ანრი ჯოხაძე ახალ სკანდალს აცხობს
5 190 ნახვა
მომღერალი ანრი ჯოხაძე უკვე აღარ ხუმრობს, ის სერიოზულად გადაეშვა რეჟისურაში. ზედიზედ გადაიღო კლიპები, რომლებიც ერთიმეორეზე წარმატებული აღმოჩნდა. მისმა ბოლო ნამუშევარმა, სადაც მსახიობ გურამ საღარაძის კადრებია გამოყენებული, ყველაზე კრიტიკული მსმენელი, "ფეისბუქის" მომხმარებელიც კი დადებითად განაწყო. უარყოფით კომენტარებს აშკარად ყველა მოერიდა. ანრი ამბობს, რომ გაჩერებას არ აპირებს და მალე ახალ სკანდალს გამოაცხობს. მანამდე კი ბულგარეთში კარგად დასვენებას აპირებს. სხვათა შორის, ერთი ზედმეტი საგზური აქვს და კასტინგს აცხადებს, ვინ წაიყვანოს თან. სრულიად უცნობ ადამიანსაც კი ეძლევა შანსი, მასთან ერთად ოქროს ქვიშებზე დაისვენოს.
– ანრი, სოციალურ ქსელში თქვენს ბოლო კლიპზე ბევრი კომენტარი დაიწერა, უარყოფითს დადებითი აშკარად ჭარბობდა. თავად როგორ შეაფასებთ საკუთარ ნამუშევარს?
– პირველ რიგში, ვიტყვი, რომ ღმერთმა ძალიან დიდი შემოქმედებითი საჩუქარი გამომიგზავნა, ის, რაზეც ნებისმიერი შემოქმედი იოცნებებს. წლები რომ გავა, ჩემი ნამუშევრებით ვიამაყებ, ვიტრაბახებ კიდეც და ვიტყვი, აი, ეს მე გავაკეთე–მეთქი. წლების შემდეგ ეს სიმღერა და კლიპი თანამედროვე ქართული კულტურის მარგალიტი იქნება.
ამ ბოლო დროს ხშირად აღვნიშნავდი, რომ "ფეისბუქი" ბოროტების სავანედ გადაიქცა. ამ ქსელის საშუალებით დიდი დოზით ენთხევა ბოღმა და შური. კლიპის ტელეპრემიერის შემდეგ, არ იცით, ჩემი "ფეისბუქის" გვერდზე რა ხდებოდა. კლიპი ყველამ გაიზიარა, კეთილგანწყობა აშკარად იგრძნობოდა. მერე ვხუმრობდი, "ფეისბუქი" ერთი დღით მაინც ხომ გავაკეთილშობილე–მეთქი. უამრავი სითბო და სიყვარული მივიღე. ეს კლიპი ჩემს შემოქმედებაში კიდევ ერთი დიდი წინ გადადგმული ნაბიჯია.
– როგორ გაჩნდა ამ კლიპის შექმნის იდეა და როგორ განხორციელდა?
– მაშინ გურამ საღარაძე ცოცხალი იყო, მის ქალიშვილს, მარინას დავუკავშირდი და ჩემი იდეა გავანდე. ძალიან მოეწონა და გურამს დაელაპარაკა. ბატონ გურამს მოძრაობა უჭირდა, თუმცა მარინამ ის მაინც დაითანხმა. მოლაპარაკებიდან სამი დღის შემდეგ გადაღებები დავნიშნეთ, მაგრამ, სამწუხაროდ, ბატონი გურამი გარდაიცვალა... ეს იყო ჩემთვის ორმაგი ტრაგედია, პირველ რიგში, იმიტომ, რომ ასეთი არტისტი წავიდა ამქვეყნიდან და მეორე, მასთან თანამშრომლობა ვერ მოვასწარი.
