ვერიკო ტურაშვილი შეყვარებულია
3 387 ნახვა
6 წლის წინ, როცა მომღერალ ვერიკო ტურაშვილის ცხოვრებაში ყველაფერი – პირადულიც და შემოქმედებითიც – ის–ის იყო იწყებოდა და ახალგაზრდა ქალი წინ იმედებითა და ოცნებებით იყურებოდა, მოულოდნელი განსაცდელი დაატყდა თავს – ქმარი გარდაეცვალა. ვერიკო 3 წლის შვილით მარტო დარჩა. საბედნიეროდ, მის ცხოვრებაში მეგობრები ყოველთვის დიდ როლს თამაშობდნენ და, რაც მთავარია, მასთან ყოველთვის არის სიმღერა. ის მძიმე პერიოდიც სიმღერით გადალახა. რაც უფრო უჭირდა, მით უფრო მეტს მღეროდა. დღეს კი მის ცხოვრებაში ახალი სიყვარულია. ამის შესახებ ვერიკომ "სარკესთან" გაამხილა.
– ვერიკო, როგორი ზაფხული გაქვთ, რას აპირებთ ამ ცხელ სეზონზე?
– წინასწარ დაგეგმილი ცხოვრება ნამდვილად არ მაქვს, ერთი კი დაზუსტებით ვიცი, ამ ზაფხულს შვილთან ერთად დავისვენებ. პარალელურად თუ სამუშაო მექნება, ძალიან გამიხარდება, ჩემთვის ეს ყველაზე კარგი ვარიანტია. ბოლო პერიოდში ბევრს ვმუშაობ, ორი ვიდეოკლიპი გადავიღე და რეპერტუარიც განვაახლე. ერთ–ერთ რეპერთან დუეტს ვწერ, თუმცა არა მგონია, ამ ზაფხულს კლიპის გადაღება მოვასწრო.
– თქვენს კლიპს "რაც ამქვეყნად სიყვარული მეფობს", რომლის რეჟისორიც ანრი ჯოხაძეა, როგორი გამოხმაურებები მოჰყვა, კმაყოფილი ხართ? გოგი დოლიძის შემდეგ მისი შესრულება, თანაც ქალისგან, ცოტა სახიფათო ნაბიჯი იყო.
– რა თქმა უნდა, ამ სიმღერის შესრულება რისკთან იყო დაკავშირებული. სიმართლე გითხრათ, ვნერვიულობდი, მაგრამ ანრი მაწყნარებდა. ეს ის სიმღერაა, რომელიც ჩვენი მშობლების თაობას ძალიან უყვარს. ყველაზე მნიშვნელოვანი კი ავტორის, მარინა ლეკიშვილის აზრი იყო, რომელმაც მოიწონა. პრინციპში, საზოგადოებისგან კრიტიკა არ მიგვიღია. უამრავი კომპლიმენტი მითხრეს, თუ სამ–ოთხ უარყოფით შეფასებას არ ჩავთვლით.
– მომღერლებს ცუდ ტონად უთვლიან ძველი სიმღერების ახლებურად გაჟღერებას, ე.წ. რემიქსს. თქვენ ამაზე რას ფიქრობთ?
– რატომაც არ უნდა ვიმღეროთ ძველი სიმღერები?! ახალმა თაობამ "რაც ამქვეყნად სიყვარული მეფობს" საერთოდ არ იცოდა. თუ ძველს კარგად იმღერებ და ამ ყველაფერს კარგად გააკეთებენ, რატომაც არა! თანაც, ჩვენ ეს სიმღერა არ გადაგვიკეთებია, არ გაგვირემიქსებია, უბრალოდ სხვანაირი არანჟირება გავუკეთეთ. სიმღერა არ დავარღვიეთ. ანრის სჩვევია გადახვევები, მაგრამ ამ შემთხვევაში სიმღერა ჩუმად დაიწყო და ჩუმად დამთავრდა.
– როგორია ანრის და თქვენი ურთიერთობა საქმის მიღმა?
