მიშა ცინცაძე მეხუთე შეყვარებულს ელის
2 313 ნახვა
"კომედი შოუს" შედარებით ახალი სახე, მიშა ცინცაძე, ცხოვრებაში ოთხჯერ იყო შეყვარებული. თუ გავითვალისწინებთ, რომ ჯერ 26 წლისაა, ადვილი მისახვედრი იქნება, რომ ეს რომანები ხანგრძლივი არ ყოფილა. ბოლო სიყვარულს ერთი წლის წინ გამოემშვიდობა და ახალი გრძნობის მოლოდინშია. იუმორისტი თვლის, რომ ყველა ურთიერთობამ რაღაც ასწავლა, თუმცა ყველა ქალთან ახალ–ახალ შეცდომებს მაინც უშვებდა. ახლა უკვე იცის, როგორი ქალი სურს გვერდით და სჯერა, რომ თავის ნამდვილ მეორე ნახევარს აუცილებლად იპოვის. მისი მშობლები კი ძალიან აქტიურობენ, ვეღარ ითმენენ, უნდათ, მიშა დროულად დაოჯახდეს და მათ შვილიშვილი აჩუქოს.
– მიშა, რაც ეკრანზე გამოჩნდით, თქვენ მიმართ გოგონების ინტერესმა იმატა?
– თაყვანისმცემელი გოგონების რიცხვი საგრძნობლად გაიზარდა, რასაც ძირითადად "ფეისბუქის" საშუალებით მივხვდი, მაგრამ უფრო ბავშვები, მე–8, მე–10 კლასის მოსწავლეები აქტიურობენ, მათ თაობაში ბევრად პოპულარული ვარ. ჩემი ასაკის გოგონებიც მწერენ.
– რას გწერენ?
– უბრალოდ მეცნობიან. რამდენიმე მათგანს შევხვდი კიდეც, მაგრამ ჩვენ შორის უფრო მეგობრული ურთიერთობა ჩამოყალიბდა. მივხვდი, რომ სოციალურ ქსელში ადამიანი სხვანაირია და რომ ნახავ – სხვანაირი. თუ როგორი, ამას უბრალოდ ვერ ავხსნი, გამგები გაიგებს.
– ანუ მათგან არავინ მოგეწონათ ისე, რომ შეგყვარებოდათ?
– არა. საერთოდ ოთხჯერ მიყვარდა. თითოეული რომანი წელიწადნახევარი მაინც გრძელდებოდა. ფლირტიდან რატომღაც ეგრევე სერიოზულ ურთიერთობაზე გადავდიოდი.
– რატომ სრულდებოდა ეს ურთიერთობები?
– არ ვიცი, მიზეზი ყოველთვის სხვადასხვა იყო. ვერ ვიტყვი, რომ ოთხივე გოგო სხვადასხვანაირი გრძნობით მიყვარდა. როცა მიყვარს, მიყვარს! ჩემთვის ამ გრძნობას ეტაპები არ აქვს. ყველა გოგო ერთმანეთისგან რადიკალურად განსხვავდებოდა. ბოლო შეყვარებულს ერთი წლის წინ დავშორდი.
– დაშორება არ გიძნელდებათ?
– დაშორება ყოველთვის ძალიან მიჭირს, მაგრამ რაღაცეებით გადამაქვს. ვერ ვიტყვი, რომ ამ ურთიერთობების დასრულებაში რომელიმეს განსაკუთრებულად მიგვიძღოდა ბრალი. ოთხივე შემთხვევაში ორივე მხარე ვიყავით დამნაშავეები.
– როგორ იქცევით, როცა შეყვარებული ხართ?
– გოგოსთვის მისი საყვარელი სიმღერის ქავერი გამიკეთებია და გამიგზავნია. ინტერნეტი უკვე იძლევა იმის საშუალებას, რომ ცეცხლიანი ფიალით ხელი არ დაიწვა და გოგო სხვა რაღაცეებით მოხიბლო. კართან ყვავილების, შოკოლადების დადება არ მიყვარს და არც სერენადების მღერა მჩვევია. საკმაოდ რომანტიკული ვარ, მაგრამ ამის გამოხატვა არ შემიძლია. როცა მიყვარს, ჩაფიქრებული და გულჩათხრობილი ვხდები.
– რა გასწავლათ მშვენიერ სქესთან ურთიერთობამ, ჩასწვდით, რა სურთ ქალებს?
