რა აკავშირებთ გიორგი ვარდოსანიძეს და ნინი ცნობილაძეს
5 307 ნახვა
ახალგაზრდა, მაგრამ უკვე პოპულარულ მსახიობ გიორგი ვარდოსანიძისა და დამწყები მომღერლის, ნინი ცნობილაძის ნაცნობობა ერთ თბილ და კეთილ საღამოზე დაიწყო. იმ დღეს ორივე სცენაზე იდგა და მსახიობ გიორგი ყორღანაშვილის დასახმარებელ საქველმოქმედო კონცერტში მონაწილეობდა. პირველივე ნახვისას დადებითად განეწყვნენ ერთმანეთის მიმართ და ეს გრძნობა დღემდე არ განელებიათ. დარწმუნებულები არიან, რომ მათი ურთიერთობა მთელი ცხოვრება გასტანს. ბევრი საერთო თვისება აქვთ, მათ შორის საქმის უზომო სიყვარული. როცა გიორგი პროექტში "ცეკვავენ ვარსკვლავები" მონაწილეობდა, თურმე ნინის ფავორიტი სწორედ ის იყო, გიორგი კი მას კონკურს "ახალ ხმაში" გულშემატკივრობდა. მაშინ ვერც წარმოიდგენდნენ, რომ ერთმანეთს ასე დაუახლოვდებოდნენ და ამისთვის სულ რაღაც სამი თვეც საკმარისი აღმოჩნდებოდა.
ახლა ნინის ჯერია კონკურსში "ცეკვავენ ვარსკვლავები" მონაწილეობის მისაღებად და უკვე გამოცდილი გიორგი მას სასარგებლო რჩევებს აძლევს.
ნინი: გიორგი ჩემი ბავშვობის მეგობარს ძალიან ჰგავს და მასთან დამეგობრება ამიტომ უფრო გამიადვილდა.
გიორგი: ნინი კი არავის ჰგავს. საყვარელი ბავშვია. ძალიან ვაფასებ მის შემოქმედებას. პირველად რომ იმღერა კონკურს "ახალ ხმაში", ვთქვი, ძალიან მაგარია–მეთქი. განსხვავებული ხმა აქვს. მინდოდა, ფინალში ყოფილიყო. გული დამწყდა, რომ ვერ გაიმარჯვა, მაგრამ მჯერა, მისი ნიჭი არ დაიკარგება.
ნინი იუმორის გრძნობით სავსეა. კეთილია და კარგი საქმეების კეთება არ ეზარება. გიორგი ყორღანაშვილს კარგად არ იცნობდა, მაგრამ უცხო ადამიანის პრობლემა გულთან ახლოს მიიტანა. ეს ძალიან დასაფასებელი თვისებაა.
– თქვენი გაცნობა და პირველი დაკონტაქტება როგორ გახსოვთ?
გიორგი: ნინი რომ გავიცანი, მაშინვე აღვნიშნე, რომ ძალიან კარგი და უბრალო ადამიანია. უბრალოება კი ჩემთვის ადამიანის ყველაზე დიდი ნიჭია. ამიტომ ადვილად დავმეგობრდით. იქიდან მე წამოვიყვანე ნინი თბილისში. გზაში პატრულმა გაგვაჩერა და ამაზეც ბევრი ვიცინეთ.
ნინი: მთელი გზა გიორგის ანეკდოტებზე ვიცინოდით. დღეს მე და გიორგის ძალიან კარგი ურთიერთობა გვაქვს. გიორგის იუმორის გრძნობა ძალიან მომწონს. ნიჭიერი მსახიობია.
– ნინი, გიორგის სპექტაკლებს ესწრებით?
ნინი: სამწუხაროდ, გიორგის სპექტაკლები ჯერ არ მინახავს.
გიორგი: თეატრალური სეზონი დაიწყება და ამას გამოვასწორებთ.
– ერთია პირველი შთაბეჭდილება და მეორე, შემდგომი ურთიერთობა, რასაც ზოგჯერ იმედგაცრუებებიც ახლავს...