– საბედნიეროდ, ანრის მცირერიცხოვან მეგობართა შორის მეც ვარ. ის ჩემთვის მეგობარიც არის, ძმაც და მამაც. როგორც ყველაფერში, მეგობრობაშიც ძალიან ნიჭიერია. ამ ადამიანმა ყველაფერი თავისით გააკეთა. ის ვალდებული და იძულებულიც იყო, რომ ესწავლა არანჟირება, კამერის დაჭერა, კამერის უკან დგომა. მარტომ მიაღწია ყველაფერს. ბავშვობიდან ვიცნობთ ერთმანეთს.
– ჩვენს შოუბიზნესში ძალიან იშვიათია, ერთი მომღერალი მეორის პრომოუშენზე რომ ზრუნავდეს.
– გამიმართლა, რომ ასეთი ადამიანები მყავს გვერდით. წლების წინ, როცა პირველ ნაბიჯებს ვდგამდი, ჩემი პატრონი აჩიკო მეფარიძე იყო, დღეს კი ანრი მიდგას გვერდში. გამიმართლა, რომ ცხოვრებაში ასეთი ადამიანები შემხვდნენ.
– ისიც გამართლებაა, რომ კლიპში ვარსკვლავების გვერდით იმუშავეთ – ოთარ მეღვინეთუხუცესი, ლეილა აბაშიძე, კახი კავსაძე, გივი ბერიკაშვილი, გურანდა გაბუნია...
– გადასაღებ მოედანზე მხოლოდ ლეილა აბაშიძე რომ მოსულიყო, მაინც ყველაზე ბედნიერი ვიქნებოდი. თქვენ წარმოიდგინეთ, სრულიად ვარსკვლავეთი დაგვთანხმდა. ყველაზე დიდი ბედნიერება ამ კორიფეების შეფასებები და დამოკიდებულება იყო.
– ოთარ მეღვინეთუხუცესი დღეს ცოცხალი აღარ არის. როგორი იყო დიდი მსახიობი მუშაობის პროცესში?
– ოთარ მეღვინეთუხუცესს იმ დროს ჯანმრთელობის სერიოზული პრობლემა ჰქონდა. ქალბატონმა გურანდამ ძალიან სთხოვა, ჩვენს პროექტში მიეღო მონაწილეობა. დაგვთანხმდა, მივედით მარჯანიშვილის თეატრში და რეპეტიციის დროს გადავიღეთ. სამწუხაროდ, მისი კადრების გადაღებას ვერ დავესწარი.
– პირადი ცხოვრებაშიც ასეთი აქტიური ეტაპი გიდგათ, როგორც საქმეში? ვიცი, რომ შეყვარებული ხართ.
– ალბათ ისიც იცით, რომ ჩემს პირად ცხოვრებაზე საუბარი არ მიყვარს, თუმცა ერთს გეტყვით, არის მამაკაცი, რომელთანაც თავს კარგად ვგრძნობ, ეს ის მაქსიმუმია, რისი თქმაც შემიძლია ჩემს პირადზე.
– ამ ურთიერთობამ თქვენი ცხოვრება შეცვალა?
– ამ ბოლო პერიოდში გამოვცოცხლდი, ცუდად ყოფნას გამოვემშვიდობე. მეგობრები მეუბნებიან, ძველი ვერიკო დაგვიბრუნდაო. რაც ყველაზე მთავარია, თავს კარგად ვგრძნობ.
– ოჯახის შექმნის დროს ალბათ შვილის აზრი ყველაზე პრიორიტეტული იქნება თქვენთვის.
– ეს საკითხი დღის წესრიგში არ დამდგარა, როცა ამის ჯერი მოვა, რა თქმა უნდა, ჩემი შვილის აზრი ყველაზე მნიშვნელოვანი იქნება. შევეცდები, ავუხსნა და თუ ლიზას ცუდი რეაქცია ექნება, მის ნებას დავემორჩილები.
– ანუ, თუ მას უარყოფითი რეაქცია ექნება, სიყვარულზე უარს იტყვით?