– მიუხედავად იმისა, რომ ურთიერთობებში საკმაოდ გამოცდილი ვარ, ქალი ჯერ კიდევ ვერ ამოვხსენი, მაგრამ ეს უფრო საინტერესოა ჩემთვის. სიყვარულივით ისიც დიდი ფენომენია. სიყვარული რა არის, ამაზე კონკრეტული აზრი არ გამაჩნია. ეს იმდენად დიდი რამ არის, ვერც შეცდომებს გამოვლევთ და ვერც გავაკონტროლებთ. რაც უფრო ბევრს ვსწავლობ, მით უფრო სხვანაირ და ახალ–ახალ შეცდომებს ვუშვებ. ყველა წარუმატებელი სიყვარულისგან ადამიანი რაღაც გაკვეთილს მაინც იღებს, შემდეგ კი ცდილობს, ეს ყველაფერი გამოიყენოს. შეიძლება დაშვებული შეცდომა არ გავიმეორო, მაგრამ ამის გარდა ათასი რამ არსებობს, რაც შეიძლება შეგეშალოს, თუმცა პატიებაც შესაძლებელია.
– თქვენ ადვილად პატიობთ?
– არა. ქალს ღალატს ვერასოდეს ვაპატიებ!.. ზუსტად ვიცი, ჩემი მეხუთე შეყვარებული ვინ იქნება.
– ჩვენც გვითხარით, ვინ არის.
– ჯერ არ არსებობს, მაგრამ ზუსტად მაქვს დასახული, როგორ გოგოს შევიყვარებ. პირველ რიგში, იუმორის გრძნობით უნდა იყოს დაჯილდოებული. მუსიკასთან შეხებაც აუცილებლად უნდა ჰქონდეს. სერიოზული უნდა იყოს. ამჩატებულ გოგოებთან კონტაქტს ვერ ვამყარებ. ბუნებრივია, რომ პირველ ეფექტს გარეგნობა ახდენს, მაგრამ შემდეგ წინა პლანზე შინაგანი სამყარო იწევს. ყოფილა შემთხვევა, როცა გოგოს სულიერებას ფიზიკურობისთვისაც გადაუჭარბებია. ლამაზი გოგოც მინახავს, რომელშიც ისეთი რამ აღმომიჩენია, მისკენ აღარც კი გამიხედავს.
ჩემი რჩეული სიკეთით აღსავსე და კდემამოსილი უნდა იყოს. ზედმეტად თავისუფალი გოგონები არ მიყვარს. არც ძალიან დაკომპლექსებული უნდა იყოს და არც ძალიან აღვირახსნილი.
– ურთიერთობებში გახსნილი ადამიანი ხართ?
– არსებობენ ადამიანები, ვისთანაც დისტანცია მიჭირავს. გოგოსთან ურთიერთობაში ყოველთვის ვცდილობ, რომ ის გავხსნა და ორივე თავისუფლად ვიყოთ. ცოტა უცნაურად გასაგები ადამიანი ვარ და მას ჩემი გაგება უნდა შეეძლოს.
– ეს უცნაურობა რითი გამოიხატება?
– ისეთი უცნაური და საზიზღარი თვისებები მაქვს, ჩემი მომავალი მეუღლე ჯერ ამას უნდა შეეგუოს. ადამიანისგან თუ რამე მეწყინა, მივახვედრებ, რომ ნაწყენი ვარ, მაგრამ – რატომ, ამას თვითონ უნდა მიხვდეს. ამის გამო გოგოსთან ურთიერთობაში პრობლემებიც შემქმნია, ორივე გაურკვევლობაში აღმოვჩენილვართ.
– როცა გიყვართ, ამას ადვილად ეუბნებით თუ მასთან გულახდილი საუბარი გიჭირთ?
– ამასაც წინასწარ ვერ განვსაზღვრავ. ერთი გოგოსთვის თუ ძალიან ჩვეულებრივად მითქვამს სიტყვა "მიყვარხარ", მეორისთვის ვერაფრით გამიბედავს. ალბათ ესეც გოგოზეა დამოკიდებული. სუსტ სქესთან ურთიერთობის წამოსაწყებად ცოტა დრო მჭირდება. თუ გოგოს ჩემთან თავიდანვე ხალასი, ღია და გახსნილი ურთიერთობა აქვს, მეც ვიხსნები.
– ბიჭისა და გოგოს ურთიერთობაში მთავარი რა არის?
– მთავარი მაინც ნდობაა. ყოფილა შემთხვევა, გოგოს მოვუტყუებივარ კიდეც. ძალიან ემოციური ვარ და ასეთი რაღაცეები რთულად გადამაქვს, მაგრამ ქალს ამას არ ვაგრძნობინებ. როცა მიყვარს, ცოტა ეჭვიანი ვხდები.
