ნომერ პირველ მტრად, რუსების 41 პროცენტი საქართველოს მიიჩნევს...

„ლევადა ცენტრმა“ რუსეთში გამოკითხვა ჩაატარა, რომლის მიხედვითაც გაირკვა, რომ რუსების საკმაოდ სოლიდური ნაწილი საქართველოს მტრულ ქვეყნად მიიჩნევს, კერძოდ, ჩვენი ქვეყნისადმი აგრესიულად განწყობილი რუსების რიცხვი 41 პროცენტია.

აღსანიშნავია, რომ ჩვენი ჩრდილოელი მეზობლების თვალთახედვით, მტრებს შორის, მეზობელ, პატარა საქართველოს პირველი ადგილი უკავია და ამ სტატუსით თვით ამერიკის შეერთებულ შტატებსაც კი უსწრებს, რომელიც რუსებისთვის ნომერ მეორე მტერია.

საინტერესოა, რომ გამოკითხვის შედეგებით მიღებული რიცხვი 41, სიმბოლურად დაემთხვა ოლიგარქ ბიძინა ივანიშვილის „მეოცნებეთა“ კოალიციის საარჩევნო ნომერს. როგორც ცნობილია მილიარდერის მიმდევრებს სწორედ ეს ნომერი შეხვდათ არჩევნებში. მოკლედ, ოლიგარქს და მის მხარდამჭერებს, ამ შემთხვევაში, აშკარად ძალიან გაუმართლათ...

აღსანიშნავია, რომ მსგავსი გამოკითხვა რუსეთში გასულ წელსაც ჩატარდა და მაშინაც მტრული ქვეყნების მოწინავე პოზიციები სწორედ ასე განაწილდა: როგორც ირკვევა, რუსეთს მთელ პლანეტაზე ყველაზე დიდი მტერი საქართველო ჰყოლია, ხოლო მას მეორე ადგილზე მოკრძალებულად ამერიკის შეერთებული შტატები მოჰყვება...