ლედი გაგას ყოფილი მეგობარი მომღერლის სკანდალურ ცხოვრებაზე ალაპარაკდა

ვარსკვლავებს თავის გარემოცვასთან სიფრთხილის გამოჩენა მართებთ, რადგან ხშირად ზოგიერთი მეგობარი თავისი ვარსკვლავი ამხანაგის სკანდალური დეტალების შესახებ საუბარს სულაც არ ერიდება. სწორედ ასე მოიქცა ბრენდან ჯეი სალივანი, რომელიც ირწმუნება, რომ წარსულში ლედი გაგას საუკეთესო მეგობარი გახლდათ. ახალგაზრდა მამაკაცმა დაწერა წიგნი, რომელიც მაღაზიის დახლებზე ერთი თვის შემდეგ გამოჩნდება. მემუარებში ბრენდანი მომღერალთან ურთიერთობასა და მის წარსულს იხსენებს. სალივანი წერს, რომ ლედი გაგა, იგივე სტეფანი ჯერმანოტა დღეს და ღამეს კლუბებში ატარებდა და კოკაინი მისთვის ჩვეულებრივი საქმე იყო. ავტორის თქმით, მომღერალი მას უყვებოდა, რომ ნარკოტიკს მაკიაჟის გაკეთებამდე იღებდა, როდესაც სრულიად მარტო იყო, თუმცა, წიგნში ნათქვამია, რომ გაგა თავისივე წესს ხშირად არღვევდა. სალივანი წერს, რომ მომღერალი ნიუ იორკში სკოლა „Tish“-ში სწავლისას კოკაინს მეგობრებთან ერთად ყნოსავდა. „ისინი მამებს ურეკავდნენ და ატყუებდნენ, რომ ფული საჭმლისთვის, ან წიგნებისთვის სჭირდებოდათ, რის შემდეგაც კოკაინს ყიდულობდნენ და წვეულებაზე მიდიოდნენ“. ლედი გაგა თავის ბობოქარ წარსულს არასდროს მალავდა, თუმცა, ავტორი ირწმუნება, რომ მომღერლის ყველაზე ერთგულ თაყვანისმცელებსაც კი გააოცებდთ, თუ რა რაოდენობით ნარკიტიკს მოიხმარდა ვარსკვლავი.
ავტორი: ეთუნა მზარეულიშვილი