უჩვეულო და სასტიკი რიტუალები, რომლებიც დღემდე არსებობს
13 024 ნახვა
უჩვეულო და სახიფათო რიტუალები მსოფლიოს სხვადასხვა კუთხეში კვლავაც არსებობს. მათ შორის განსაკუთრებით უჩვეულო, ძალადობრივი და სასტიკი რიტუალებიც შეგხვდებათ. ამჯერად ყველაზე უცნაურ და გამაოგნებელ რიტუალებს გადავავლოთ თვალი.
კანიბალიზმი - ინდუისტური რელიგიური სკოლის აგჰორის მიმდევრები, რომლებიც ინდოეთის ქალაქ ვარანასიში ცხოვრობენ, იმით არიან განთქმულნი, რომ მკვდრებს ჭამენ. მათ მიაჩნიათ, რომ ადამიანის ყველაზე დიდი შიში სიკვდილის შიშია და ეს შიში მის სულიერ განათლებას უშლის ხელს. მკვდრის შეჭმის შემდეგ შეიძლება ამ შიშისგან გათავისუფლება და განათლების გზაზე დადგომა. ინდუიზმის მიხედვით, ხუთი ტიპის ადამიანების კრემაცია არ ხდება: წმინდანების, ბავშვების, ორსულების, გაუთხოვარი ქალების და ასევე იმისი, ვინც რაიმე გადამდები დაავადებისგან მოკვდა. ამ ადამიანებს წმინდა მდინარე განგში უშვებენ, იქიდან კი ბოლოს აგჰორის მიმდევრები იღებენ და რიტუალებისთვის იყენებენ.
მზის ცეკვა - როგორც ცნობილია, ამერიკის ძირძველ მოსახლეობას უამრავი რიტუალი ჰქონდა სულების პატივსაცემად. განსაკუთრებით საინტერესოა მზის ცეკვა, რომლის მეშვეობითაც ადამიანი პირდაპირ კონტაქტში შედის სიცოცხლის ხესთან. რიტუალის მონაწილეს ძელთან აქვს მიმაგრებული მკერდი (მკერდს უხვრეტენ, შიგ თოკს ატარებენ და იმ თოკის მეორე ბოლოს ძელზე ამაგრებენ), თვითონ კი შეიძლება საათების განმავლობაში აქეთ-იქით იმოძრაოს, რომ თავი გაითავისუფლოს.
ნებაყოფლობითი წამება - შიიტური ისლამის მიმდევრები მასობრივი თვითგვემის რიტუალს ყოველ წელს ატარებენ, მუჰარამის წმინდა თვის პერიოდში, რათა ჰუსეინის, წინასწარმეტყველ მუჰამედის შვილიშვილის მოწამებრივ სიკვდილს მიაგონ პატივი. მამაკაცები რელიგიურ ტრანსში ვარდებიან და ტკივილს ვერ გრძნობენ, ამ დროს სამართებლებით ისერავენ სხეულს.
ძელიდან ხტომა - წყნარი ოკეანის კუნძულზე, სოფელ ბუნპალში, ტარდება რიტუალი სახელად გკოლი. ეს ერთგვარი ბანჯი-ჯამპინგის წინამორბედია. სოფლის მცხოვრებნი მღერიან, ცეკვავენ, მამაკაცები კი სახიფათო ხტომებისთვის ემზადებიან. ფეხებს ბაწრით იკრავენ და ძალიან მაღალი ძელებიდან ხტებიან, რომლებიც სპეციალურად ამ რიტუალისთვის არის მომზადებული. მიიჩნევა, რომ რაც უფრო მაღლიდან გადმოხტება ადამიანი, მით მეტად იქნება ღმერთებისგან დალოცვილი.
ციური დაკრძალვა - ტიბეტში ბუდისტებს უცნაური რიტუალი აქვთ. ბუდისტებს ხელახალი დაბადების წრისა სჯერათ, რაც იმას ნიშნავს, რომ არ არის აუცილებელი სხეულის დაკრძალვა სიკვდილის მერე, რადგან სული უკვე გადავიდა სხვა სხეულში. სხეულისგან რომ რაც შეიძლება სწრაფად გათავისუფლდნენ, სპეციალისტები გვამს ჭრიან და მტაცებელ ფრინველებს უმზადებენ, რომლებსაც მოწყალებასავით გადასცემენ გარდაცვლილთა სხეულის ნაწილებს.
ცეცხლოვანი გასეირნება - ფესტივალი მალაიზიის ქალაქ პენანგში იმართება. მონაწილეები ფეხშიშველნი დადიან მწველ ნახშირზე. მიიჩნევა, რომ ცეცხლი ბოროტ ზემოქმედებას განიზიდავს, მამაკაცურ ძალას აძლიერებს და ეხმარება ავი ზრახვებისგან გათავისუფლებაში. ამიტომაც ცეცხლზე ამ დღეებში ასობით ადამიანი „სეირნობს“.