გიორგი: ნინი როგორი საყვარელიც მეგონა, ისეთი აღმოჩნდა. ჩვენ ახლა ვიწყებთ მეგობრობას. დარწმუნებული ვარ, წლების მერეც ძალიან კარგი ურთიერთობა გვექნება.
ნინი: ამ დროის მანძილზე ახალი არაფერი აღმომიჩენია გიორგიში.
– ამჟამად რა ხდება თქვენს შემოქმედებაში, რაიმე სიახლეები გაქვთ?
ნინი: ამ მხრივ, ჩემკენ ბევრი სიახლეა, სიმღერებზე ვმუშაობ. ვაპირებ, იურმალაში წავიდე სალომე ქათამაძის საგულშემატკივროდ.
გიორგი: ჩემკენ სიახლე ის არის, რომ დაიწყო ახალი გადაცემა "გააცინე და მოიგე", რომელსაც უკვე დიდი გამოხმაურება მოჰყვა (გიორგი ამ შოუს წამყვანია. ავტ.). თეატრში გასტროლები გვაქვს, ედინბურგის ფესტივალზე მივდივართ.
– ნინი, გიორგი "ახალ ხმაში" გგულშემატკივრობდათ. თქვენ თუ ქომაგობდით მას პროექტში "ცეკვავენ ვარსკვლავები"?
ნინი: მიუხედავად იმისა, რომ ერთმანეთს არ ვიცნობდით, გიორგის მართლა ვგულშემატკივრობდი. ისე დაემთხვა, რომ კონკურსებში ორივე მეორე ადგილზე გავედით.
– ნინი, თქვენ არ აპირებთ, გახდეთ "მოცეკვავე ვარსკვლავი"?
ნინი: დიდი სიამოვნებით მივიღებდი ასეთ პროექტში მონაწილეობას და შეიძლება მივიღო კიდეც.
– მაშინ გიორგის რჩევებიც დაგჭირდებათ.
ნინი: კი, ცოტა ხნის წინ რაღაც ვკითხე ცეკვებთან დაკავშირებით და სრული პასუხი მივიღე. გიორგი თვლის, რომ აუცილებლად უნდა მივიღო ამ კონკურსში მონაწილეობა, მაგრამ მაფრთხილებს, რთული და შრომატევადი იქნებაო.
გიორგი: რჩევებს მეკითხება და ვეუბნები, რომ ნერვებს გაუფრთხილდეს, რადგან ამ კონკურსს საკმაოდ დიდი სტრესი ახლავს თან, თუმცა ცხოვრებისეული პრაქტიკაა და გამარჯვებაც არ არის ცუდი, ამბობენ, კარგიაო. ვეუბნები, რომ წონაში ცოტა მოიმატოს, რადგან კონკურსში მონაწილეობისას აუცილებლად დაიკლებს. მე 20 კილო დავიკელი და ნინი ამ წონით რომ მივიდეს, იმ სამი თვის განმავლობაში მისგან ალბათ მარტო თმა დარჩება.
– ნინი, გიყვართ ცეკვა?
ნინი: ძალიან მიყვარს, მაგრამ პროფესიონალურად არასოდეს მიცეკვია. ჩემთვის მთავარი ყოველთვის სიმღერა იყო.
– ნინი, ეს მეორე კონკურსი იქნება თქვენთვის. რა ხიბლს ხედავთ ასეთ პროექტებში?
ნინი: კონკურსის ფორმატი საერთოდ არ მომწონს, მაგრამ დღეს გვიწევს ასეთ პროექტებში მონაწილეობა, რადგან ქართულ შოუბიზნესში მეტი არაფერი ხდება. რა თქმა უნდა, მირჩევნია, ჩემი საქმე ვაკეთო.
– ნინი, "ახალი ხმის" კონკურენტ პროექტს "საქართველოს ვარსკვლავს" როგორ აფასებთ?
