მაგრამ შემდეგ ჩემმა ამბავმა შეაწუხა და იდეა დამითმო. მე და ირაკლი ვმეგობრობთ, ''კურიერის'' ჯგუფსაც ვიცნობ საერთო მეგობრებისა და ჩემი საქმიანობის წყალობით. ჟურნალისტებთან ყოველდღიური შეხება მაქვს, სამსახურიდან გამომდინარე.
- ანუ, ბევრი არ გიწვალია ამ ვიდეოს მომზადებაზე...
- ძალიან ბევრი ვიწვალე. ხატიას ოჯახის წევრების სინქრონებიც მქონდა ჩაწერილი, მისი მეგობრების, რომელიც აღარ გამოვიყენე. მისი დის, ბიძაშვილების სინქრონები მქონდა, დაუჯერე ნიკუშასო, ეუბნებოდნენ. ხატია ამბობდა, ყველამ მიღალატაო (იცინის). ხატიას ლექტორიც კი ჩემს მხარეს იყო. ხატიას დედასაც ვიცნობ. აეროპორტში ყოველ ჩამოსვლაზე ვხვდებოდი ხატიას სიურპრიზებით, თაიგულებით, ბუშტებით, ფლეშმობით. ერთხელ გამოვაცხადებინეთ აეროპორტში, ხატია გამოცხადდეს საინფორმაციოშიო და შეშინებული მოვარდა. იქ დავხვდით ჩვენ, თან მაშინ ეგონა არავინ ხვდებოდა, იქიდან ხატიასთან ავედით სახლში.
- ამ ვიდეოს შემდეგ ხატიას ბევრი კიცხავს...
- (იცინის) ჰო, მოკვლითაც კი ემუქრებიან, ასეთ დღეში რომ ჩამაგდო, ასეთი სიურპრიზის შემდეგ როგორ არ უნდა გიყვარდეს ბიჭიო, წერენ. ყველა ამბობს, რა მაგარი ვიდეო გააკეთეო, მაგრამ დამიჯერეთ, ეს ჩემი შესაძლებლობების ნახევარიც არ იყო.
- ხატიას როგორი რეაქცია ჰქონდა ამ ვიდეოზე?
- ერთად ვუყურეთ სკაიპის საშუალებით. ის დუბაიში იყო, მე - საქართველოში. თან სამზადისში იყო, ბარგს ალაგებდა, საქართველოში უნდა გამოფრენილიყო. მეგობრებთან ერთად იყო, დუმილის უფლებას იყენებსო, მეგობრები იცინოდნენ. ხმა გამეცი-მეთქი, ვუთხარი, მაგრამ არაფერი უთქვამს. მხოლოდ თქვა: ''ხომ არ გადაირიეო'' .
- ესიამოვნა თუ გაბრაზდა, ვერ მიხვდი?
- ასეთი რამ ყველა გოგოს სიამოვნებს, ორი აზრი არ არის. უბრალოდ, არ გამოხატავს. ასეთ აურზაურს ამ ვიდეოს გარშემო მეც არ მოველოდი. ხატიაც შეწუხდა ალბათ ჟურნალისტების ყურადღებით. დღემდე არ იცვლის აზრს, მეგობრობას მთავაზობს მხოლოდ, ჩემი დაკარგვაც არ უნდა. მისი დაკარგვა არც მე მინდა, მაგრამ აზრი არა აქვს. როცა გოგო გიყვარს, მასთან მეგობრობა ძნელია.
- რას აპირებ?
- მის დავიწყებას ვცდილობ. ძალიან პრინციპული ვარ და რაც ვთქვი, გავაკეთებ. მის ნახვას აღარ ვაპირებ. ''ფეისბუქზე'' მყავს, დღესასწაულებს მივულოცავთ ალბათ ერთმანეთს. ეგ არის და ეგ...
- ხატიას ხომ არ ჰყავს შეყვარებული?
- არა, მაგრამ რომ გავიცანი, მაშინ ჰყავდა.
