ირაკლი კუტალაძე: ''რადგან არ ვამჟღავნებ, ეს იმას არ ნიშნავს, რომ უგრძნობი ვარ''

მართალია, სოციალურ ქსელში ხშირად წუწუნებენ, რომ ხალხი დაიღალა ბადურაშვილი-კუტალაძის წყვილით, მათ გარშემო ინტერესი მაინც არ იკლებს და პირიქით, სკანდალი ვერც ბეგაშვილი-სადუნიშვილის დაპირისპირებამ გადაფარა.

მას შემდეგ, რაც ნინიმ იმშობიარა და სამშობიარო დატოვა, ირაკლი კუტალაძის ''ფეისბუქის'' გვერდზე აქტიურობა არ მთავრდება. ზოგი მამობას ულოცავს, ზოგიც კი ნინიზე ''ნიუსებს'' უტვირთავს. ბავშვის დაბადებამდე რამდენიმე დღით ადრე, ირაკლიმ დაბადების დღე მოსკოვში საკუთარ ''კოქტეილ ბარში'' გადაიხადა. მაშინ როდესაც საქართველოში მისი და ნინის დაშორების რეალურ მიზეზებს არკვევდნენ, კუტალაძემ დრო არაჩვეულებრივად გაატარა. მეორე დღეს სოციალურ ქსელში იუბილეს ამსახველი უამრავი ფოტო გავრცელდა.

ცნობილი ფაქტია, რომ ირაკლი ქართულად ვერ კითხულობს, ამიტომ სავარაუდოდ შვილის დაბადების შესახებ არ მგონია ქართული ინტერნეტსაიტებიდან შეეტყო, თუმცა როგორც ჩანს დაიღალა მასზე ამდენი ჭორაობით და რამდენიმე საათის წინ ''ფეისბუქზე'' ზურგში დანებდარტყმული მამაკაცის ფოტო გამოაქვეყნდა, წარწერით: ''რადგან არ ვამჟღავნებ, ეს იმას არ ნიშნავს, რომ უგრძნობი ვარ''…

საინტერესოა რას გულისხმობდა კუტალაძე ამ ორაზროვან ციტატაში, თუმცა ფაქტია, რომ დიდი მცდელობის მიუხედავად ცნობილი ინტერვიუს შემდეგ, ამ თემაზე ჟურნალისტებს აღარ ესაუბრება.

სალომე დადიანი
''რეიტინგი''