– დიახ, ლიზას აზრი ჩემთვის ძალიან მნიშვნელოვანია. კაცს, რომელსაც ცხოვრებას დავუკავშირებ, ძალიან მნიშნელოვანია, ჩემი შვილი უყვარდეს. ლიზას მამას ვერავინ შეუცვლის, მაგრამ ჩემს მეორე ნახევარს შვილთან ერთად უნდა ვუყვარდე.
– გიჭირთ მარტოხელობა დედობა?
– დედის როლს თავს მშვენივრად ვართმევ. ძიძა არასოდეს მყოლია, ლიზას ჰყავს ორი არაჩვეულებრივი ბებო. ჩემი შვილის გაზრდაში მათ დიდი წვლილი მიუძღვით. ვისაც როგორ შეგვიძლია, ისე ვერგებით ლიზას გრაფიკს. გასეირნება, კინოში, დაბადების დღეზე წაყვანა – ეს პუნქტები მხოლოდ და მხოლოდ მე მეხება. არ მიყვარს, როცა ლიზა ჩემ გარეშე სადმე მიჰყავთ. როდესაც საქმეზე ვარ, მინდა, ამ დროს სახლში იყოს ჩაკეტილი. ლიზა 9 წლისაა. ეს ის ასაკია, როცა ბავშვს დედის ზრუნვა და ყურადღება ძალიან სჭირდება. მუსიკალურ სკოლაშიც დადის. სურვილი აქვს, რომ იმღეროს, თუმცა ვერ ვიტყვი, რომ ამ მხრივ სერიოზული ნაბიჯები გადავდგით.
– სიმღერის მონაცემები აქვს?
– იყო პერიოდი, როცა მასში ამის პოტენციალს ვერ ვხედავდი, მაგრამ ახლა მგონია, რომ შეიძლება ვცადოთ. არ არის აუცილებელი, ვერიკოს შვილმა იმღეროს. თუ კარგად არ იმღერებს, პირველი მე ვიქნები, რომელიც ხელს შეუშლის და ამ საქმეს ჩამოაშორებს. ამ ეტაპზე კი შევეცდები, ხელი შევუწყო. ვნახოთ, რა გამოვა.
– ლიზა როგორ აღიქვამს იმ ფაქტს, რომ მამა ცოცხალი არ არის?
– როცა ეს ამბავი მოხდა, ლიზა ძალიან პატარა იყო და ამიტომ მამა ბუნდოვნად ახსოვს. მას შემდეგ 6 წელი გავიდა. აქვს პერიოდები, როცა მამას ახსენებს, მაგრამ ცდილობს, ჩემთან და ბებოსთან ამ თემაზე იშვიათად წამოიწყოს საუბარი, რადგან იცის, როგორი მტკივნეულია ჩვენთვის. მიფრთხილდება და ცდილობს, მამა ხშირად არ ახსენოს. თუმცა, როცა სიცხე აქვს, ეს გარდაუვალია. ეს ის შემთხვევაა, როცა ლიზა განსაკუთრებული სიხშირით კითხულობს მამას.
– თქვენს ცხოვრებაში ყველაზე დიდ მიღწევად რას მიიჩნევთ?
– იმას, რომ არაჩვეულებრივი გოგონა მყავს. რაც შეეხება საქმეს, აქაც გამიმართლა. გზა, რომელიც გამოვიარე, სულაც არ იყო ეკლიანი. მეგობრების დახმარებით, ძალიან გამიადვილდა იმის მიღწევა, რაც დღეს მაქვს. ჩემი წარმატების ფორმულა იღბალია, ნიჭს, შესაძლებლობებს და შრომისმოყვარეობას აღარ ვთვლი. ბევრი პრობლემა მქონია და რომ მეგონა, ყველაფერი დასრულდა, ღვთის ნებით ყველაფერი ლაგდებოდა და ახლაც ასეა. მგონია, რომ ღმერთი არასდროს მტოვებს, ჩემი მეგობარი ზუზუ (მსახიობი ზაზა ბეჟაშვილი, ავტ.) დამცინის ხოლმე, ღმერთი ამხანაგად ნუ გაიხადეო.