თავს ვერ ვაპატიებდი, რომ ეს პროექტი არ გამეკეთებინა. სოციალურ ქსელებში გურამ საღარაძის მიერ წაკითხული პეტეფის ლექსის "მიყვარხარ ძლიერ, ძლიერ..." სხვადასხვა ვერსია რომ ვნახე, ფონად ყველას მუსიკა ედო. საბედნიეროდ, ერთადერთი მაღალი ხარისხის ჩანაწერი საზოგადოებრივი რადიოს არქივში აღმოჩნდა, 12 წლის წინ არის გაკეთებული.
– მსახიობის ოჯახის წევრებმა როგორ მიიღეს თქვენი ნამუშევარი?
– მათგან ძალიან დადებითი შეფასებები მივიღე. მარინა საღარაძე პროგრესულად მოაზროვნე ქალბატონია. ზუსტად მიხვდა, რას ვაკეთებდი და ბოლომდე გამომყვა. მადლობა მას!
– ალბათ ადვილი არ იქნებოდა, გურამ საღარაძის კადრები ხმისთვის ასე ოსტატურად დაგემთხვიათ.
– გეთანხმებით, ეს ცალკე პრობლემა იყო. გურამ საღარაძის მიერ ამ ლექსის კითხვის ვიდეოვერსია ძლივს მოვიძიე. მისი ისეთი კადრები მინდოდა, როგორიც ის სიცოცხლის ბოლოს იყო. ბატონი გურამის მთელი გენიალურობა იმაში იყო, რომ ლექსებს ყოველ ჯერზე სხვადასხვანაირად კითხულობდა. ამიტომაც კადრი და მისი პირის მოძრაობა რთული დასამთხვევი იყო. კლიპის გადაღებაზე რომ მიდგა საქმე, იდეა მომივიდა, რომ ეს აუცილებლად რუსთაველის თეატრის კედლებში ყოფილიყო. გადასაღებ მოედანზე მოვიწვიე ის ქალები, რომლებსაც სცენაზე ბატონ გურამთან უშუალო შეხება ჰქონდათ. იანვრიდან ივლისის ბოლომდე ამ პროექტს ვუტრიალებდი, მინდოდა, ისეთი გამოსულიყო, როგორიც ამ მსახიობს ეკადრებოდა.
– პირადად იცნობდით გურამ საღარაძეს?
– მასთან მეგობრობის შანსი არ მომცემია, სულ რამდენჯერმე შევხვედრივარ, მაგრამ, როცა ერთმანეთს ვხედავდით, თბილად მესალმებოდა, რაც ჩემთვის დიდ პატივი იყო.
– თქვენს კლიპში მინიშნებულია მსახიობის ერთ გატაცებაზეც – აზარტზე.
– კი, ბატონო, კლიპის ერთ–ერთ კადრში ხელი ჩანს, რომელიც ბანქოს ათამაშებს. ეს ყოველივე შეიძლება ცხოვრებისეულ თამაშსაც დავუკავშიროთ და პირად, ძალიან დიდ სიყვარულს აზარტული თამაშების მიმართ. კლიპში მინდოდა, გამომეყენებინა სიყვარულის გამოხატვის სხვადასხვა ფორმა. როცა მე ვმღერი და ბატონი გურამი კითხულობს, ია სუხიტაშვილი ჟესტების ენით საუბრობს, რაც ძალიან ემოციურია. თათული დოლიძე უსინათლო ქალის როლს საოცრად თამაშობს. ქეთი სვანიძე ჩელოსთან ზის, თითქოს არაფერს აკეთებს, მაგრამ თვალებით გელაპარაკება, მასში დიდი ვნება დევს. მარინა კახიანი არის ქალი მსხვერპლი, მისი სცენის დროს სპეციალურად გამოვიყენე ნიღაბაფარებული ბიჭები. ეს სცენა გამოხატავს მამაკაცების არასწორ საქციელს ქალების მიმართ. აქ პარალელიც არის გავლებული, რომ გურამ საღარაძისნაირი რაინდი, მოსიყვარულე მამაკაცი აღარ არის. მთელმა საქართველომ იცის, როგორ უყვარდა მეუღლე ტანია ბუხბინდერი. ამ დროს რეალურ სამყაროში რჩებიან ისეთი ნაძირალები, რომლებიც ქალებს ძარცვავენ.