ნინი: ვუყურებდი და კონკურსანტები ძალიან მომწონდა. წინა წლებისგან განსხვავებით, ძლიერი ბავშვები იყვნენ. განსაკუთრებით ლევან მასპინძელაშვილს ვგულშემატკივრობდი.
– ამ კონკურსშიც ხომ არ სცდით ბედს?
ნინი: არა, რადგან "ახალი ხმა" საერთოდ განსხვავებული პროექტია და მე სწორედ ამგვარ კონკურსში მინდოდა მონაწილეობა.
გიორგი: ნინი ძალიან ნიჭიერია. მინდა, რომ "ცეკვავენ ვარსკვლავები"–ს ახალი სეზონის გამარჯვებული გახდეს.
მანანა ნოდია, ჟურნალი სარკე
ახლა ნინის ჯერია კონკურსში "ცეკვავენ ვარსკვლავები" მონაწილეობის მისაღებად და უკვე გამოცდილი გიორგი მას სასარგებლო რჩევებს აძლევს.
ნინი: გიორგი ჩემი ბავშვობის მეგობარს ძალიან ჰგავს და მასთან დამეგობრება ამიტომ უფრო გამიადვილდა.
გიორგი: ნინი კი არავის ჰგავს. საყვარელი ბავშვია. ძალიან ვაფასებ მის შემოქმედებას. პირველად რომ იმღერა კონკურს "ახალ ხმაში", ვთქვი, ძალიან მაგარია–მეთქი. განსხვავებული ხმა აქვს. მინდოდა, ფინალში ყოფილიყო. გული დამწყდა, რომ ვერ გაიმარჯვა, მაგრამ მჯერა, მისი ნიჭი არ დაიკარგება.
ნინი იუმორის გრძნობით სავსეა. კეთილია და კარგი საქმეების კეთება არ ეზარება. გიორგი ყორღანაშვილს კარგად არ იცნობდა, მაგრამ უცხო ადამიანის პრობლემა გულთან ახლოს მიიტანა. ეს ძალიან დასაფასებელი თვისებაა.
– თქვენი გაცნობა და პირველი დაკონტაქტება როგორ გახსოვთ?
გიორგი: ნინი რომ გავიცანი, მაშინვე აღვნიშნე, რომ ძალიან კარგი და უბრალო ადამიანია. უბრალოება კი ჩემთვის ადამიანის ყველაზე დიდი ნიჭია. ამიტომ ადვილად დავმეგობრდით. იქიდან მე წამოვიყვანე ნინი თბილისში. გზაში პატრულმა გაგვაჩერა და ამაზეც ბევრი ვიცინეთ.
ნინი: მთელი გზა გიორგის ანეკდოტებზე ვიცინოდით. დღეს მე და გიორგის ძალიან კარგი ურთიერთობა გვაქვს. გიორგის იუმორის გრძნობა ძალიან მომწონს. ნიჭიერი მსახიობია.
– ნინი, გიორგის სპექტაკლებს ესწრებით?
ნინი: სამწუხაროდ, გიორგის სპექტაკლები ჯერ არ მინახავს.
გიორგი: თეატრალური სეზონი დაიწყება და ამას გამოვასწორებთ.
– ერთია პირველი შთაბეჭდილება და მეორე, შემდგომი ურთიერთობა, რასაც ზოგჯერ იმედგაცრუებებიც ახლავს...
გიორგი: ნინი როგორი საყვარელიც მეგონა, ისეთი აღმოჩნდა. ჩვენ ახლა ვიწყებთ მეგობრობას. დარწმუნებული ვარ, წლების მერეც ძალიან კარგი ურთიერთობა გვექნება.
ნინი: ამ დროის მანძილზე ახალი არაფერი აღმომიჩენია გიორგიში.
– ამჟამად რა ხდება თქვენს შემოქმედებაში, რაიმე სიახლეები გაქვთ?
ნინი: ამ მხრივ, ჩემკენ ბევრი სიახლეა, სიმღერებზე ვმუშაობ. ვაპირებ, იურმალაში წავიდე სალომე ქათამაძის საგულშემატკივროდ.