მკვდრებთან ცეკვა - ეს ტრადიციული ფესტივალია, რომელიც მადაგასკარში იმართება. მის მონაწილეებს მიაჩნიათ, რომ რაც უფრო სწრაფად იხრწნება სხეული, მით უფრო სწრაფად აღწევს სული ზეციურ სამყაროში. ამიტომაც თავიანთ ახლობლებს მიწიდან თხრიან, რომ მათთან ერთად საფლავის გარშემო იცეკვონ, მერე კი ისევ ხელახლა დამარხონ.
დახვრეტა - ეს ვეგეტარიანული ფესტივალი ტაილანდში ყოველ წელს იმართება. ამ სახიფათო რიტუალის დროს მონაწილეები ლოყებში ირჭობენ დანებს, ხანჯლებს, სარებს და ცეცხლსასროლ იარაღსაც კი. მიიჩნევა, რომ რიტუალის დროს ღმერთებს მონაწილეების სხეულები ტრანსში შეჰყავთ, იცავენ ბოროტებისგან და მომავალში იღბალს უგზავნიან.
სასიკვდილო წეს-ჩვეულებანი - ამაზონური ტომი იანომამი ერთ-ერთი ყველაზე პრიმიტიულია მსოფლიოში. მისი წევრების აზრით, სიკვდილი არ არის ბუნებრივი მოვლენა. ამიტომ მიღებულია, მკვდარი დაწვან, მისი ფერფლი კი ბანანებს შეურიონ და მიიღონ საკვებად, რათა გარდაცვლილის სულმა ახლობლებთან ერთად ცხოვრება განაგრძოს.
სკარიფიკაცია - კანინგარის ტომი პაპუა-ახალი გვინეიდან უჩვეულო რიტუალს ატარებს, რომელიც ტომის წევრებს შორის სულიერი კავშირის გამყარებას ემსახურება. ერთ-ერთი სარიტუალო ცერემონია „სულის სახლში“ იმართება, რომელშიც მოზარდები მარტონი ცხოვრობენ ორი თვის განმავლობაში. ამ იზოლაციური პერიოდის გასვლის შემდეგ მათ უჩვეულო პროცედურას უტარებენ, რომლითაც „სიმწიფის“ პერიოდში გადაჰყავთ. რიტუალის პროცესში ადამიანს ბამბუკის ნასხლეტებს ურჭობდნენ. მიღებული ჭრილობები ნიანგის ტყავს ემსგავსება. სხეულზე ეს ნიშნები ნიანგის კბილების სიმბოლოა, რომელმაც ბიჭუნა შეჭამა და მოზრდილი მამაკაცი დატოვა. აღსანიშნავია, რომ ამ ტომის წევრთა აზრით, სწორედ ნიანგები არიან ადამიანების შემქმნელები.
მოამზადა ლელა ზურებიანმა
კანიბალიზმი - ინდუისტური რელიგიური სკოლის აგჰორის მიმდევრები, რომლებიც ინდოეთის ქალაქ ვარანასიში ცხოვრობენ, იმით არიან განთქმულნი, რომ მკვდრებს ჭამენ. მათ მიაჩნიათ, რომ ადამიანის ყველაზე დიდი შიში სიკვდილის შიშია და ეს შიში მის სულიერ განათლებას უშლის ხელს. მკვდრის შეჭმის შემდეგ შეიძლება ამ შიშისგან გათავისუფლება და განათლების გზაზე დადგომა. ინდუიზმის მიხედვით, ხუთი ტიპის ადამიანების კრემაცია არ ხდება: წმინდანების, ბავშვების, ორსულების, გაუთხოვარი ქალების და ასევე იმისი, ვინც რაიმე გადამდები დაავადებისგან მოკვდა. ამ ადამიანებს წმინდა მდინარე განგში უშვებენ, იქიდან კი ბოლოს აგჰორის მიმდევრები იღებენ და რიტუალებისთვის იყენებენ.
მზის ცეკვა - როგორც ცნობილია, ამერიკის ძირძველ მოსახლეობას უამრავი რიტუალი ჰქონდა სულების პატივსაცემად. განსაკუთრებით საინტერესოა მზის ცეკვა, რომლის მეშვეობითაც ადამიანი პირდაპირ კონტაქტში შედის სიცოცხლის ხესთან. რიტუალის მონაწილეს ძელთან აქვს მიმაგრებული მკერდი (მკერდს უხვრეტენ, შიგ თოკს ატარებენ და იმ თოკის მეორე ბოლოს ძელზე ამაგრებენ), თვითონ კი შეიძლება საათების განმავლობაში აქეთ-იქით იმოძრაოს, რომ თავი გაითავისუფლოს.
ნებაყოფლობითი წამება - შიიტური ისლამის მიმდევრები მასობრივი თვითგვემის რიტუალს ყოველ წელს ატარებენ, მუჰარამის წმინდა თვის პერიოდში, რათა ჰუსეინის, წინასწარმეტყველ მუჰამედის შვილიშვილის მოწამებრივ სიკვდილს მიაგონ პატივი. მამაკაცები რელიგიურ ტრანსში ვარდებიან და ტკივილს ვერ გრძნობენ, ამ დროს სამართებლებით ისერავენ სხეულს.