– ჟესტიკულაციის ენა სმენადაქვეითებულებისთვის გამოიყენეთ?
– ის ადამიანებიც, რომლებსაც სმენის და მეტყველების უნარი აქვთ შეზღუდული, გაიგებენ, რაზე ვმღერი. აქ არის გამოყენებული ყველა ის საკვანძო წინადადება, რაზეც შანდორ პეტეფის ლექსია აგებული. ვამაყობ, რომ ამ კლიპით სმენადაქვეითებულთა მიმართ სოლიდარობა გამოვხატე. ამით ჩემი მოქალაქეობრივი პოზიცია დავაფიქსირე. იმ ადამიანებს, ვისაც ასეთი პრობლემა აქვთ, მხარდაჭერა გამოვუცხადე.
– ია სუხიტაშვილმა ამ კლიპისთვის ისწავლა ჟესტების ენა?
– რასაკვირველია, იამ სპეციალურ სკოლაში იარა და ისწავლა.
– მაღალბიუჯეტიანი კლიპი ჩანს. რა სახსრებით მოახერხეთ ამის გაკეთება?
– არ ამომიჭრათ, რასაც ახლა ვიტყვი: ანრი ჯოხაძის კლიპებს ღირსეული და ჭკვიანი ადამიანები აფინანსებენ! მინდა, მადლობა ვუთხრა ბიზნესმენ რომან ფიფიას, რომელიც ფინანსურად დაგვიდგა გვერდში.
– ბარემ ისიც გვითხარით, რამდენი იყო კლიპის ბიუჯეტი.
– დაკონკრეტება საჭირო არ არის, რადგან სხვები ამას სათავისოდ გამოიყენებენ, თუმცა ერთს ნამდვილად დაგიდასტურებთ, რომ კლიპი საკმაოდ მაღალბიუჯეტიანია. ასევე კლინიკა, სადაც თავის დროზე თმა გადავინერგე, ფინანსურად გვერდში დამიდგა. რა პარადოქსულადაც უნდა ჟღერდეს, დღევანდელ გაბოროტებულ საქართველოში ასეთი მეცენატი ტიპები ჯერ კიდევ არსებობენ. ყველა ბიზნესმენს მოვუწოდებ, რომ ამ ადამიანებს მიჰბაძონ.
– თქვენ, როგორც მომღერალმა, იდეის ავტორმა და რეჟისორმა, ფინანსური მოგება ნახეთ?
– დამიჯერეთ – არა! ჩემი მოგება ყოველდღიური, სამოძრაო ხარჯი იყო. ფინანსები სად უნდა დავზოგო, ჩემს შემოქმედებაში?! ეს ხომ გამორიცხულია!
– როგორ შეძელით მსახიობი ქალების დათანხმება?
– ამ არაჩვეულებრივი ქალების ნაშრომში რაც ყველაზე მეტად მომწონს, ისაა, რომ მოძრაობა მინიმუმამდეა დაყვანილი, მარინა კახიანს არ ვგულისხმობ. უდავოა, რომ ისინი სუპერპროფესიონალები არიან. რაც შეეხება მათ დათანხმებას, აქ არის ნდობის ფაქტორი. ისინი იცნობენ ანრი ჯოხაძეს, როგორც პერსონას. დარწმუნებულები იყვნენ, რომ კლიპში ღირსეულად იქნებოდნენ წარმოჩენილი.
– სიმღერის არანჟირებაც თქვენ გეკუთვნით. არ ფიქრობთ, რომ საკუთარ თავზე ბევრს იღებთ?
– ის, რაც შემიძლია თავად ვაკეთო, სხვას რატომ უნდა ვანდო? ბერდია ბერიაშვილის ლექსზე მუსიკა თავად დავწერე. მისი არანჟირებაც მე მეკუთვნის.