– ეჭვიანობა აკრძალვებსაც გულისხმობს?
– მაგალითად, დაბადების დღეებზე სიარულს არ ავუკრძალავ, მაგრამ შეიძლება ვთხოვო, იმ კონკრეტული ადამიანის დაბადების დღეზე არ წავიდეს, რომელიც არ მეპიტნავება. გოგოს თუ ვეყვარები, ამას აუცილებლად გამიგებს.
– მშვენიერ სქესთან ურთიერთობაში იუმორი თუ გეხმარებათ?
– იუმორი მხოლოდ გოგოსთან ურთიერთობაში კი არა, ძალიან ბევრ რამეში მეხმარება, მაგრამ აქაც ნორმის დაცვაა საჭირო. გოგომ თუ ჩათვალა, რომ არასერიოზული ხარ, ყველაფერი დამთავრებულია.
– ასეთი შემთხვევა გქონიათ?
– მქონია, როცა ურთიერთობაში გამოუცდელი ვიყავი. გადამეტებულად ვჯამბაზობდი და მერე მივხვდი, რომ იუმორი გოგოსთან მხოლოდ რაღაც დოზით უნდა გამომეყენებინა, რადგან მათ მაინც "დასტოინი" ბიჭები მოსწონთ.
– თქვენი ვიზუალით თუ იქცევთ ყურადღებას?
– ბოლო დროს წვერი მოვუშვი და, სხვათა შორის, ბევრმა აღნიშნა, რომ მიხდება, ალბათ გოგონებსაც მოვწონვარ.
– გოგოზე რა სტილის ჩაცმულობა მოგწონთ?
– მთავარია, მოიხდინოს და სტილს უკვე დიდ მნიშვნელობას არ ვანიჭებ. გული რატომღაც ფერხორციანი გოგონებისკენ უფრო მიმიწევს. მოუვლელი ქალი უფრო არ მომეწონება, ვიდრე ცუდად ჩაცმული. არ მომწონს დაჭმუჭნული ტანსაცმელი, ფრჩხილებზე ნახევრადგადაცლილი ლაქი...
– 26 წელი ის ასაკია, როცა მშობლები შვილებს დაოჯახებას სთხოვენ. თქვენები არ გაჩქარებენ?
– ჩემი მშობლები უკვე შიშობენ, რომ შეიძლება უცოლოდ დავრჩე. უფრო მეტად მამაჩემი აქტიურობს, მეუბნება, ცოლი მოიყვანე დროულადო. შვილიშვილი ძალიან უნდა. დედაჩემისთვის კი უკვე სულ ერთია, ცოლად ვის მოვიყვან, ოღონდ კი ჩემს ცხოვრებაში ვინმე გამოჩნდეს.
სოფიო ბოჭორიძე, ჟურნალი სარკე
– მიშა, რაც ეკრანზე გამოჩნდით, თქვენ მიმართ გოგონების ინტერესმა იმატა?
– თაყვანისმცემელი გოგონების რიცხვი საგრძნობლად გაიზარდა, რასაც ძირითადად "ფეისბუქის" საშუალებით მივხვდი, მაგრამ უფრო ბავშვები, მე–8, მე–10 კლასის მოსწავლეები აქტიურობენ, მათ თაობაში ბევრად პოპულარული ვარ. ჩემი ასაკის გოგონებიც მწერენ.
– რას გწერენ?
– უბრალოდ მეცნობიან. რამდენიმე მათგანს შევხვდი კიდეც, მაგრამ ჩვენ შორის უფრო მეგობრული ურთიერთობა ჩამოყალიბდა. მივხვდი, რომ სოციალურ ქსელში ადამიანი სხვანაირია და რომ ნახავ – სხვანაირი. თუ როგორი, ამას უბრალოდ ვერ ავხსნი, გამგები გაიგებს.
– ანუ მათგან არავინ მოგეწონათ ისე, რომ შეგყვარებოდათ?
– არა. საერთოდ ოთხჯერ მიყვარდა. თითოეული რომანი წელიწადნახევარი მაინც გრძელდებოდა. ფლირტიდან რატომღაც ეგრევე სერიოზულ ურთიერთობაზე გადავდიოდი.
– რატომ სრულდებოდა ეს ურთიერთობები?
