როგორ გამოვიყურებოდეთ კარგად პირველი ღამის შემდეგ?

საყვარელ მამაკაცთან პირველი ღამის შემდეგ, ალბათ, ყველა ქალი ერთსა და იმავე პრობლემის წინაშე დგება: როგორ გამოვიყურებოდეთ კარგად მგზნებარე ღამის შემდეგ, დილით ხომ ბევრი საღამოს მაკიაჟის ნარჩენებითა და გაწეწილი თმით იღვიძებს.
სხვა სიტყვებით რომ ვთქვათ, დილით ისე არ გამოვიყურებით, როგორც წინა საღამოს, ინტიმური პაემნის წინ, მაგრამ ყველაფერს მარტივად უნდა შევხედოთ. მთავარია - წინასწარ სათანადოდ მოვემზადოთ.

პრობლემა: უსიამოვნო სუნი პირში

არაფერი იმაზე ცუდი არ არის, ვიდრე დილით პირში უსიამოვნო სუნით გაღვიძება. ალბათ, დილის კოცნა ისეთი ვნებიანი აღარ იქნება, როგორიც წინა ღამის, მაგრამ არსებობს პრობლემის სამი მომენტალური გადაწყვეტა.

გამოსავალი #1: თან ატარეთ სამგზავრო, პატარა კბილის ჯაგრისი. ისინი ყველგან იყიდება და ქალის ყველაზე პატარა ჩანთაშიც ეტევა. მანამ პარტნიორი გაიღვიძებს, შეუმჩნევლად შეიპარეთ სააბაზანოში და გაიხეხეთ კბილები.

გამოსავალი #2: მენთოლიანი კანფეტები. ეს ვარიანტი ნაკლებად ეფექტურია, ვიდრე კბილის ჯაგრისი, მაგრამ ისიც გაუმკლავდება უსიამოვნო სუნს პირში.

გამოსავალი #3: თითი ჯაგრისის ნაცვლად. ალბათ, ამ მეთოდით ბევრს უსარგებლია. როცა ხელთ ჯაგრისი არ გაქვთ, შეგიძლიათ, თითი გამოიყენოთ მის ნაცვლად. ეს ბევრად უკეთესია, ვიდრე უსიამოვნო სუნი პირიდან.

პრობლემა: რა გვეცვას

არავინ იცის, რა იქნება სექსის შემდეგ, მაგრამ მომზადებული რომ უნდა შეხვდეთ პირველ ღამეს და დილასაც, ეს ფაქტია.

გამოსავალი #1: ლამაზი საცვალი. არ ღირს მთელი ჩემოდნით წასვლა პაემანზე, თორემ მამაკაცი იფიქრებს, მასთან სამუდამოდ აპირებთ გადაბარგებას. პიჟამებით, ღამის პერანგებით და სხვა ნივთებით ნუ გატენით ჩანთას.

საკმარისი იქნება, ერთი წყვილი ახალი თეთრეული გაიყოლოთ თან. მგზნებარე სიყვარულის ღამის შემდეგ სექსუალური საცვლის ჩაცმას სჯობს, მოსახერხებელი და საყვარელი შორტებით შეიმოსოთ.

გამოსავალი #2: მისი ტანსაცმელი. ალბათ, რომანტიკულ ფილმებში გინახავთ, სასიყვარულო ღამის შემდეგ ქალს მამაკაცის პერანგი რომ აცვია. იმისათვის, რომ მამაკაცი კიდევ უფრო მოხიბლოთ, ცუდი არ იქნება, ჩაიცვათ მისი პერანგი, პიჟამა ან მაისური. ძლიერ სქესს ეს ძალიან სექსუალურად მიაჩნია.

პრობლემა: მოვლილი სახე

ძალიან ძნელია, სასიყვარულო ღამის შემდეგ გამოუძინებელი ისე გამოიყურებოდეთ, თითქოს პოდიუმზე გადიხართ. ამიტომაც საჭიროა, გამოიცოცხლოთ სახე. ამის გაკეთება კი ძნელი სულაც არ არის.

გამოსავალი #1: ტონალური კრემი და ტუჩის ბალზამი. ეს ნივთები ყოველთვის უნდა მოიძებნებოდეს ქალის ჩანთაში, განსაკუთრებით მაშინ, თუ დარწმუნებული არ ხართ, ღამეს სახლში რომ გაათევთ. ტონალურ კრემს შეუძლია გამოგიცოცხლოთ სახის ფერი, ტუჩის მბზინავი საცხი კი უფრო რომანტიკულ გამომეტყველებას შეგძენთ, ტუჩებს კი დაანაზებს.

გამოსავალი #2: გაწმენდა. თუ ღამით მაკიაჟის ჩამოშორება ვერ მოახერხეთ, მაშინ ამის გაკეთება ადრიანადვე მოგიწევთ. უმჯობესია, რომ პარტნიორმა არ ნახოს ეს "გოთიკური" სახე ჩამოდღაბნილი ტუშითა და გადღაბნილი პომადით. სუფთა სახის კანით ბევრად მომხიბვლელი იქნებით დილით. თუ თავის დაბანის საშუალება არ გაქვთ, შეგიძლიათ ისარგებლოთ მშრალი შამპუნით. ის თმას მომენტალურად დაუბრუნებს ფორმას.

ქალის სილამაზის საფუძვლები

მაშ ასე, არ არის საჭირო, ადგეთ გამთენიის 5 საათზე და თავის ზედმიწევნით მოვლას შეუდგეთ. ახალი მაკიაჟის გაკეთება, საღამოს კაბაში გამოწყობა და თმის დაყენება საჭირო სულაც არ არის. ეს პარტნიორს არ მოეწონება და დააფრთხობს კიდეც მას.

საკმარისი იქნება, რომ სახის კანი იყოს სუფთა, ხასხასა ფერის და დამშვიდებული. რა თქმა უნდა, რამდენიმე იმ ხრიკის გამოყენებაც აუცილებელია, რომელიც მამაკაცისთვის შეუმჩნეველი იქნება. ეს სახის კანის ცოცხალ ფერსა და ნაზ, რბილი ტუჩებს ეხება. მთავარია - დილით იყოთ ბუნებრივი და არა ვულგარული.

და კიდევ - საკუთარ თავში დარწმუნებული. სწორედ ამის საშუალებით შეძლებთ კვლავ მიიპყროთ მამაკაცის ყურადღება და დილიდანვე მისი გული ისევ ააძგეროთ.