– ალბათ ოქროს შუალედის დაჭერაც იყო საჭირო, რომ გურამ საღარაძეს თქვენი შემოქმედება არ დაეჩრდილა.
– ამ შემთხვევაში ყველაფერი ჩემზე იყო დამოკიდებული, ვცდილობდი, ყველაფერი სწორად დამებალანსებინა. გურამ საღარაძე იმდენად დიდია და ამოვარდნილია რაღაც ჩარჩოებიდან, ძნელია რამეში დაეწიო, მით უმეტეს, მაშინ, როცა ის აღარ არის ცოცხალი.
– ამ კლიპის შემდეგ თავს ფუფუნების საშუალება მიეცით – საქართველოს ჰიმნი ჩაწერეთ და კლიპიც გადაიღეთ. ამაზეც გვიამბეთ.
– საქართველოს ჰიმნის ჩაწერის იდეა უცებ გამიჩნდა და რომ არა რომან ფიფიას გადმორიცხული თანხა, რომელიც გურამ საღარაძის კლიპისთვის მივიღე, ვერაფერსაც ვიზამდი. სპონტანური ადამიანი ვარ, გამახსენდა, რომ ეს არავის გაუკეთებია, ჰიმნი ჩავწერე და მასზე კლიპიც გადავიღე. ხომ იცით, გახსნილი ადამიანი ვარ, სიმართლეს გეტყვით – ის ორიგინალი, კლასიკური ვერსია ძალიან ცუდი ჩანაწერია.
– ეს თქვენი მხრიდან ძალიან ხმამაღალ ნათქვამად ჟღერს.
– კი, ბატონო, ასეა! ჩვენ გვაქვს გენიალური ჰიმნი, უბრალოდ კლასიკური ვერსია თავიდან არის ჩასაწერი და ამაში ნებისმიერი პროფესიონალი მუსიკოსი დამეთანხმება. ეს არის ძალიან ცუდად ჩაწერილი ჰიმნი. ამით იმას არ ვამბობ და არც იმის პრეტენზია მაქვს, რომ საქართველოს ჰიმნის საუკეთესო შემსრულებელი ვარ. მე ვარ ესტრადის მომღერალი, რომელსაც ჰიმნის მღერა მოუნდა. მას კლასიკური ხაზი არ დავუკარგე და შევეცადე, რომ მოწოდების სიმაღლეზე ვყოფილიყავი.
ამ ყველაფერს კატასტროფულად მოკლე ხანში მოვაბი თავი. ჰიმნის ჩაწერის იდეა 24 მაისს მომივიდა, წავედი და ჩავწერე, 25 მაისს კლიპი გადავიღე, დავამონტაჟე და 26 მაისს, საქართველოს დამოუკიდებლობის დღეს, ჩემი ნამუშევარი ეთერში გავიდა. ეს ყველაფერი ჩემს ენერგიაზე და ფიზიკურ რესურსებზე იყო დამოკიდებული.
– ახლა თქვენგან რა სიახლის მოლოდინში უნდა ვიყოთ?
– სულ მალე ერთ დიდ სკანდალს გამოვაცხობ – ღირსეულს და ამავე დროს შოკისმომგვრელს. ეს იქნება გამაოგნებული იდეა, რომელიც წლებია აკვიატებული მაქვს და ახლა ვაპირებ ფრთების შესხმას. თუ მართლაც შევძელი, ვიქნები ყველაზე ბედნიერი ქართველი, პატრიოტი მომღერალი. ამ ყოველივეზე მე და თქვენ დეტალურად ვისაუბრებთ, ოღონდ მოგვიანებით.
– თქვენი ზაფხულის გეგმები როგორია?