– არ ვიცი, მიზეზი ყოველთვის სხვადასხვა იყო. ვერ ვიტყვი, რომ ოთხივე გოგო სხვადასხვანაირი გრძნობით მიყვარდა. როცა მიყვარს, მიყვარს! ჩემთვის ამ გრძნობას ეტაპები არ აქვს. ყველა გოგო ერთმანეთისგან რადიკალურად განსხვავდებოდა. ბოლო შეყვარებულს ერთი წლის წინ დავშორდი.
– დაშორება არ გიძნელდებათ?
– დაშორება ყოველთვის ძალიან მიჭირს, მაგრამ რაღაცეებით გადამაქვს. ვერ ვიტყვი, რომ ამ ურთიერთობების დასრულებაში რომელიმეს განსაკუთრებულად მიგვიძღოდა ბრალი. ოთხივე შემთხვევაში ორივე მხარე ვიყავით დამნაშავეები.
– როგორ იქცევით, როცა შეყვარებული ხართ?
– გოგოსთვის მისი საყვარელი სიმღერის ქავერი გამიკეთებია და გამიგზავნია. ინტერნეტი უკვე იძლევა იმის საშუალებას, რომ ცეცხლიანი ფიალით ხელი არ დაიწვა და გოგო სხვა რაღაცეებით მოხიბლო. კართან ყვავილების, შოკოლადების დადება არ მიყვარს და არც სერენადების მღერა მჩვევია. საკმაოდ რომანტიკული ვარ, მაგრამ ამის გამოხატვა არ შემიძლია. როცა მიყვარს, ჩაფიქრებული და გულჩათხრობილი ვხდები.
– რა გასწავლათ მშვენიერ სქესთან ურთიერთობამ, ჩასწვდით, რა სურთ ქალებს?
– მიუხედავად იმისა, რომ ურთიერთობებში საკმაოდ გამოცდილი ვარ, ქალი ჯერ კიდევ ვერ ამოვხსენი, მაგრამ ეს უფრო საინტერესოა ჩემთვის. სიყვარულივით ისიც დიდი ფენომენია. სიყვარული რა არის, ამაზე კონკრეტული აზრი არ გამაჩნია. ეს იმდენად დიდი რამ არის, ვერც შეცდომებს გამოვლევთ და ვერც გავაკონტროლებთ. რაც უფრო ბევრს ვსწავლობ, მით უფრო სხვანაირ და ახალ–ახალ შეცდომებს ვუშვებ. ყველა წარუმატებელი სიყვარულისგან ადამიანი რაღაც გაკვეთილს მაინც იღებს, შემდეგ კი ცდილობს, ეს ყველაფერი გამოიყენოს. შეიძლება დაშვებული შეცდომა არ გავიმეორო, მაგრამ ამის გარდა ათასი რამ არსებობს, რაც შეიძლება შეგეშალოს, თუმცა პატიებაც შესაძლებელია.
– თქვენ ადვილად პატიობთ?
– არა. ქალს ღალატს ვერასოდეს ვაპატიებ!.. ზუსტად ვიცი, ჩემი მეხუთე შეყვარებული ვინ იქნება.
– ჩვენც გვითხარით, ვინ არის.
– ჯერ არ არსებობს, მაგრამ ზუსტად მაქვს დასახული, როგორ გოგოს შევიყვარებ. პირველ რიგში, იუმორის გრძნობით უნდა იყოს დაჯილდოებული. მუსიკასთან შეხებაც აუცილებლად უნდა ჰქონდეს. სერიოზული უნდა იყოს. ამჩატებულ გოგოებთან კონტაქტს ვერ ვამყარებ. ბუნებრივია, რომ პირველ ეფექტს გარეგნობა ახდენს, მაგრამ შემდეგ წინა პლანზე შინაგანი სამყარო იწევს. ყოფილა შემთხვევა, როცა გოგოს სულიერებას ფიზიკურობისთვისაც გადაუჭარბებია. ლამაზი გოგოც მინახავს, რომელშიც ისეთი რამ აღმომიჩენია, მისკენ აღარც კი გამიხედავს.
ჩემი რჩეული სიკეთით აღსავსე და კდემამოსილი უნდა იყოს. ზედმეტად თავისუფალი გოგონები არ მიყვარს. არც ძალიან დაკომპლექსებული უნდა იყოს და არც ძალიან აღვირახსნილი.
– ურთიერთობებში გახსნილი ადამიანი ხართ?
– არსებობენ ადამიანები, ვისთანაც დისტანცია მიჭირავს. გოგოსთან ურთიერთობაში ყოველთვის ვცდილობ, რომ ის გავხსნა და ორივე თავისუფლად ვიყოთ. ცოტა უცნაურად გასაგები ადამიანი ვარ და მას ჩემი გაგება უნდა შეეძლოს.