– წლებისა და გამოცდილების დაგროვების შემდეგ თქვენში რისი გადაფასება მოხდა?
– ადამიანების, ურთიერთობების! არ ვიცი, ბევრს ვითხოვ მეგობრებისგან? ისე ხდება, რომ ვიღაცეები თავისთავად მიდიან. პრინციპში, ფილტრაცია საჭიროა. ახლა უკვე აღარ მინდა, ჩემი ნამდვილი მეგობრების სიას ვინმე გამოაკლდეს.
ლანა კიკნაძე
– ვერიკო, როგორი ზაფხული გაქვთ, რას აპირებთ ამ ცხელ სეზონზე?
– წინასწარ დაგეგმილი ცხოვრება ნამდვილად არ მაქვს, ერთი კი დაზუსტებით ვიცი, ამ ზაფხულს შვილთან ერთად დავისვენებ. პარალელურად თუ სამუშაო მექნება, ძალიან გამიხარდება, ჩემთვის ეს ყველაზე კარგი ვარიანტია. ბოლო პერიოდში ბევრს ვმუშაობ, ორი ვიდეოკლიპი გადავიღე და რეპერტუარიც განვაახლე. ერთ–ერთ რეპერთან დუეტს ვწერ, თუმცა არა მგონია, ამ ზაფხულს კლიპის გადაღება მოვასწრო.
– თქვენს კლიპს "რაც ამქვეყნად სიყვარული მეფობს", რომლის რეჟისორიც ანრი ჯოხაძეა, როგორი გამოხმაურებები მოჰყვა, კმაყოფილი ხართ? გოგი დოლიძის შემდეგ მისი შესრულება, თანაც ქალისგან, ცოტა სახიფათო ნაბიჯი იყო.
– რა თქმა უნდა, ამ სიმღერის შესრულება რისკთან იყო დაკავშირებული. სიმართლე გითხრათ, ვნერვიულობდი, მაგრამ ანრი მაწყნარებდა. ეს ის სიმღერაა, რომელიც ჩვენი მშობლების თაობას ძალიან უყვარს. ყველაზე მნიშვნელოვანი კი ავტორის, მარინა ლეკიშვილის აზრი იყო, რომელმაც მოიწონა. პრინციპში, საზოგადოებისგან კრიტიკა არ მიგვიღია. უამრავი კომპლიმენტი მითხრეს, თუ სამ–ოთხ უარყოფით შეფასებას არ ჩავთვლით.
– მომღერლებს ცუდ ტონად უთვლიან ძველი სიმღერების ახლებურად გაჟღერებას, ე.წ. რემიქსს. თქვენ ამაზე რას ფიქრობთ?
– რატომაც არ უნდა ვიმღეროთ ძველი სიმღერები?! ახალმა თაობამ "რაც ამქვეყნად სიყვარული მეფობს" საერთოდ არ იცოდა. თუ ძველს კარგად იმღერებ და ამ ყველაფერს კარგად გააკეთებენ, რატომაც არა! თანაც, ჩვენ ეს სიმღერა არ გადაგვიკეთებია, არ გაგვირემიქსებია, უბრალოდ სხვანაირი არანჟირება გავუკეთეთ. სიმღერა არ დავარღვიეთ. ანრის სჩვევია გადახვევები, მაგრამ ამ შემთხვევაში სიმღერა ჩუმად დაიწყო და ჩუმად დამთავრდა.
– როგორია ანრის და თქვენი ურთიერთობა საქმის მიღმა?
– საბედნიეროდ, ანრის მცირერიცხოვან მეგობართა შორის მეც ვარ. ის ჩემთვის მეგობარიც არის, ძმაც და მამაც. როგორც ყველაფერში, მეგობრობაშიც ძალიან ნიჭიერია. ამ ადამიანმა ყველაფერი თავისით გააკეთა. ის ვალდებული და იძულებულიც იყო, რომ ესწავლა არანჟირება, კამერის დაჭერა, კამერის უკან დგომა. მარტომ მიაღწია ყველაფერს. ბავშვობიდან ვიცნობთ ერთმანეთს.