– დასასვენებლად ბულგარეთში, ოქროს ქვიშებზე ვაპირებ წასვლას. ჩემმა მეგობარმა ტურისტულმა სააგენტომ რამდენიმე საგზური მაჩუქა. ერთი საგზურით მეტი მაქვს, ამიტომ სოციალური ქსელით გამოვაცხადე კასტინგი. მსურველების გამოხმაურების შემდეგ მოვიფიქრებ, ვის წავიყვან. არ აქვს მნიშვნელობა, ის ჩემი ახლო მეგობარი იქნება თუ სხვა. კანდიდატს ველოდები. ამ ეტაპზე ქველმოქმედების დიდი სურვილი ამ მცირე საჩუქრით მაქვს.
ლანა კიკნაძე
– ანრი, სოციალურ ქსელში თქვენს ბოლო კლიპზე ბევრი კომენტარი დაიწერა, უარყოფითს დადებითი აშკარად ჭარბობდა. თავად როგორ შეაფასებთ საკუთარ ნამუშევარს?
– პირველ რიგში, ვიტყვი, რომ ღმერთმა ძალიან დიდი შემოქმედებითი საჩუქარი გამომიგზავნა, ის, რაზეც ნებისმიერი შემოქმედი იოცნებებს. წლები რომ გავა, ჩემი ნამუშევრებით ვიამაყებ, ვიტრაბახებ კიდეც და ვიტყვი, აი, ეს მე გავაკეთე–მეთქი. წლების შემდეგ ეს სიმღერა და კლიპი თანამედროვე ქართული კულტურის მარგალიტი იქნება.
ამ ბოლო დროს ხშირად აღვნიშნავდი, რომ "ფეისბუქი" ბოროტების სავანედ გადაიქცა. ამ ქსელის საშუალებით დიდი დოზით ენთხევა ბოღმა და შური. კლიპის ტელეპრემიერის შემდეგ, არ იცით, ჩემი "ფეისბუქის" გვერდზე რა ხდებოდა. კლიპი ყველამ გაიზიარა, კეთილგანწყობა აშკარად იგრძნობოდა. მერე ვხუმრობდი, "ფეისბუქი" ერთი დღით მაინც ხომ გავაკეთილშობილე–მეთქი. უამრავი სითბო და სიყვარული მივიღე. ეს კლიპი ჩემს შემოქმედებაში კიდევ ერთი დიდი წინ გადადგმული ნაბიჯია.
– როგორ გაჩნდა ამ კლიპის შექმნის იდეა და როგორ განხორციელდა?
– მაშინ გურამ საღარაძე ცოცხალი იყო, მის ქალიშვილს, მარინას დავუკავშირდი და ჩემი იდეა გავანდე. ძალიან მოეწონა და გურამს დაელაპარაკა. ბატონ გურამს მოძრაობა უჭირდა, თუმცა მარინამ ის მაინც დაითანხმა. მოლაპარაკებიდან სამი დღის შემდეგ გადაღებები დავნიშნეთ, მაგრამ, სამწუხაროდ, ბატონი გურამი გარდაიცვალა... ეს იყო ჩემთვის ორმაგი ტრაგედია, პირველ რიგში, იმიტომ, რომ ასეთი არტისტი წავიდა ამქვეყნიდან და მეორე, მასთან თანამშრომლობა ვერ მოვასწარი.
თავს ვერ ვაპატიებდი, რომ ეს პროექტი არ გამეკეთებინა. სოციალურ ქსელებში გურამ საღარაძის მიერ წაკითხული პეტეფის ლექსის "მიყვარხარ ძლიერ, ძლიერ..." სხვადასხვა ვერსია რომ ვნახე, ფონად ყველას მუსიკა ედო. საბედნიეროდ, ერთადერთი მაღალი ხარისხის ჩანაწერი საზოგადოებრივი რადიოს არქივში აღმოჩნდა, 12 წლის წინ არის გაკეთებული.
– მსახიობის ოჯახის წევრებმა როგორ მიიღეს თქვენი ნამუშევარი?
