ბრენდონ სტოუნი - ქართველი ბესიკ შპეტიშვილის წარმატებული კარიერა
2 678 ნახვა
''ახალ ტალღაზე'' ქართველების არმიის მნიშვნელოვანი წარმომადგენელი იყო ბრენდონ სტოუნი, რომელიც სინამდვილეში ბესიკ შპეტიშვილია და საქართველოდან გერმანიაში გადაბარგებული, ამჟამად საკმაოდ წარმატებული მომღერალი, კომპოზიტორი და საუნდ-პროდიუსერია. ბრენდონი სცენაზე ვიეტნამელ შემსრულებელთან ერთად გამოვიდა, რომელიც საბოლოოდ მესამე ადგილს დაეუფლა და ეს ბევრწილად სწორედ ბრენდონთან მისი დუეტის დამსახურება იყო.
კონკურსის მეორე დღეს ვიეტნამელმა და ქართველმა ''პოდმოსკოვნიე ვეჩერა'' იმღერეს დუეტში და უამრავი აპლოდისმენტი და მაღალი ქულებიც დაიმსახურეს.
ბრენდონი საკუთარ თავს ჯაზ-სოულ-პოპ შემსრულებელს უწოდებს. ეს სტილების საინტერესო ნაზავი და რომანტიკული ეშხი, როგორც რუსები აღიარებენ, ეხმარება მას მაყურებლის მოხიბვლაში. ბრენდონი რა ხანია, რუსეთში დიდი სიყვარულით სარგებლობს და განსაკუთრებით ხშირად ''ახალ ტალღას'' სტუმრობს. 2005 წელს იურმალაში კონკურსანტად იყო ჩასული და ''ახალ ტალღაზე'' ესპანეთს წარმოადგენდა. მისი სიმღერით წარდგა კონკურსზე უკრაინელი ტინა კაროლი, რომელმაც მეორე ადგილი დაიკავა. ბრენდონი საპრიზო ადგილზე გავიდა.
მოგვიანებით ტინა კაროლთან დუეტი ჩაწერა, რომელიც მალევე გაჰიტდა უკრაინასა და ლატვიაში. ბრენდონი ამ კონკურსის საუნდ-პროდიუსერიც ყოფილა არაერთხელ და მის განვითარებაშიც დიდი წვლილი შეაქვს. შემქმნელებს ასევე ეხმარება კონკურსანტების მომზადებაში, როგორც მუსიკალური პროდიუსერი.
მის სიმღერებს კონკურსანტები ხშირად ასრულებენ. წინა წლების ''ახალ ტალღაზე'' ბევრი გამარჯვებულის სიმღერების ავტორი სწორედ ბრენდონია.
ბრენდონი რუსულ, ინგლისურ, გერმანულ, ესპანურ, ფრანგულ, ქართულ ენებზე, ასევე ივრითზე მღერის. სამი წლის ყოფილა, როცა მშობლებს მუსიკის სიყვარული და ნიჭი შეუნიშნავთ, ფორტეპიანოზე დაკვრის შესწავლაც ამ ასაკში დაიწყო. ხუთი წლისა საქართველოში ცნობილ მუსიკალურ ჯგუფ ''ნერგებში'' მიიღეს.
იქ ყოფნისას ისწავლა ასევე გიტარასა და დასარტყამ ინსტრუმენტებზე დაკვრა. 11 წლისამ, 1991 წელს, პირველი საერთაშორისო აღიარება მოიპოვა ინგლისში გამართულ ფესტივალზე. შემდეგ იყო გრან-პრი საქართველოში ჩატარებულ კონკურსში და კიდევ ბევრი წარმატება. 1995 წელს ბრენდონის ოჯახი ამერიკაში გადაბარგდა საცხოვრებლად. საქართველოს სიყვარული და მონატრება მას ყოველთვის თან ახლავს და ხშირად ჩამოდის სამშობლოში, წელს ბათუმში საქველმოქმედო კონცერტშიც მიიღო მონაწილეობა.
ნიუ-იორკშიც მალე მოახერხა საკუთარი ნიჭის რეალიზება და ცნობილ ფესტივალ Big-Apple-Festival-ზე მეორე ადგილს დაეუფლა. განსაკუთრებით დააფასეს მისი შესაძლებლობები, რადგან საკუთარი კომპოზიციები გაიტანა, თავისივე მუსიკითა და ტექსტით.
მოგვიანებით ოჯახი გერმანიაში გადავიდა საცხოვრებლად, სადაც ბესიკ შპეტიშვილი ბრენდონ სტოუნად იქცა და ახალი შემოქმედებითი პერსპექტივებიც აღმოაჩინა.
ბრენდონმა ბერლინის კონსერვატორია დაამთავრა, როგორც ჯაზის პიანისტმა. შემდეგ აშშ-ში ცნობილ საპროდიუსერო კომპანია Limelight-Records INC-თან გააფორმა ხელშეკრულება და სხვა ცნობილი პროდიუსერების ყურადღებაც მიიპყრო. მალე რამდენიმე კომპოზიცია ჩაწერა პრესტიჟულ სტუდიებში.
გერმანიაში ბრენდონს, პირველ რიგში, იცნობენ, როგორც კომპოზიტორსა და პროდიუსერს. მისი ყველა გამოსვლა დიდი წარმატებით სრულდება. ასევე ცნობილია გერმანელი მაყურებლისთვის, როგორც სხვადასხვა საქველმოქმედო პროექტისა და აქციის აქტიური მონაწილე.
