ბრიტანეთის ტახტის მემკვიდრეს ჯორჯი დაარქვეს +ვიდეო

კემბრიჯის ჰერცოგინია ქეით მიდლტონმა და პრინცმა უილიამმა პირველ ვაჟს ჯორჯ ალექსანდრე ლუი დაარქვეს. ეს ინფორმაცია ჟურნალისტებს სამეფო ოჯახის ოფიციალურმა წარმომადგენელმა უკვე დაუდასტურა.

"მათ ბავშვს ჯორჯი დაარქვეს - წყვილს ეს სახელი მოსწონს და მეტი არაფერი", - განმარტა ქეითის წარმომადგენელმა.

პატარა ჯორჯი დედოფალმა კენსინგტონის სასახლეში გუშინ დილით მოინახულა. ამჟამად ქეითი და ჯორჯი ბერკშირის საგრაფოში იმყოფებიან - კემბრიჯის ჰერცოგინიას გადაწყვეტილებით, ცოტა ხნით ოჯახი ქეითის მშობლებთან იცხოვრებს.

შეგახსენებთ, ჯორჯი ლონდონში მდებარე ყველაზე პრესტიჟულ, კერძო საავადმყოფოში Lindo Wing of St Mary-ში გაჩნდა. ის 3.80 კილოგრამს იწონის.



dailymail.co.uk-ის მიხედვით.