– მათგან ძალიან დადებითი შეფასებები მივიღე. მარინა საღარაძე პროგრესულად მოაზროვნე ქალბატონია. ზუსტად მიხვდა, რას ვაკეთებდი და ბოლომდე გამომყვა. მადლობა მას!
– ალბათ ადვილი არ იქნებოდა, გურამ საღარაძის კადრები ხმისთვის ასე ოსტატურად დაგემთხვიათ.
– გეთანხმებით, ეს ცალკე პრობლემა იყო. გურამ საღარაძის მიერ ამ ლექსის კითხვის ვიდეოვერსია ძლივს მოვიძიე. მისი ისეთი კადრები მინდოდა, როგორიც ის სიცოცხლის ბოლოს იყო. ბატონი გურამის მთელი გენიალურობა იმაში იყო, რომ ლექსებს ყოველ ჯერზე სხვადასხვანაირად კითხულობდა. ამიტომაც კადრი და მისი პირის მოძრაობა რთული დასამთხვევი იყო. კლიპის გადაღებაზე რომ მიდგა საქმე, იდეა მომივიდა, რომ ეს აუცილებლად რუსთაველის თეატრის კედლებში ყოფილიყო. გადასაღებ მოედანზე მოვიწვიე ის ქალები, რომლებსაც სცენაზე ბატონ გურამთან უშუალო შეხება ჰქონდათ. იანვრიდან ივლისის ბოლომდე ამ პროექტს ვუტრიალებდი, მინდოდა, ისეთი გამოსულიყო, როგორიც ამ მსახიობს ეკადრებოდა.
– პირადად იცნობდით გურამ საღარაძეს?
– მასთან მეგობრობის შანსი არ მომცემია, სულ რამდენჯერმე შევხვედრივარ, მაგრამ, როცა ერთმანეთს ვხედავდით, თბილად მესალმებოდა, რაც ჩემთვის დიდ პატივი იყო.
– თქვენს კლიპში მინიშნებულია მსახიობის ერთ გატაცებაზეც – აზარტზე.
– კი, ბატონო, კლიპის ერთ–ერთ კადრში ხელი ჩანს, რომელიც ბანქოს ათამაშებს. ეს ყოველივე შეიძლება ცხოვრებისეულ თამაშსაც დავუკავშიროთ და პირად, ძალიან დიდ სიყვარულს აზარტული თამაშების მიმართ. კლიპში მინდოდა, გამომეყენებინა სიყვარულის გამოხატვის სხვადასხვა ფორმა. როცა მე ვმღერი და ბატონი გურამი კითხულობს, ია სუხიტაშვილი ჟესტების ენით საუბრობს, რაც ძალიან ემოციურია. თათული დოლიძე უსინათლო ქალის როლს საოცრად თამაშობს. ქეთი სვანიძე ჩელოსთან ზის, თითქოს არაფერს აკეთებს, მაგრამ თვალებით გელაპარაკება, მასში დიდი ვნება დევს. მარინა კახიანი არის ქალი მსხვერპლი, მისი სცენის დროს სპეციალურად გამოვიყენე ნიღაბაფარებული ბიჭები. ეს სცენა გამოხატავს მამაკაცების არასწორ საქციელს ქალების მიმართ. აქ პარალელიც არის გავლებული, რომ გურამ საღარაძისნაირი რაინდი, მოსიყვარულე მამაკაცი აღარ არის. მთელმა საქართველომ იცის, როგორ უყვარდა მეუღლე ტანია ბუხბინდერი. ამ დროს რეალურ სამყაროში რჩებიან ისეთი ნაძირალები, რომლებიც ქალებს ძარცვავენ.
– ჟესტიკულაციის ენა სმენადაქვეითებულებისთვის გამოიყენეთ?