გიორგი: ჩემკენ სიახლე ის არის, რომ დაიწყო ახალი გადაცემა "გააცინე და მოიგე", რომელსაც უკვე დიდი გამოხმაურება მოჰყვა (გიორგი ამ შოუს წამყვანია. ავტ.). თეატრში გასტროლები გვაქვს, ედინბურგის ფესტივალზე მივდივართ.
– ნინი, გიორგი "ახალ ხმაში" გგულშემატკივრობდათ. თქვენ თუ ქომაგობდით მას პროექტში "ცეკვავენ ვარსკვლავები"?
ნინი: მიუხედავად იმისა, რომ ერთმანეთს არ ვიცნობდით, გიორგის მართლა ვგულშემატკივრობდი. ისე დაემთხვა, რომ კონკურსებში ორივე მეორე ადგილზე გავედით.
– ნინი, თქვენ არ აპირებთ, გახდეთ "მოცეკვავე ვარსკვლავი"?
ნინი: დიდი სიამოვნებით მივიღებდი ასეთ პროექტში მონაწილეობას და შეიძლება მივიღო კიდეც.
– მაშინ გიორგის რჩევებიც დაგჭირდებათ.
ნინი: კი, ცოტა ხნის წინ რაღაც ვკითხე ცეკვებთან დაკავშირებით და სრული პასუხი მივიღე. გიორგი თვლის, რომ აუცილებლად უნდა მივიღო ამ კონკურსში მონაწილეობა, მაგრამ მაფრთხილებს, რთული და შრომატევადი იქნებაო.
გიორგი: რჩევებს მეკითხება და ვეუბნები, რომ ნერვებს გაუფრთხილდეს, რადგან ამ კონკურსს საკმაოდ დიდი სტრესი ახლავს თან, თუმცა ცხოვრებისეული პრაქტიკაა და გამარჯვებაც არ არის ცუდი, ამბობენ, კარგიაო. ვეუბნები, რომ წონაში ცოტა მოიმატოს, რადგან კონკურსში მონაწილეობისას აუცილებლად დაიკლებს. მე 20 კილო დავიკელი და ნინი ამ წონით რომ მივიდეს, იმ სამი თვის განმავლობაში მისგან ალბათ მარტო თმა დარჩება.
– ნინი, გიყვართ ცეკვა?
ნინი: ძალიან მიყვარს, მაგრამ პროფესიონალურად არასოდეს მიცეკვია. ჩემთვის მთავარი ყოველთვის სიმღერა იყო.
– ნინი, ეს მეორე კონკურსი იქნება თქვენთვის. რა ხიბლს ხედავთ ასეთ პროექტებში?
ნინი: კონკურსის ფორმატი საერთოდ არ მომწონს, მაგრამ დღეს გვიწევს ასეთ პროექტებში მონაწილეობა, რადგან ქართულ შოუბიზნესში მეტი არაფერი ხდება. რა თქმა უნდა, მირჩევნია, ჩემი საქმე ვაკეთო.
– ნინი, "ახალი ხმის" კონკურენტ პროექტს "საქართველოს ვარსკვლავს" როგორ აფასებთ?
ნინი: ვუყურებდი და კონკურსანტები ძალიან მომწონდა. წინა წლებისგან განსხვავებით, ძლიერი ბავშვები იყვნენ. განსაკუთრებით ლევან მასპინძელაშვილს ვგულშემატკივრობდი.
– ამ კონკურსშიც ხომ არ სცდით ბედს?
ნინი: არა, რადგან "ახალი ხმა" საერთოდ განსხვავებული პროექტია და მე სწორედ ამგვარ კონკურსში მინდოდა მონაწილეობა.
გიორგი: ნინი ძალიან ნიჭიერია. მინდა, რომ "ცეკვავენ ვარსკვლავები"–ს ახალი სეზონის გამარჯვებული გახდეს.
მანანა ნოდია, ჟურნალი სარკე