– ჩვენს შოუბიზნესში ძალიან იშვიათია, ერთი მომღერალი მეორის პრომოუშენზე რომ ზრუნავდეს.
– გამიმართლა, რომ ასეთი ადამიანები მყავს გვერდით. წლების წინ, როცა პირველ ნაბიჯებს ვდგამდი, ჩემი პატრონი აჩიკო მეფარიძე იყო, დღეს კი ანრი მიდგას გვერდში. გამიმართლა, რომ ცხოვრებაში ასეთი ადამიანები შემხვდნენ.
– ისიც გამართლებაა, რომ კლიპში ვარსკვლავების გვერდით იმუშავეთ – ოთარ მეღვინეთუხუცესი, ლეილა აბაშიძე, კახი კავსაძე, გივი ბერიკაშვილი, გურანდა გაბუნია...
– გადასაღებ მოედანზე მხოლოდ ლეილა აბაშიძე რომ მოსულიყო, მაინც ყველაზე ბედნიერი ვიქნებოდი. თქვენ წარმოიდგინეთ, სრულიად ვარსკვლავეთი დაგვთანხმდა. ყველაზე დიდი ბედნიერება ამ კორიფეების შეფასებები და დამოკიდებულება იყო.
– ოთარ მეღვინეთუხუცესი დღეს ცოცხალი აღარ არის. როგორი იყო დიდი მსახიობი მუშაობის პროცესში?
– ოთარ მეღვინეთუხუცესს იმ დროს ჯანმრთელობის სერიოზული პრობლემა ჰქონდა. ქალბატონმა გურანდამ ძალიან სთხოვა, ჩვენს პროექტში მიეღო მონაწილეობა. დაგვთანხმდა, მივედით მარჯანიშვილის თეატრში და რეპეტიციის დროს გადავიღეთ. სამწუხაროდ, მისი კადრების გადაღებას ვერ დავესწარი.
– პირადი ცხოვრებაშიც ასეთი აქტიური ეტაპი გიდგათ, როგორც საქმეში? ვიცი, რომ შეყვარებული ხართ.
– ალბათ ისიც იცით, რომ ჩემს პირად ცხოვრებაზე საუბარი არ მიყვარს, თუმცა ერთს გეტყვით, არის მამაკაცი, რომელთანაც თავს კარგად ვგრძნობ, ეს ის მაქსიმუმია, რისი თქმაც შემიძლია ჩემს პირადზე.
– ამ ურთიერთობამ თქვენი ცხოვრება შეცვალა?
– ამ ბოლო პერიოდში გამოვცოცხლდი, ცუდად ყოფნას გამოვემშვიდობე. მეგობრები მეუბნებიან, ძველი ვერიკო დაგვიბრუნდაო. რაც ყველაზე მთავარია, თავს კარგად ვგრძნობ.
– ოჯახის შექმნის დროს ალბათ შვილის აზრი ყველაზე პრიორიტეტული იქნება თქვენთვის.
– ეს საკითხი დღის წესრიგში არ დამდგარა, როცა ამის ჯერი მოვა, რა თქმა უნდა, ჩემი შვილის აზრი ყველაზე მნიშვნელოვანი იქნება. შევეცდები, ავუხსნა და თუ ლიზას ცუდი რეაქცია ექნება, მის ნებას დავემორჩილები.
– ანუ, თუ მას უარყოფითი რეაქცია ექნება, სიყვარულზე უარს იტყვით?
– დიახ, ლიზას აზრი ჩემთვის ძალიან მნიშვნელოვანია. კაცს, რომელსაც ცხოვრებას დავუკავშირებ, ძალიან მნიშნელოვანია, ჩემი შვილი უყვარდეს. ლიზას მამას ვერავინ შეუცვლის, მაგრამ ჩემს მეორე ნახევარს შვილთან ერთად უნდა ვუყვარდე.
– გიჭირთ მარტოხელობა დედობა?