– ის ადამიანებიც, რომლებსაც სმენის და მეტყველების უნარი აქვთ შეზღუდული, გაიგებენ, რაზე ვმღერი. აქ არის გამოყენებული ყველა ის საკვანძო წინადადება, რაზეც შანდორ პეტეფის ლექსია აგებული. ვამაყობ, რომ ამ კლიპით სმენადაქვეითებულთა მიმართ სოლიდარობა გამოვხატე. ამით ჩემი მოქალაქეობრივი პოზიცია დავაფიქსირე. იმ ადამიანებს, ვისაც ასეთი პრობლემა აქვთ, მხარდაჭერა გამოვუცხადე.
– ია სუხიტაშვილმა ამ კლიპისთვის ისწავლა ჟესტების ენა?
– რასაკვირველია, იამ სპეციალურ სკოლაში იარა და ისწავლა.
– მაღალბიუჯეტიანი კლიპი ჩანს. რა სახსრებით მოახერხეთ ამის გაკეთება?
– არ ამომიჭრათ, რასაც ახლა ვიტყვი: ანრი ჯოხაძის კლიპებს ღირსეული და ჭკვიანი ადამიანები აფინანსებენ! მინდა, მადლობა ვუთხრა ბიზნესმენ რომან ფიფიას, რომელიც ფინანსურად დაგვიდგა გვერდში.
– ბარემ ისიც გვითხარით, რამდენი იყო კლიპის ბიუჯეტი.
– დაკონკრეტება საჭირო არ არის, რადგან სხვები ამას სათავისოდ გამოიყენებენ, თუმცა ერთს ნამდვილად დაგიდასტურებთ, რომ კლიპი საკმაოდ მაღალბიუჯეტიანია. ასევე კლინიკა, სადაც თავის დროზე თმა გადავინერგე, ფინანსურად გვერდში დამიდგა. რა პარადოქსულადაც უნდა ჟღერდეს, დღევანდელ გაბოროტებულ საქართველოში ასეთი მეცენატი ტიპები ჯერ კიდევ არსებობენ. ყველა ბიზნესმენს მოვუწოდებ, რომ ამ ადამიანებს მიჰბაძონ.
– თქვენ, როგორც მომღერალმა, იდეის ავტორმა და რეჟისორმა, ფინანსური მოგება ნახეთ?
– დამიჯერეთ – არა! ჩემი მოგება ყოველდღიური, სამოძრაო ხარჯი იყო. ფინანსები სად უნდა დავზოგო, ჩემს შემოქმედებაში?! ეს ხომ გამორიცხულია!
– როგორ შეძელით მსახიობი ქალების დათანხმება?
– ამ არაჩვეულებრივი ქალების ნაშრომში რაც ყველაზე მეტად მომწონს, ისაა, რომ მოძრაობა მინიმუმამდეა დაყვანილი, მარინა კახიანს არ ვგულისხმობ. უდავოა, რომ ისინი სუპერპროფესიონალები არიან. რაც შეეხება მათ დათანხმებას, აქ არის ნდობის ფაქტორი. ისინი იცნობენ ანრი ჯოხაძეს, როგორც პერსონას. დარწმუნებულები იყვნენ, რომ კლიპში ღირსეულად იქნებოდნენ წარმოჩენილი.
– სიმღერის არანჟირებაც თქვენ გეკუთვნით. არ ფიქრობთ, რომ საკუთარ თავზე ბევრს იღებთ?
– ის, რაც შემიძლია თავად ვაკეთო, სხვას რატომ უნდა ვანდო? ბერდია ბერიაშვილის ლექსზე მუსიკა თავად დავწერე. მისი არანჟირებაც მე მეკუთვნის.
– ალბათ ოქროს შუალედის დაჭერაც იყო საჭირო, რომ გურამ საღარაძეს თქვენი შემოქმედება არ დაეჩრდილა.
– ამ შემთხვევაში ყველაფერი ჩემზე იყო დამოკიდებული, ვცდილობდი, ყველაფერი სწორად დამებალანსებინა. გურამ საღარაძე იმდენად დიდია და ამოვარდნილია რაღაც ჩარჩოებიდან, ძნელია რამეში დაეწიო, მით უმეტეს, მაშინ, როცა ის აღარ არის ცოცხალი.