- შენ გამო ხომ არ გაუფუჭდა ურთიერთობა?
- არა, მაშინ ჩვენ მხოლოდ ვმეგობრობდით, პირიქით, ვეხმარებოდი კიდეც. ისეთი მაგარი მეგობრები ვიყავით, ისეთი ლამაზი დღეები გვაქვს გატარებული ერთად, თვითონაც გამიძნელდა სხვა სტატუსის მინიჭება ჩემი გრძნობებისთვის, მაგრამ რა ვქნა, შემიყვარდა.
- გააცილებ ხატიას დუბაიში?
- არა მგონია. არ მგონია კი არა, არა!
- ''ხატიამანია'' როდის გაივლის, როგორ გგონია?
- ნერვული შეტევებით, გულის შეტევებით რვაჯერ მოვხვდი საავადმყოფოში. არ ვხუმრობ, მართლა გამოვიარე ასეთი დღეები. იმედია, დამთავრდება ყველაფერი. დავიღალე!..
ჩვენ, რა თქმა უნდა, ხატიასთან დაკავშირებაც ვცადეთ და ''ფეისბუქით'' ინტერვიუ ვთხოვეთ.
ხატია ურიგაშვილი:
- საქმე ისაა, რომ სათქმელი არაფერი მაქვს, არც მოსაყოლი.
- ნიკას არ იცნობ?
- ნიკას როგორ არ ვიცნობ, უბრალოდ, ვერ ვხვდები, რაზე გელაპარაკოთ.
- ის სიურპრიზი, მთელი ''ფეისბუქი'' რომ აალაპარაკა, ხომ თქვენ გეკუთვნოდათ?
- მეკუთვნოდა, კი... ჟურნალისტებისთვის სტატუსი დავწერე, ნინო, თუ კიდევ გექნებათ შეკითხვები, ჩავწეროთ ინტერვიუ, სხვა რა გზაა.
ეს ხატიას სტატუსია:
''არ ვაპირებდი ბოლოდროინდელ ამბებზე არანაირი კომენტარის გაკეთებას, რადგან მეგონა, რომ ამაზე მნიშვნელოვანი თემებიც არსებობდა ჩვენს სინამდვილეში, მაგრამ ვინაიდან და რადგანაც ინტერესი ჩემი პირადი ცხოვრების გარშემო არ ცხრება და კითხვები ისევ ისმის, გადავწყვიტე, რომ საკუთარი დამოკიდებულება ხმამაღლა დავაფიქსირო: მე და ნიკას გვაკავშირებს 4-წლიანი მეგობრობა და ის ძალიან მიყვარს, როგორც მეგობარი, მაგრამ მისი გრძნობების მიუხედავად, არაფერს მის მიმართ გარდა მეგობრობისა არ ვგრძნობ და ეს დამოკიდებულება არც მომავალში შეიცვლება. იმედია, მეტჯერ აღარ მომიწევს კომენტარის გაკეთება აღნიშნულ თემასთან დაკავშირებით და ეს იქნება საკმარისი.
საჯაროდ აზრის დაფიქსირებისაგან თავს ვიკავებდი (თუმცა ამაზე ნიკასთან არაერთხელ მქონდა საუბარი) ნიკას მიმართ უდიდესი პატივისცემისა და ჩვენი მეგობრობის გამო, მაგრამ ბოლოდროინდელი მოვლენებისა და უამრავი უცხო ადამიანის თუ ჟურნალისტის ინტერესისა და კითხვებიდან გამომდინარე გადავწყვიტე, რომ ჩემი აზრის საჯაროდ დაფიქსირება უკვე აუცილებელი იყო'' .
არავინ იცის, რა იქნება ხვალ, ზეგ. ვის ვინ შეუყვარდება და ვინ ვის დაშორდება. ამჯერად უბრალოდ, ერთი ლამაზი ცალმხრივი სიყვარულის ამბავი მინდოდა მომეთხრო თქვენთვის.
ნინო მჭედლიშვილი
ჟურნალი ''რეიტინგი''
