კუტუნიომ ქათამაძეს 8 - სთვის ბოდიში სიმღერით მოუხადა +ვიდეო
2 174 ნახვა
კონკურს "ახალი ტალღა 2013"-ის მეორე ადგილის მფლობელ სალომე ქათამაძეს ბროლის ტალღა ჟიურის წევრებმა ტოტო კუტუნიომ, მაქსიმ ფადეევმა და იგორ ნიკოლაევმა გადასცეს. ქართველ კონკურსანტს ჯილდოდ 30 ათასი ევრო გადაეცა. ტოტო კუტუნიომ ქათამაძეს, რომელსაც კონკურსის მეორე ტურში ყველაზე დაბალი შეფასება მისცა, 8-ანისთვის სიმღერის მიძღვნით "მოუხადა ბოდიში" და იტალიაში დაპატიჟა.
შეგახსენებთ, რომ სწორედ კუტუნიოს მიერ აწეულ 8-ანს მიაწერენ ქართველი გულშემატკივრები, იმას, რომ სალომე ქათამაძემ პირველი ადგილი დათმო.
თავის მხრივ, მაქსიმ ფადეევმაც აღიარა, რომ ნანობს ქართველი შემსრულებისთვის არა მაქსიმალური 11-ის, არამედ 10-იანის დაწერას.
სალომე ქათამაძეს გამარჯვებულის ტიტულამდე სულ ერთი ქულა დააკლდა. ჟიურის ფავორიტი კუბის წარმომადგენელი რობერტო კელ ტორესი გახდა. მას პრიზის სახით ბროლის ტალღა და 50 ათასი ევრო გადაეცა. მესამე ადგილზე კი ვიეტნამელი შემსრულებელი ვინგ ჰუანგი გავიდა, რომელსაც ასევე ბროლის ტალღა და ფულადი ჯილდო - 20 ათასი ევრო გადაეცა.