– ამ კლიპის შემდეგ თავს ფუფუნების საშუალება მიეცით – საქართველოს ჰიმნი ჩაწერეთ და კლიპიც გადაიღეთ. ამაზეც გვიამბეთ.
– საქართველოს ჰიმნის ჩაწერის იდეა უცებ გამიჩნდა და რომ არა რომან ფიფიას გადმორიცხული თანხა, რომელიც გურამ საღარაძის კლიპისთვის მივიღე, ვერაფერსაც ვიზამდი. სპონტანური ადამიანი ვარ, გამახსენდა, რომ ეს არავის გაუკეთებია, ჰიმნი ჩავწერე და მასზე კლიპიც გადავიღე. ხომ იცით, გახსნილი ადამიანი ვარ, სიმართლეს გეტყვით – ის ორიგინალი, კლასიკური ვერსია ძალიან ცუდი ჩანაწერია.
– ეს თქვენი მხრიდან ძალიან ხმამაღალ ნათქვამად ჟღერს.
– კი, ბატონო, ასეა! ჩვენ გვაქვს გენიალური ჰიმნი, უბრალოდ კლასიკური ვერსია თავიდან არის ჩასაწერი და ამაში ნებისმიერი პროფესიონალი მუსიკოსი დამეთანხმება. ეს არის ძალიან ცუდად ჩაწერილი ჰიმნი. ამით იმას არ ვამბობ და არც იმის პრეტენზია მაქვს, რომ საქართველოს ჰიმნის საუკეთესო შემსრულებელი ვარ. მე ვარ ესტრადის მომღერალი, რომელსაც ჰიმნის მღერა მოუნდა. მას კლასიკური ხაზი არ დავუკარგე და შევეცადე, რომ მოწოდების სიმაღლეზე ვყოფილიყავი.
ამ ყველაფერს კატასტროფულად მოკლე ხანში მოვაბი თავი. ჰიმნის ჩაწერის იდეა 24 მაისს მომივიდა, წავედი და ჩავწერე, 25 მაისს კლიპი გადავიღე, დავამონტაჟე და 26 მაისს, საქართველოს დამოუკიდებლობის დღეს, ჩემი ნამუშევარი ეთერში გავიდა. ეს ყველაფერი ჩემს ენერგიაზე და ფიზიკურ რესურსებზე იყო დამოკიდებული.
– ახლა თქვენგან რა სიახლის მოლოდინში უნდა ვიყოთ?
– სულ მალე ერთ დიდ სკანდალს გამოვაცხობ – ღირსეულს და ამავე დროს შოკისმომგვრელს. ეს იქნება გამაოგნებული იდეა, რომელიც წლებია აკვიატებული მაქვს და ახლა ვაპირებ ფრთების შესხმას. თუ მართლაც შევძელი, ვიქნები ყველაზე ბედნიერი ქართველი, პატრიოტი მომღერალი. ამ ყოველივეზე მე და თქვენ დეტალურად ვისაუბრებთ, ოღონდ მოგვიანებით.
– თქვენი ზაფხულის გეგმები როგორია?
– დასასვენებლად ბულგარეთში, ოქროს ქვიშებზე ვაპირებ წასვლას. ჩემმა მეგობარმა ტურისტულმა სააგენტომ რამდენიმე საგზური მაჩუქა. ერთი საგზურით მეტი მაქვს, ამიტომ სოციალური ქსელით გამოვაცხადე კასტინგი. მსურველების გამოხმაურების შემდეგ მოვიფიქრებ, ვის წავიყვან. არ აქვს მნიშვნელობა, ის ჩემი ახლო მეგობარი იქნება თუ სხვა. კანდიდატს ველოდები. ამ ეტაპზე ქველმოქმედების დიდი სურვილი ამ მცირე საჩუქრით მაქვს.
ლანა კიკნაძე