– ეს უცნაურობა რითი გამოიხატება?
– ისეთი უცნაური და საზიზღარი თვისებები მაქვს, ჩემი მომავალი მეუღლე ჯერ ამას უნდა შეეგუოს. ადამიანისგან თუ რამე მეწყინა, მივახვედრებ, რომ ნაწყენი ვარ, მაგრამ – რატომ, ამას თვითონ უნდა მიხვდეს. ამის გამო გოგოსთან ურთიერთობაში პრობლემებიც შემქმნია, ორივე გაურკვევლობაში აღმოვჩენილვართ.
– როცა გიყვართ, ამას ადვილად ეუბნებით თუ მასთან გულახდილი საუბარი გიჭირთ?
– ამასაც წინასწარ ვერ განვსაზღვრავ. ერთი გოგოსთვის თუ ძალიან ჩვეულებრივად მითქვამს სიტყვა "მიყვარხარ", მეორისთვის ვერაფრით გამიბედავს. ალბათ ესეც გოგოზეა დამოკიდებული. სუსტ სქესთან ურთიერთობის წამოსაწყებად ცოტა დრო მჭირდება. თუ გოგოს ჩემთან თავიდანვე ხალასი, ღია და გახსნილი ურთიერთობა აქვს, მეც ვიხსნები.
– ბიჭისა და გოგოს ურთიერთობაში მთავარი რა არის?
– მთავარი მაინც ნდობაა. ყოფილა შემთხვევა, გოგოს მოვუტყუებივარ კიდეც. ძალიან ემოციური ვარ და ასეთი რაღაცეები რთულად გადამაქვს, მაგრამ ქალს ამას არ ვაგრძნობინებ. როცა მიყვარს, ცოტა ეჭვიანი ვხდები.
– ეჭვიანობა აკრძალვებსაც გულისხმობს?
– მაგალითად, დაბადების დღეებზე სიარულს არ ავუკრძალავ, მაგრამ შეიძლება ვთხოვო, იმ კონკრეტული ადამიანის დაბადების დღეზე არ წავიდეს, რომელიც არ მეპიტნავება. გოგოს თუ ვეყვარები, ამას აუცილებლად გამიგებს.
– მშვენიერ სქესთან ურთიერთობაში იუმორი თუ გეხმარებათ?
– იუმორი მხოლოდ გოგოსთან ურთიერთობაში კი არა, ძალიან ბევრ რამეში მეხმარება, მაგრამ აქაც ნორმის დაცვაა საჭირო. გოგომ თუ ჩათვალა, რომ არასერიოზული ხარ, ყველაფერი დამთავრებულია.
– ასეთი შემთხვევა გქონიათ?
– მქონია, როცა ურთიერთობაში გამოუცდელი ვიყავი. გადამეტებულად ვჯამბაზობდი და მერე მივხვდი, რომ იუმორი გოგოსთან მხოლოდ რაღაც დოზით უნდა გამომეყენებინა, რადგან მათ მაინც "დასტოინი" ბიჭები მოსწონთ.
– თქვენი ვიზუალით თუ იქცევთ ყურადღებას?
– ბოლო დროს წვერი მოვუშვი და, სხვათა შორის, ბევრმა აღნიშნა, რომ მიხდება, ალბათ გოგონებსაც მოვწონვარ.
– გოგოზე რა სტილის ჩაცმულობა მოგწონთ?
– მთავარია, მოიხდინოს და სტილს უკვე დიდ მნიშვნელობას არ ვანიჭებ. გული რატომღაც ფერხორციანი გოგონებისკენ უფრო მიმიწევს. მოუვლელი ქალი უფრო არ მომეწონება, ვიდრე ცუდად ჩაცმული. არ მომწონს დაჭმუჭნული ტანსაცმელი, ფრჩხილებზე ნახევრადგადაცლილი ლაქი...
– 26 წელი ის ასაკია, როცა მშობლები შვილებს დაოჯახებას სთხოვენ. თქვენები არ გაჩქარებენ?
– ჩემი მშობლები უკვე შიშობენ, რომ შეიძლება უცოლოდ დავრჩე. უფრო მეტად მამაჩემი აქტიურობს, მეუბნება, ცოლი მოიყვანე დროულადო. შვილიშვილი ძალიან უნდა. დედაჩემისთვის კი უკვე სულ ერთია, ცოლად ვის მოვიყვან, ოღონდ კი ჩემს ცხოვრებაში ვინმე გამოჩნდეს.
სოფიო ბოჭორიძე, ჟურნალი სარკე