– დედის როლს თავს მშვენივრად ვართმევ. ძიძა არასოდეს მყოლია, ლიზას ჰყავს ორი არაჩვეულებრივი ბებო. ჩემი შვილის გაზრდაში მათ დიდი წვლილი მიუძღვით. ვისაც როგორ შეგვიძლია, ისე ვერგებით ლიზას გრაფიკს. გასეირნება, კინოში, დაბადების დღეზე წაყვანა – ეს პუნქტები მხოლოდ და მხოლოდ მე მეხება. არ მიყვარს, როცა ლიზა ჩემ გარეშე სადმე მიჰყავთ. როდესაც საქმეზე ვარ, მინდა, ამ დროს სახლში იყოს ჩაკეტილი. ლიზა 9 წლისაა. ეს ის ასაკია, როცა ბავშვს დედის ზრუნვა და ყურადღება ძალიან სჭირდება. მუსიკალურ სკოლაშიც დადის. სურვილი აქვს, რომ იმღეროს, თუმცა ვერ ვიტყვი, რომ ამ მხრივ სერიოზული ნაბიჯები გადავდგით.
– სიმღერის მონაცემები აქვს?
– იყო პერიოდი, როცა მასში ამის პოტენციალს ვერ ვხედავდი, მაგრამ ახლა მგონია, რომ შეიძლება ვცადოთ. არ არის აუცილებელი, ვერიკოს შვილმა იმღეროს. თუ კარგად არ იმღერებს, პირველი მე ვიქნები, რომელიც ხელს შეუშლის და ამ საქმეს ჩამოაშორებს. ამ ეტაპზე კი შევეცდები, ხელი შევუწყო. ვნახოთ, რა გამოვა.
– ლიზა როგორ აღიქვამს იმ ფაქტს, რომ მამა ცოცხალი არ არის?
– როცა ეს ამბავი მოხდა, ლიზა ძალიან პატარა იყო და ამიტომ მამა ბუნდოვნად ახსოვს. მას შემდეგ 6 წელი გავიდა. აქვს პერიოდები, როცა მამას ახსენებს, მაგრამ ცდილობს, ჩემთან და ბებოსთან ამ თემაზე იშვიათად წამოიწყოს საუბარი, რადგან იცის, როგორი მტკივნეულია ჩვენთვის. მიფრთხილდება და ცდილობს, მამა ხშირად არ ახსენოს. თუმცა, როცა სიცხე აქვს, ეს გარდაუვალია. ეს ის შემთხვევაა, როცა ლიზა განსაკუთრებული სიხშირით კითხულობს მამას.
– თქვენს ცხოვრებაში ყველაზე დიდ მიღწევად რას მიიჩნევთ?
– იმას, რომ არაჩვეულებრივი გოგონა მყავს. რაც შეეხება საქმეს, აქაც გამიმართლა. გზა, რომელიც გამოვიარე, სულაც არ იყო ეკლიანი. მეგობრების დახმარებით, ძალიან გამიადვილდა იმის მიღწევა, რაც დღეს მაქვს. ჩემი წარმატების ფორმულა იღბალია, ნიჭს, შესაძლებლობებს და შრომისმოყვარეობას აღარ ვთვლი. ბევრი პრობლემა მქონია და რომ მეგონა, ყველაფერი დასრულდა, ღვთის ნებით ყველაფერი ლაგდებოდა და ახლაც ასეა. მგონია, რომ ღმერთი არასდროს მტოვებს, ჩემი მეგობარი ზუზუ (მსახიობი ზაზა ბეჟაშვილი, ავტ.) დამცინის ხოლმე, ღმერთი ამხანაგად ნუ გაიხადეო.
– წლებისა და გამოცდილების დაგროვების შემდეგ თქვენში რისი გადაფასება მოხდა?
– ადამიანების, ურთიერთობების! არ ვიცი, ბევრს ვითხოვ მეგობრებისგან? ისე ხდება, რომ ვიღაცეები თავისთავად მიდიან. პრინციპში, ფილტრაცია საჭიროა. ახლა უკვე აღარ მინდა, ჩემი ნამდვილი მეგობრების სიას ვინმე გამოაკლდეს.
ლანა კიკნაძე