ძელიდან ხტომა - წყნარი ოკეანის კუნძულზე, სოფელ ბუნპალში, ტარდება რიტუალი სახელად გკოლი. ეს ერთგვარი ბანჯი-ჯამპინგის წინამორბედია. სოფლის მცხოვრებნი მღერიან, ცეკვავენ, მამაკაცები კი სახიფათო ხტომებისთვის ემზადებიან. ფეხებს ბაწრით იკრავენ და ძალიან მაღალი ძელებიდან ხტებიან, რომლებიც სპეციალურად ამ რიტუალისთვის არის მომზადებული. მიიჩნევა, რომ რაც უფრო მაღლიდან გადმოხტება ადამიანი, მით მეტად იქნება ღმერთებისგან დალოცვილი.
ციური დაკრძალვა - ტიბეტში ბუდისტებს უცნაური რიტუალი აქვთ. ბუდისტებს ხელახალი დაბადების წრისა სჯერათ, რაც იმას ნიშნავს, რომ არ არის აუცილებელი სხეულის დაკრძალვა სიკვდილის მერე, რადგან სული უკვე გადავიდა სხვა სხეულში. სხეულისგან რომ რაც შეიძლება სწრაფად გათავისუფლდნენ, სპეციალისტები გვამს ჭრიან და მტაცებელ ფრინველებს უმზადებენ, რომლებსაც მოწყალებასავით გადასცემენ გარდაცვლილთა სხეულის ნაწილებს.
ცეცხლოვანი გასეირნება - ფესტივალი მალაიზიის ქალაქ პენანგში იმართება. მონაწილეები ფეხშიშველნი დადიან მწველ ნახშირზე. მიიჩნევა, რომ ცეცხლი ბოროტ ზემოქმედებას განიზიდავს, მამაკაცურ ძალას აძლიერებს და ეხმარება ავი ზრახვებისგან გათავისუფლებაში. ამიტომაც ცეცხლზე ამ დღეებში ასობით ადამიანი „სეირნობს“.
მკვდრებთან ცეკვა - ეს ტრადიციული ფესტივალია, რომელიც მადაგასკარში იმართება. მის მონაწილეებს მიაჩნიათ, რომ რაც უფრო სწრაფად იხრწნება სხეული, მით უფრო სწრაფად აღწევს სული ზეციურ სამყაროში. ამიტომაც თავიანთ ახლობლებს მიწიდან თხრიან, რომ მათთან ერთად საფლავის გარშემო იცეკვონ, მერე კი ისევ ხელახლა დამარხონ.
დახვრეტა - ეს ვეგეტარიანული ფესტივალი ტაილანდში ყოველ წელს იმართება. ამ სახიფათო რიტუალის დროს მონაწილეები ლოყებში ირჭობენ დანებს, ხანჯლებს, სარებს და ცეცხლსასროლ იარაღსაც კი. მიიჩნევა, რომ რიტუალის დროს ღმერთებს მონაწილეების სხეულები ტრანსში შეჰყავთ, იცავენ ბოროტებისგან და მომავალში იღბალს უგზავნიან.
სასიკვდილო წეს-ჩვეულებანი - ამაზონური ტომი იანომამი ერთ-ერთი ყველაზე პრიმიტიულია მსოფლიოში. მისი წევრების აზრით, სიკვდილი არ არის ბუნებრივი მოვლენა. ამიტომ მიღებულია, მკვდარი დაწვან, მისი ფერფლი კი ბანანებს შეურიონ და მიიღონ საკვებად, რათა გარდაცვლილის სულმა ახლობლებთან ერთად ცხოვრება განაგრძოს.
სკარიფიკაცია - კანინგარის ტომი პაპუა-ახალი გვინეიდან უჩვეულო რიტუალს ატარებს, რომელიც ტომის წევრებს შორის სულიერი კავშირის გამყარებას ემსახურება. ერთ-ერთი სარიტუალო ცერემონია „სულის სახლში“ იმართება, რომელშიც მოზარდები მარტონი ცხოვრობენ ორი თვის განმავლობაში. ამ იზოლაციური პერიოდის გასვლის შემდეგ მათ უჩვეულო პროცედურას უტარებენ, რომლითაც „სიმწიფის“ პერიოდში გადაჰყავთ. რიტუალის პროცესში ადამიანს ბამბუკის ნასხლეტებს ურჭობდნენ. მიღებული ჭრილობები ნიანგის ტყავს ემსგავსება. სხეულზე ეს ნიშნები ნიანგის კბილების სიმბოლოა, რომელმაც ბიჭუნა შეჭამა და მოზრდილი მამაკაცი დატოვა. აღსანიშნავია, რომ ამ ტომის წევრთა აზრით, სწორედ ნიანგები არიან ადამიანების შემქმნელები.
მოამზადა ლელა ზურებიანმა