ბრენდონმა ოჯახის შექმნაც მოასწრო - ''ახალ ტალღაზე'' ცოლ-შვილთან ერთად იყო ჩასული, თუმცა ჩიოდა, რომ მათ თითქმის ვერ ხედავდა: ''ღამის ორ საათზე მივდივარ სახლში, როცა ნატალიასა და ჩემს ქალიშვილს უკვე სძინავთ. მხოლოდ საუზმეზე ვხედავ მათ'' .
ჟურნალი ''რეიტინგი''
კონკურსის მეორე დღეს ვიეტნამელმა და ქართველმა ''პოდმოსკოვნიე ვეჩერა'' იმღერეს დუეტში და უამრავი აპლოდისმენტი და მაღალი ქულებიც დაიმსახურეს.
ბრენდონი საკუთარ თავს ჯაზ-სოულ-პოპ შემსრულებელს უწოდებს. ეს სტილების საინტერესო ნაზავი და რომანტიკული ეშხი, როგორც რუსები აღიარებენ, ეხმარება მას მაყურებლის მოხიბვლაში. ბრენდონი რა ხანია, რუსეთში დიდი სიყვარულით სარგებლობს და განსაკუთრებით ხშირად ''ახალ ტალღას'' სტუმრობს. 2005 წელს იურმალაში კონკურსანტად იყო ჩასული და ''ახალ ტალღაზე'' ესპანეთს წარმოადგენდა. მისი სიმღერით წარდგა კონკურსზე უკრაინელი ტინა კაროლი, რომელმაც მეორე ადგილი დაიკავა. ბრენდონი საპრიზო ადგილზე გავიდა.
მოგვიანებით ტინა კაროლთან დუეტი ჩაწერა, რომელიც მალევე გაჰიტდა უკრაინასა და ლატვიაში. ბრენდონი ამ კონკურსის საუნდ-პროდიუსერიც ყოფილა არაერთხელ და მის განვითარებაშიც დიდი წვლილი შეაქვს. შემქმნელებს ასევე ეხმარება კონკურსანტების მომზადებაში, როგორც მუსიკალური პროდიუსერი.
მის სიმღერებს კონკურსანტები ხშირად ასრულებენ. წინა წლების ''ახალ ტალღაზე'' ბევრი გამარჯვებულის სიმღერების ავტორი სწორედ ბრენდონია.
ბრენდონი რუსულ, ინგლისურ, გერმანულ, ესპანურ, ფრანგულ, ქართულ ენებზე, ასევე ივრითზე მღერის. სამი წლის ყოფილა, როცა მშობლებს მუსიკის სიყვარული და ნიჭი შეუნიშნავთ, ფორტეპიანოზე დაკვრის შესწავლაც ამ ასაკში დაიწყო. ხუთი წლისა საქართველოში ცნობილ მუსიკალურ ჯგუფ ''ნერგებში'' მიიღეს.
იქ ყოფნისას ისწავლა ასევე გიტარასა და დასარტყამ ინსტრუმენტებზე დაკვრა. 11 წლისამ, 1991 წელს, პირველი საერთაშორისო აღიარება მოიპოვა ინგლისში გამართულ ფესტივალზე. შემდეგ იყო გრან-პრი საქართველოში ჩატარებულ კონკურსში და კიდევ ბევრი წარმატება. 1995 წელს ბრენდონის ოჯახი ამერიკაში გადაბარგდა საცხოვრებლად. საქართველოს სიყვარული და მონატრება მას ყოველთვის თან ახლავს და ხშირად ჩამოდის სამშობლოში, წელს ბათუმში საქველმოქმედო კონცერტშიც მიიღო მონაწილეობა.
ნიუ-იორკშიც მალე მოახერხა საკუთარი ნიჭის რეალიზება და ცნობილ ფესტივალ Big-Apple-Festival-ზე მეორე ადგილს დაეუფლა. განსაკუთრებით დააფასეს მისი შესაძლებლობები, რადგან საკუთარი კომპოზიციები გაიტანა, თავისივე მუსიკითა და ტექსტით.
მოგვიანებით ოჯახი გერმანიაში გადავიდა საცხოვრებლად, სადაც ბესიკ შპეტიშვილი ბრენდონ სტოუნად იქცა და ახალი შემოქმედებითი პერსპექტივებიც აღმოაჩინა.
ბრენდონმა ბერლინის კონსერვატორია დაამთავრა, როგორც ჯაზის პიანისტმა. შემდეგ აშშ-ში ცნობილ საპროდიუსერო კომპანია Limelight-Records INC-თან გააფორმა ხელშეკრულება და სხვა ცნობილი პროდიუსერების ყურადღებაც მიიპყრო. მალე რამდენიმე კომპოზიცია ჩაწერა პრესტიჟულ სტუდიებში.
გერმანიაში ბრენდონს, პირველ რიგში, იცნობენ, როგორც კომპოზიტორსა და პროდიუსერს. მისი ყველა გამოსვლა დიდი წარმატებით სრულდება. ასევე ცნობილია გერმანელი მაყურებლისთვის, როგორც სხვადასხვა საქველმოქმედო პროექტისა და აქციის აქტიური მონაწილე.
ბრენდონმა ოჯახის შექმნაც მოასწრო - ''ახალ ტალღაზე'' ცოლ-შვილთან ერთად იყო ჩასული, თუმცა ჩიოდა, რომ მათ თითქმის ვერ ხედავდა: ''ღამის ორ საათზე მივდივარ სახლში, როცა ნატალიასა და ჩემს ქალიშვილს უკვე სძინავთ. მხოლოდ საუზმეზე ვხედავ მათ'' .
ჟურნალი ''რეიტინგი''
